God uda gibe pis em i go smase Satana nadakain. Em i go mekem poldaun andanit wea leg blo yupla. Ane da spesilpeiba blo yumpla BosLod Zizas bi de wea yupla ebriwan.
Ai stap wea aus blo Gaias, em i lugaut mi. Ebriwan ya wea dat sos wea aus blo em i sane griting po yupla ebriwan. Ane Erastas tu i sane griting. Em i man blo lugaut mani blo da gabman blo dis siti ya. Kotus, amenbala blo yumpla i sane griting tu.
God prapa labe yupla ane em i singaut yupla po bi ol pipol blo em. Wa. Ai prea po PapaGod blo yumpla ane Zizas Kraist, BosLod blo yumpla, po soe yupla spesilpeiba ane gibe yupla kuaiatwei.