Yuɖa 1:20 - ONUGBÙ NYƐNYÃ VUVƆ

²⁰ Pɔ wɔnɔ, ɛbhɛyalɛ dzyɔgo mɔ, nɔ bhɔ wɔnɔ shu ɔtrɔ nɛ wɔnɔ tɛyɛyɛkɛŋa nɛna dɛ nɛm tɛ no kulukpaya nɛ Ɔfufɔɛ Dzyɔgo nɛm.

Yuɖa 1:20 Referans Kwoze

Efesoanɛ 6:18

Klɛ klukpaya nɛ Ɔfufɔɛ nɛ mɛ kibenyɛbe nɛ kpayakuklu kanyakaɛdi anɛ tɛbibisi. Nɛ̀ kɛnɛ nɛ́ tɔkpuimɛ, zanɛ awɔ̃ klɛ kibenyɛbe za kpayakuklu abha kɔ kpaya banɔ.

1 Kɔrintioanɛ 14:15

So kɛde mɛ ɛba bhɛtɛ? Ɛba klukpaya nɛ mɛ ɔfufɔɛ, pɔ mɛ tsyɛ ɛba klukpaya nɛ́ mɛ tɔkpuimɛ, ɛba zha ɔdzɛ nɛ mɛ ɔfufɔɛ, pɔ mɛ tsyɛ ɛba zha ɔdzɛ nɛ́ mɛ tɔkpuimɛ.

Koloseanɛ 2:7

nɔ kpɛgu klɛ tɛ nɔ bhɔ ɔtrɔ nɛ yɛ mɛ, tɛ nɔ gɛganɛ nɛ́ tɛyɛyɛkɛŋa mɛ anasɛ gɛ ba kasɛ nɔ, klɛ tɛ nɔ yuku ɔgbɛgba nɛ̀ ahwɛhuhu.

1 Tɛsolonianɛ 5:11

Kɛlɛ so, nɔ kpɛ aglɔ kemi tɛ nɔ bhɔ aglɔ trɔ, ansɛ gɛ nɔ bhɛtɛ nɛ kɛgba mɛ.

1 Kɔrintioanɛ 14:26

Kide kɛlɛ bu baɖɔ ɔtsɔ̃ nɛ, badzya mɔ? Kibenɔ nɔ bɔ xogo, anɔnyanɔ evunɔ ɛdzɛ zhɛzha, ɔdɔgɔsɛ kibui gɛ ba kasɛ kɛdɔ, tɛbubukasɛ, ɔfufɔɛmɛaɖɔ ɔdɔgɔsɛ kibuiesibubu. Anɛ nɛɛ di petee alasɛ sɛ tɛ ba bhɛtɛ kɔ busɔlɛɔha nɛ tɛgɛganɛ.

Romanɛ 8:15

Alasɛ nɔ dɔɔ flɔ yɛkɛ ɔfufɔɛ nɛ gɛ ɔbhɛtɛ nɔ anɔdzidzi kɔ kifusisi, pɔ nɔ yɛkɛ eyidzidzi Ɔfufɔɛ. Klɛ ganɔ yɛa bha bu kpɛ ogugu sɛ, “Abba, Aka.”

Galatianɛ 4:6

Alasɛ bu nu beyi, Kpaya akpɛ yɛ Yi anɛ Ɔfufɔɛ nɛ bulɔ idzyi mɛ, Ɔfufɔɛ nɛ gɛ lɔ kpɛ ogugu sɛ “Aka, ma Ka.”

Efesoanɛ 4:29

Nɔ tɛ kɔ kaɖɔ tsutsɔmɔ kanyaka ke koeyi nɛ wɔnɔ inugbu mɛ, pɔ ka gɛ ko ka ba plɛnɔ tɛbhubhɔ trɔ kɔ bagugɔɛ kɔ balɛ dɔ pɛpɛɛ, tɛ kɛ ba pɛ̃ kɔ ba gɛ ba tatɔ.

Axwɛwɛwa 9:31

Klɛ busɔlɛha nɛ Yuɖia, Galelia anɛ Samaria petee ba za ishu yuyɔm. Busɔlɛɔha nɛ ɔgɛganɛ ɔtrɔ; klɛ Ɔfufɔɛ Dzyɔgo nɛ lɔ kpɛ alɛ kemi, lo she nɛ tikpikpem, ba za nɛ kifusisim kɔ Apalete.

Efesoanɛ 4:16

Denɔ yɛ mɛ ishuidzya petee, xogo klɛ lɛ nyana aglɔ nɛ tɛzɛ, klɛ lɛ bhɔ ishu trɔ nɛ tɛdɛdɛmɛ mɛ, anasɛ gɛ kapɛ nyɛapɛ wa yɛ shu axwɛ.

Efesoanɛ 4:12

tɛ ewũse Kpaya banɔ kɔ kɛxwɔɛ gɛ ba bawa, so tɛ ba bhɔ trɔ Kristo Ishuidzya ebui nɛabha

Axwɛwɛwa 26:18

sɛ tɛ ɔdɔ danɛ balɛ awɔ̃hũ tɛ otsyina lɛ odenɔ otumum ɔkɔ vɛnɔ kelidɛdanɛ mɛ, anɛ denɔ Satana kemi mɛ ɔvɛnɔ Kpaya ɔkɔ, sɛ tɛ ba yɛkɛ buzizi tɛyɛyɛkɔ tsye nɛ ɔzakɔ mumɔ nɛ bagɛ balɛ shu la tɛ danɛ nɛ shi ganɔ tɛyɛyɛkɛŋa nɛ mɛmɛ.’

