Yohanɛsɛ 7:39 - ONUGBÙ NYƐNYÃ VUVƆ

³⁹ Kibui nɛ Ɔfufɔɛ shu bui yɛ aɖɔ, bagɛ balɛ ayɛkɛ yɛ abhaŋa, balɛ tɛ yɛkɛ. Ɔdɔtɔnɔ kɛbelɛlɛ ba ka kɔ yɛ Ɔfufɔɛ, kɛlɛbe ba ka kpɛ Yesu nɛabha.

Yohanɛsɛ 7:39 Referans Kwoze

Axwɛwɛwa 2:17

Kpaya aɖɔ asɛ, “ ‘Nɛ ewi gɔgɔɛ nɛ mɛ, Ɛba bu mɛ Ɔfufɔɛ nɛ ɛbalɛ anɔnyanɔa bha. Wɔnɔ beyianyɛ anɛ beyiadzɛ ba ba ɖɔ ebui elu, wɔnɔ banyɛnsɔ na ba mɔɛ dɔ, wɔnɔ banɔ shishe na ba za balɛla.

Axwɛwɛwa 2:33

Be feke yɛ ada kpɛ Kpaya kɛŋahwɛ mɛ, klɛ ayɛkɛ Ɔfufɔɛ Dzyɔgo nɛ edenɔ Yaka ɔkɔ ansɛ gɛ aɖɔelu klɛ atɛ balɛ kɛ gɛ nɔɔ mɔ pɛ noo nu nɛ elu.

Axwɛwɛwa 2:4

Balɛ petee be yuku nɛ Ɔfufɔɛ Dzyɔgo klɛ la kpa kaɖɔɔ ɖɔ nɛ benuhu bhlatɔ mɛ ansɛ gɛ Ɔfufɔɛ nɛ oyɛkɔalɛ.

Yohanɛsɛ 16:7

Pɔ itsre nɔ kɛgbɛagba sɛ: Kɛ nu wunɔ tɛ pɛpɛ̃ so gɛ ikoeyi shɛ̃. Kɛ lɛ sɛ ɛdɛ shɛ̃, apɛplɛnɔ atɛ ba ba wunɔ ɔkɔ, pɔ onugɛ ɛshɛ̃, ɛba sɛsɛ nɔ yɛ.

Yohanɛsɛ 12:16

Nɛ kesikpɛkpɛ yɛ badɔkpasɛ be di nu ebuianɛ petee esi. Ba kpɛ Yesu nyi nɛbha kɛlɛede flogo gɛ be ti sɛ ebuinɛ gɛ ba ŋlɔmɛ nɛ yɛ shu klɛ agɛ ba bhɛtɛ ebuianɛ nɛ yɛ shu.

Romanɛ 8:9

Wɔnɔ, pɔ nɛɛ, tɛzɛzamkpã nɛ tɛ ŋa nɔa bha, Ɔfufɔɛ nɛ ɔlɛ ɔŋa nɔa bha, onu gɛ Kpaya Ɔfufɔɛ nɛ ɔlɛ wɔnɔ mɛ. Klɛ onu gɛ anɔ teli Kristo Ɔfufɔɛ nɛ ɔma yɛ mɛ, edi nu Kristoa yɛ.

Axwɛwɛwa 2:38

Petro ebui lɛ bunu asɛ, “No tsyina kitem tɛ nɔ yɛkɛ bunikpɛkpɛ, wɔnɔ mɛ anɔnyanɔ, nɛ Yesu Kristo kinyim kɔ wɔnɔ buzizi tɛ yɛyɛkɔ tsye. Klɛ nɔ bɔ yɛkɛ Ɔfufɔɛ Dzyɔgo mɛ kɛdɔkukɔ.

Yohanɛsɛ 20:22

Klɛ nɛ kɛlɛlɛ afɔɛ kpɛ alɛ mɛ klɛ aɖɔ sɛ, “Nɔ yɛkɛ Ɔfufɔɛ Dzyɔgo.

Yohanɛsɛ 12:23

Yesu etsre alɛ sɛ, “Kibe na sɛ tɛ bakpɛ Anɔdzyrame Yi nɛabha.

Efesoanɛ 4:30

Nɔtɛ bhɛtɛ kɛdɔ gɛ kɛba puɛ Kpaya Ɔfufɔɛ dzyɔgo, ɔlɛ laba kɔ kpɛ nɔ susu nɛ kiwui nɛabha gɛ ba bebhui nɔ yɛkɛ.

2 Kɔrintioanɛ 3:8

kɛ ma lɛmɛ sɛ Ɔfufɔɛ xwɛwuwa ba kɔ kabhaŋɛŋa gelee tsyɛ dɛ?

