Yohanɛsɛ 8:51 - ONUGBÙ NYƐNYÃ VUVƆ

⁵¹ Itsre nɔ kɛgba sɛ, onugɛ anɔ teli ayɛ kɛ mɛ bui, atɛ ba mɔ butsi.”

Yohanɛsɛ 8:51 Referans Kwoze

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Yohanɛsɛ 15:20

Nɔ baka kibui nɛ gɛ ɛɖɔ tsre nɔ: ‘Axwɛdɛ atɛ be triadɛ yɛ Apalete.’ Onugɛ ba kpatɔnɔ mɛ, ba ba kpatɔnɔ wunɔ tsyɛ. Onugɛ babhɛtɛ atrɔ mɛ kɛdɔkɛkasɛ nɛabha, ba ba bhɛtɛ atrɔ wunɔ yɛ tsyɛ abha.

Yohanɛsɛ 6:50

Pɔ kɛlɛ nu gbɛ̃gbɛvu gɛ kɛde owũsise aba, gɛ anɔ abà ŋa klɛ eti bɛ tsi.

Luka 2:26

Be bu aksɛ yɛ ganɔ Ɔfufɔɛ dzyɔgo nɛabha sɛ eti be tsi aba za nɛkpã amɔ Apalete nɛ Kristo.

Hebriuanɛ 11:5

Tɛyɛyɛkɛŋa so be feke Ɛnok nɛ kanɔanɛ mɛ, so nɛ yɛ adɛ mɔ butsi, ba dɛ mɔ yɛ, alasɛ Kpaya efeke yɛ ashɛnɔ. Alasɛ flogo tɛ ebe befeke yɛ, baɖɔ kaɖɔ dzyɔgo nɛ yɛ shu anasɛ anɔ gɛ eku Kpaya awɔ̃.

Yohanɛsɛ 8:55

Kɛlɛlɛmɛ sɛ nɔ tinyi yɛ, mɛ inyi yɛ. Onugɛ ɛɖɔ sɛ ɛtɛ nyi yɛ, ɛba dzi otro lete anasɛ wunɔ. pɔ ɛnyi yɛ klɛ ɛbhɛtɛ trɔ yɛ ebui nɛabha.

Yohanɛsɛ 8:12

Gɛ Yesu aza ɖɔaɖɔ etsre banɔ nɛ, aɖɔsɛ, “Mɛ nu kifu kɔ kanɔ. Anɔ gɛ aza mɛede atɛ ba ga otumui mɛ, pɔ kifu ɛkpã ba za yɛ ahwɛ.”

Mateo 16:28

Itsre nɔ kɛgba, banɔ teli gɛ be lii titi nɛ ɔkɛ̃ be ti be mini butsi flogo pɛ ba ba mɔ Anɔdzyrame yɛ Eyi nɛ aaba nɛ yɛ bukusi mɛ.”

Yohanɛsɛ 8:52

Nɛ kibui nɛ shu Yuɖanɛ ba kpɛ ogugu sɛ, “Ɔtsyɔnɛ bu nyi sɛ ɔfufɔɛ zizi lɔ kpasɛ wɔɛ mɛ! Abraham etsi klɛ kanake so batɔnu na bhɛtɛ, pɔ ɔɖɔ sɛ anɔ gɛ ayɛkɛ wɔ ebui, atɛ be mini butsi di.

Yohanɛsɛ 14:23

Yesu ebuilɛnu asɛ, “Onugɛ anɔ teli adɛmɛnɔ nɛ mɛ, aba bhɛtɛ atrɔ mɛ kɛdɔkɛkasɛ nɛabha. Mɛ Aka aba dɛmɛnɔ nɛ yɛ, klɛ bu ba ba yɛ ɔkɔ klɛ bu ba yɛ kɔ ɔkɛlɛ bhɛtɛ bulɔ kepi.

Yohanɛsɛ 17:6

“Ibu wɔ kasɛ banɔ nɛ gɛ ɔkɔ mɛ denɔ kanɔ nɛ mɛ. Be dzi wɔayɛalɛ, wɔ yɛkɔa lɛ ɔkɔ mɛ klɛ ba ta wɔ kibui na tɔ.

Hebriuanɛ 2:9

Pɔ bu mɔ Yesu, gɛ be zhinɔɛ akpɛ kesi bɔɛdɛ kpayaxwɛdɛ, ɔtsɔ̃ nɛ bekumui nɛ otugbavɛvɛ anɛ kabhakpɛkpɛ alasɛ amɔ butsi, sɛ tɛ Kpaya kɛdɔ tsyitsyeanɔ aga kɛlɛ mɛ amɔ butsi nɛ banɔ petee tɔkpu.