Yuɖa 1:25 - ONUGBÙ NYƐNYÃ VUVƆ

²⁵ ishubhubhui, bukusi, kemi anɛ kabhaŋɛŋa kɔ Kpaya terikpo bulɔ Ayɛyɛkɛkɔ, ganɔ Yesu Kristo bulɔ Apalete, kɔ ebe nɛ petee, denɔ ɔtsɔ̃ ɔvɛnɔ mabeke mabekem! Tɛlɛbɛlɛm.

Yuɖa 1:25 Referans Kwoze

1 Timotio 1:17

Ɔtsɔ̃, kɔ ɔfufɔɛ mɛ Ekusi, gɛ eti tsi, gɛ ataa wɛ̃, yɛ ko yɛ enu Kpaya, gɛ kabhakpɛkpɛ nɛ ishubhubhui lɛ kɔ ɔyɛkɔ vɛnɔ mabeke mabeke mɛ. Tɛlɛbɛlɛm.

Yohanɛsɛ 5:44

Kɛlɛ nɔ bɔ yɛkɛŋa onugɛ nɔ yɛkɛ kabhakpɛkpɛ denɔ wɔnɔhaglɔ kɔ, pɔ nɔ dɛbhɛtɛ kɛdɔnyɛdɔ tɛ nɔ yɛkɛ kabhakpɛkpɛ denɔ anɔ nɛ gɛ ede Kpaya Terikpo nɔ kɔ?

Romanɛ 11:36

Alasɛ denɔ yɛ ɔkɔ klɛ ganɔ yɛa bha klɛ kɛdɔnyɛdɔ kinu yɛyɛ. Yɛyɛ kɛlɛ nu ishubhubhui ɔvɛnɔ mabeke mabekem! Tɛlɛbɛlɛm.

Hebriuanɛ 13:8

Yesu Kristo terikpo alɛ nɛ ko enu kivu gɛ ba fla anɛ kibenyɛbe.

Tɛbubukasɛ 1:6

klɛ abhɛtɛ lɔ sɛ tɛ bu dzi bukusiɔŋakɔ anɛ kpayabanɔ tɛ bu kpɛ kɛtɔkpuesi kɔ yɛ Kpaya anɛ Aka—yɛ ishubhuibhui anɛ kemi ka lɛ ɔyɛkɔ vɛnɔ mabeke mabeke mɛ! Tɛlɛbɛlɛm.

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

Romanɛ 16:27

kɔ ebuinyi Kpaya lɛlɛ nɛ tite edzi ishubhubhui denɔ nɛ ɔvɛnɔ ganɔ Yesu Kristoa mɛ! Tɛlɛbɛlɛm.

Mateo 6:13

Klɛ tɛ gbanɔ lɔ kpɛ tɛfifekedi mɛ, pɔ bu lɔ odenɔ ezizi nɛ ahwɛ mɛ.’

Efesoanɛ 3:21

kɔ yɛ kɛlɛ nu busɔlɛha kabhaŋɛŋa anɛ busɔlɛɔha nɛ̀ Kristo Yesu mɛ ganɔ tɛmumɔ petee mɛ, denɔ ɔtsɔ̃ nɛ ɔyɛkɔ vɛnɔ! Tɛlɛbɛlɛmɛ.

Yohanɛsɛ 4:22

Wunɔ Samarianɛ nɔ sɔlɛ kɔ kɛdɔnɔ gɛ nɔ ti nyi, bulɔ bu nyi anɔ nɛ gɛ bu sɔlɛ kɔ, alasɛ tɛyɛyɛkɛkɔ de Yuɖanɛ nɛ mɛ.

2 Petro 3:18

Pɔ nɔ she nɛ kɛdɔkukɔ nɛ̀ kibuititi mɛ nɛ bulɔ Apalete anɛ̀ Ayɛyɛkɛkɔ Yesu Kristo. Kɔ yɛ kɛlɛ nu tɛbhubhui denɔ ɔtsɔnɛ nɛ̀ mabeke! Tɛlɛbɛlɛm.

2 Petro 1:1

Mɛ Simɔn Petro, Yesu Kristo axwɛdɛ anɛ̀ anɔkpɛkpɛ, Ɛŋlɔmɛ keplukpa anɛ akɔ bagɛ ɔganɔ kɛdzyɔgo bhɛbhɛtɛ bulɔ Kpaya anɛ Yesu Kristo gɛ ebhulɔayɛkɛ atɛ mɔ tɛyɛyɛkɛŋa ŋɛŋaedzi anasɛ bulɔ yɛ.

1 Petro 4:11

Onugɛ anɔnyanɔ aba ɖɔ, abhɛtɛ lɛ anasɛ aɖɔ Kpaya ebui alɛlɛ, Onugɛ anɔnyanɔ adɛ axwɛ, abhɛtɛ lɛ nɛ̀ tɛgɛganɛ gɛ Kpaya akɔ yɛ, sɛ tɛ nɛ ebuinɛ petee mɛ ba bakpɛ Kpaya nyi nɛabha aganɔ Yesu Kristo abha. Kɔ yɛ kɛlɛ nu ishubhubhui anɛ̀ kemi denɔ mabeke ɔvɛnɔ mabeke. Tɛlɛbɛlɛm.

Titusɛ 3:4

Pɔ kibe lɛ gɛ Kpaya Agɛ ayɛkɛkɔlɔ nɛ ɛyamyuyɔ anɛ anɔ ɖuɖɔ nɛ awɛ̃,

Titusɛ 2:10

klɛ tɛ beti zuru balɛ kɛdɔnyɛdɔ, pɔ ba kasɛ asɛ be nu banɔ gɛ ba ba yɛkɛ balɛabha aŋa petee, sɛ tɛ nɛ kidzonyɛdzoa bha ba ba bhɛtɛ kɛdɔkɛkasɛ denɔ Kpaya bulɔ Agɛ ebuanɔ nɛ shu tɛ kɛ ku li.

1 Timotio 2:3

Kɛɛ nɛ kɛlɛ bɔ, klɛ kɛlɛ ku Kpaya bulɔ Ayɛyɛkɛkɔ nɛ awɔ̃,

Efesoanɛ 3:10

Yɛ tɛpɛpɛɛ kɛlɛ dzi sɛ ɔtsɔnɛ, ganɔ busɔlɛha nɛabha, be bu Kpaya kibuinyinyi gelee ba kɔalɛ tii kɔ bagɛ baŋakabha anɛ kemielete nɛ́ owũsise kanɔ mɛ,

Efesoanɛ 1:8

sɛ akɔ lɔ kibuinyinyi nɛ kibuiesinunu gelee dɛ.

Romanɛ 11:33

O, Kibuinyinyi dzudzu mɛ kɛkesrɔdɔ anɛ Kpaya kibuititi! Yɛ kebhuikuklu kama gɛ ɔbɔ na kalɛ mɛ nyɔ, klɛ yɛ kidzo buwanu ma gɛ ɔbɔ naa kpɛ!

Luka 1:47

klɛ mɛ ɔfufɔɛ mɔ same nɛ Kpaya mɛ Ayɛyɛkɛkɔ nɛ,