Yohanɛsɛ 8:42 - ONUGBÙ NYƐNYÃ VUVƆ

⁴² Yesu etsre alɛ sɛ, “Onugɛ Kpaya ebe dzi wunɔ Aka, nɔ tɔ dɛmɛnɔ nɛ mɛ alasɛ ɛde Kpaya ɔkɔ klɛ ɔtsɔnɛ ɛlɛ ɔkɛ nɛ. Ɛdɛ ba nɛ mɛ nahwɛ shui mɛ, pɔ ya kpɛ mɛ.

Yohanɛsɛ 8:42 Referans Kwoze

Yohanɛsɛ 12:49

Alasɛ ɛdɛ ɖɔ kibui nɛ nɛmɛnahwɛ shu ahwɛ, pɔ Aka nɛ gɛ akpɛ mɛ yɛ akɔ mɛ ɔshã sɛ tɛ ɛɖɔ kɛ gɛ ɛba ɖɔ nɛ ka na gɛ ɛba ɖɔɛ lɛ.

Yohanɛsɛ 14:10

Nɔ dɛ yɛkɛŋa sɛ ɛlɛ Aka nɛ mɛ klɛ Aka nɛ alɛ mɛ mɛ? Ebui nɛ gɛ ɛɖɔ tsre nɔ le di de mɛnahwɛ ɔkɔ. Pɔ nɛ Aka nɛ, gɛ alɛ mɛ mɛ yɛ abhɛtɛ yɛ xwɛ.

Yohanɛsɛ 17:8

Alasɛ ɛkɔ alɛ ebui gɛ ɔkɔ mɛ klɛ ba yɛkɛ alɛ. Be nyi nɛ kɛgbɛagba sɛ ɛde wɔ kɔ klɛ ba yɛkɛŋa sɛ wɔ kpɛ mɛ

Yohanɛsɛ 17:25

“Aka Nɛna, kɛlɛlɛmɛ sɛ kanɔ nɛ ti nyi wɔ, mɛ nyi wɔ, klɛ benyi sɛ wɔ kpɛ mɛ.

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

1 Yohanɛsɛ 4:14

Klɛ bu tɛ mɔ klɛ bu buɖɔ sɛ Aka asɛsɛ yɛ Eyianyɛ tɛ edzi Ayɛyɛkɛkɔ kanɔ.

Yohanɛsɛ 5:43

Ɛba nɛ maka nɛ nyi mɛ, klɛ nɔ dɛ yɛkɛ mɛ, pɔ onugɛ anɔ tɛli aba nɛ yɛnahwɛ nyimɛ, nɔ bɔ yɛkɛ yɛ.

1 Kɔrintioanɛ 16:22

Onugɛ anɔteli adɛ dɛmɛnɛ Apalete—ba ba ɖɔɛbui akpɛ yɛ. Ba, O Apalete!

Yohanɛsɛ 3:17

Alasɛ Kpaya adɛ sɛsɛ yɛ Eyianyɛ nɛ kanɔ nɛ mɛ sɛ tɛ ebe zi kanɔ, pɔ apɛa sɛ tɛ ebhui kanɔ nayɛkɛ aganɔ yɛ abha.

Yohanɛsɛ 5:23

sɛ tɛ balɛ petee bakpɛ Eyianyɛ nɛ tɔkpu nɛabha anasɛ gɛ ba kpɛ Aka nɛ tɔkpu nɛabha. Anɔ nɛ gɛ adɛ kpɛ Eyianyɛ nɛ tɔkpu nɛabha, adɛ kpɛ Aka nɛ gɛ akpɛ yɛ kɛtɔkpu nɛabha.

Tɛbubukasɛ 22:1

Ɔkɛlɛ kpayaxwɛdɛ nɛ akasɛ mɛ ɛkpãni anɛ keni, bulɛ mɛ bhui ansɛ kɛdɔbhubhui, bu kpɛ denɔ Kpaya anɛ Obhosheyi nɛ kekusigbu nɛm

Galatianɛ 4:4

Pɔ gɛ kibe nɛ na mɔmɔ, Kpaya asɛsɛ yɛ Eyianyɛ, gɛ adzɛ amɔ, ba mɔ yɛ nɛ ɔshã nɛesi,

Yohanɛsɛ 8:14

Yesu ebu ishu nu asɛ, “Onugɛ ɛɖɔaɖɔ nɛ mɛnahwɛ shu tsyɛ, mɛ ebuimɔɖɔ nɛ aŋa, alasɛ inyi ɔkɛlɛ gɛ ede nɛ ɔkɛlɛ gɛ ɛvɛ. Pɔ kɛma wunɔ tɔkpuimɛ ɔkɛlɛ gɛ ede nɛ ɔkɛlɛ gɛ ɛvɛ.

Yohanɛsɛ 13:3

Yesu enyi asɛ, Aka nɛ ayɛkɔ kɛdɔ petee akpɛ yɛ kemi esi, klɛ sɛ ede Kpaya ɔkɔ klɛ etsodzi avɛ Kpaya kɔ,

Yohanɛsɛ 16:30

Ɔtsɔnɛ bu ba mɔ sɛ onyi ebuia nɛ petee klɛ so kɛ ma sɛ tɛ anɔnyanɔ ebisi wɔ kɛbuinyɛbui. Kɛnɛ kɔ lɔ sɛ bɔ yɛkɛŋa sɛ ode Kpaya kɔ.”

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.