1 Yohanɛsɛ 5:4

alasɛ anɔnyanɔ gɛ enu Kpaya ye yi aŋa kanɔ nɛabha. Kɛnɛ kɛlɛ nu kabhaŋɛŋa nɛ gɛ kaŋa kanɔ nɛabha, bulɔ tɛyɛyɛkɛŋa tsyɛ.

Yakobo 2:22

Sɛ ɔmɔ sɛ yɛ tɛyɛyɛkɛŋa anɛ kɛxwɛwɛwa nɛ ga ketsu, klɛ yɛ tɛyɛyɛkɛŋa nɛ na ganɔ kɛgɛ abhɛtɛ nɛm.

Titusɛ 1:1

Paolo, Kpaya axwɛdɛ anɛ Yesu Kristo anɔkpɛkpɛ kɔ Kpaya tɛyɛyɛkɛŋa gɛ be bu nɛ kɛgba anɛ kibuititi nɛ gɛ kɛɛ gbanɔ anɔ vɛnɔ kpayazɛza mɛ,

1 Kɔrintioanɛ 10:23

“Kɛdzo danɛ kɔ kɛdɔnyɛdɔ bhɛbhɛtɛ”—pɔ ganɛ kɛdɔnyɛdɔ kɛlɛ bui dzo. “Kɛdzo danɛ kɔ kɛdɛnyɛdɔ bhɛbhɛtɛ”—pɔ ganɛ kɛdɔnyɛdɔ kɛlɛ plɛnɔ anɔ.

Romanɛ 15:2

Alasɛ tɛ bulɔmɛayɛ kanyaka eku yɛɔhayɛ awɔ̃ kɔ yɛ tɛpɛpɛ̃, sɛ tɛ atɔ yɛ ewunɔ.

Axwɛwɛwa 15:9

Adɛ kpɛ ɔtɔgɛga nɛ bulɔ nɛ balɛ kishi, alasɛ eplu balɛ idzyi nɛm nɛ tɛyɛyɛkɛŋa.

2 Timotio 1:5

Ba tɛ bakam nɛ tɛyɛyɛkɛŋa gɛganɛ nɛ gɛ lɛ wɔ ahwɛ nɛ shu, gɛ ɛlɛ di ɛlɛ za wenishishe Loisɛ anɛ weni Yunisi ahwɛ putɔnɔ, klɛ ɛyɛkɛŋa sɛ, ɛlɛ kpasɛ wɔ tsyɛ mɛ ɔtsɔ̃.

1 Timotio 1:4

ɔdɔgɔsɛ tɛ ba yɛkɔ balɛ shu akpɛ begu anɛ ɛkɔdzidze ɖuɖɔ mɛ. Ebuia lɛlɛ nɛɛ di na mɛna aglɔ esi manumanu ɔyɛkɔdɛ Kpaya kɛxwɛ, nɛ gɛ lɛ nɛ tɛyɛyɛkɛŋa mɛ.

1 Kɔrintioanɛ 1:8

Aba kɔ nɔ za gɛganɛ ɔdɔtɔnɔ tɛbibeke mɛ, sɛ tɛ batɛ mɔ kizizi nɛ wunɔ shu anɛ bulɔ Apalete Yesu Kristo tɛbɛba wui nɛabha.

Tɛbubukasɛ 13:10

Onu gɛ anɔ teli alɛ asɛ tɛ etsoku tɛvuvu mɛ, tɛvuvu mɛ koe be tsoku. Onu gɛ anɔ teli alɛ asɛ tɛ be yi yɛ nɛ ɛhɛɛ, ɛhɛɛ la ba yɛkɔ eyi yɛ nɔ. Kɛɛ nɛ nɛ bisi sɛ tɛdudɔfɔ̃ mɛ zɛza anɛ tɛyɛyɛkɛŋa nɛ banɔnɛna nɛa pɛ mɛ.

Yuɖa 1:3

Ɛbhɛyalɛ dzyɔgo mɔ, kɛnyalɛ kɛlɛ mɛ sɛ ɛtrɔ gɛganɛɛ sɛ tɛ ɛŋlɔmɛ kɔ nɔ denɔ tɛyɛyɛkɛkɔ nɛ gɛ bu mɔ nɛ shu, ɛmɔ nɛ mɛ ishum sɛ alasɛ tɛ ɛŋlɔmɛ tɛ ɛyɛkɔ tsre nɔ sɛ tɛ nɔ wɛlãnkɛ kɔ tɛyɛyɛkɛŋa nɛ gɛ ba yɛkɔ nɛ kibe tirikpo mɛ petee akpɛ kpayabanɔ nɛ ahwɛ.

2 Petro 1:1

Mɛ Simɔn Petro, Yesu Kristo axwɛdɛ anɛ̀ anɔkpɛkpɛ, Ɛŋlɔmɛ keplukpa anɛ akɔ bagɛ ɔganɔ kɛdzyɔgo bhɛbhɛtɛ bulɔ Kpaya anɛ Yesu Kristo gɛ ebhulɔayɛkɛ atɛ mɔ tɛyɛyɛkɛŋa ŋɛŋaedzi anasɛ bulɔ yɛ.

Axwɛwɛwa 6:7

So nɛɛ Kpayɛbui nɛ ba nɛ. Badɔkpasɛ nɛ tikpikpe nɛ mɛ ba wu kabha nɛ Yerusalɛm zia zia, klɛ kpayanɔ gelee aba ta tɔ nɛ tɛyɛyɛkɛŋa.