Zenasis - Stat blo ebriting 1:14 - Torres Strait Creole (Yumplatok)

¹⁴ Den God i bin oda diskain, ‘Nadakain plenti lait kamaut nau insaid lo speis blo da skai po meke deitaim lait sain wea wan ples, ane naittaim lait sain wea nada ples. Ane dem nadakain plenti lait go soe sain blo ol sizan, sain blo ol taim blo dem dei ane sain blo ol dem iya.

Zenasis - Stat blo ebriting 1:14 Referans Kwoze

Zenasis - Stat blo ebriting 8:22

Da taim blo laip blo ert i go mata kipgo ane no stap. I go gad taim po plante ol gadan kaikai ane taim wen dem kaikai redi po kaikai. I go gad taim blo kol ane taim blo ot, ane i go gad taim blo rein ane taim blo no rein, ane taim blo naittaim ane taim blo deitaim.’

Matiu tokbaut Zizas 24:29

Zizas i kip spik, ‘Stretwei apta dem dei blo trabol da san i go kam dak, ane da mun nomo go gibe lait, dem sta go poldaun prom skai, ane ebridem strong samting blo skai i go seik.

Rebaleisan - end blo ebriting 6:12

Nau ai bin luk da Smolsip, em bin broke da namba siks lok lo da skrol. Ane i bin gad wan big ertseik. Da san bin tan kam blaik wase blaik kaliko, ane da mun em i bin kamap red kala wase blad.

Matiu tokbaut Zizas 2:2

‘Mipla i bin kam po luk beibi wea i bin bon uda i go kam king blo ol Zuwispipol, bikoz mipla i bin luk sta blo em i bin kamap. Mipla i bin kam po wosip em.’

Zenasis - Stat blo ebriting 9:13

Ai go pute reinbou blo mi wea klaud. I gobi sain blo da strong griment blo mi wea ai bin mekem melen lo mi ane ert.

Rebaleisan - end blo ebriting 8:12

Nau namba po einzel em bin bloue trampat blo em. Ane wan terd blo san ane wan terd blo mun ane wan terd blo dem sta i bin kam dak. Wan terd lo dei no bin gad lait, ane wan terd lo nait i bin diskain tu.

Luk tokbaut Zizas 23:45

Da bigblain wea i bin aing insaid wea Tempol blo God i bin brok raitdaun melen.

Mak tokbaut Zizas 13:24

‘Wea dat taim wen dem nugudting go pinis, da san i go kam dak, ane da mun nogo sain,

Rebaleisan - end blo ebriting 9:2

Wen em bin opene da maut blo dat big dip oll, tumas big smok i bin kamaut prom em, wase smok blo nadakain bigpaia. Ane dis smok ya i bin kabare da lait blo da san ane em meke da skai kam prapa dak.

Zenasis - Stat blo ebriting 1:13

Ane i bin gad deitaim ane naittaim. Diswan i bin namba tri dei.

Zenasis - Stat blo ebriting 1:15

Ane dem nadakain plenti lait mas laitap da speis blo da skai, solong dem lait i go sain godaun po lan ya daun ane ebriting wea da lan.’ Ane i bin apen wiskain God i bin odarem.