Axwɛwɛwa 4:31

Gɛ be klu Kpaya beke, ɔkɛlɛ gɛ be xogo nɛ ɔhwa. Klɛ balɛ petee yuku nɛ Ɔfufɔɛ Dzyɔgo klɛ be bu Kpaya kibui nɛ aɖɔ nɛ kifu masimasi.

Axwɛwɛwa 3:13

Abraham Kpaya, Isaka anɛ Yakɔpu, bulɔa ka lɛ Kpaya, nɛ atɛ danɛ yɛ axwɛdɛ Yesu shu. Nɔ yɛkɔ yɛ ɔkpɛ ahwɛ kɔ sɛ tɛ be yi, klɛ nɔ shɛ̃nahwɛ yɛ shu nɛ Pilato amɛ, nɛ kibe lɛ gɛ yɛ apɛa sɛ tɛ akɔ yɛ kidzo tɛ aga vɛ flogo.

Yohanɛsɛ 17:5

Klɛ ɔtsɔ̃ nɛ̃ nɛɛ, Aka, kpɛ mɛ nɛa bha nɛ wɔ ɔzakɔ anɛ kabhakpɛkpɛ nɛ ga za mɛ ahwɛ plɛnɔ wɔ flogo pɛ kanɔ na kakpɛe si.

Yohanɛsɛ 14:13

Klɛ ɛba bhɛtɛ kɛdɔnyɛdɔ gɛ nɔ bisi nɛ mɛ nyi mɛ, sɛ tɛ Eyi amɛna kabhakpɛkpɛ kɔ Aka.

Yohanɛsɛ 7:12

Nɛ banɔɛza nɛ shi kaɖɔ hunihuni eyi denɔ yɛ shu. Beteli aɖɔ sɛ, “Enu anɔ dzyɔgo.” Babhlatɔ tsyɛ asɛ, “Owo, awɔɛ banɔ.”

Yohanɛsɛ 6:14

Kɛlɛe de gɛ banɔ nɛ amɔ ebui gɛ eyinɔ anɔ gɛ Yesu abhɛtɛ, betenɛ kaɖɔ ɖɔ sɛ, “Kɛgbɛagba yɛ nu Atɔnu gɛ aba ba kanɔ nɛ mɛ.”

Yohanɛsɛ 1:33

Ɛgɛ ta ti yɛ, ɔdɛsɛ anɔ nɛ gɛ akpɛ mɛ sɛ tɛ ɛkpɛuni kɔ banɔ nɛ buni yɛ tsre mɛ, ‘Anɔ nɛ gɛ nɔ mɔ sɛ Ɔfufɔɛ nɛ zhi ba klɛ lɔ wɔ, yɛ nu agɛ aba kpɛni nɛ̀ Ɔfufɔɛ Dzyɔgo.’

Yohanɛsɛ 1:25

be bisi yɛ asɛ, “Kɛlɛ kide so gɛ ɔkpɛ buni onugɛ wɔ odunu Kristo, ɔdɔgɔsɛ Eliya, pɛ Atɔnu?”

Yohanɛsɛ 1:21

Be bisi yɛ asɛ, “Kɛlɛalɛ ane wɔ onu? Wɔ nu Eliya?” Aɖɔ sɛ, “Anɛ yɛ mɛ nu.” “Wɔ nu Atɔnu?” Ebui lɛ nu asɛ “Oo.”

Luka 24:49

Ɛba tɛsɛsɛ nɔ kɛgɛ mɛ Aka na ɖɔlu, pɔ nɔ za ɔma gbɛgbla nɛ mɛ, ɔdɔtɔnɔ kibenɔ gɛ ba bayɛkɔ kemi edenɔ owũsise enyumu kɔ nɔ.”

Luka 7:16

Kifu ku banɔ nɛ petee klɛ be hu Kpaya ahwɛ. “Banɔ nɛ baɖɔ sɛ atɔnu gbla ekoeyi nɛ bulɔɛ shi. Kpaya aba sɛ tɛ aba plɛnɔ yɛ banɔ.”

Luka 3:16

Yohanɛsɛ etsre balɛ petee asɛ, “Ɛkpɛ buni kɔ nɔ nɛ buni. Pɔ kemi anɔ teli aba ba gɛ adɛ mɛ, yɛ ɔtsreklɔ ohui tsyɛ ɛdɛna gɛ ɛba bule. Yɛ aba kpɛ buni kɔ nɔ nɛ̀ Ɔfufɔɛ dzyɔgo nɛ kifu.

Mateo 16:14

Be bu klɛ nu asɛ, “Banɔ teli asɛ Yohanɛsɛ Enikpɛ, be teli asɛ Eliya, klɛ babhlatɔ tsyɛ asɛ, Yeremia nɛ obhi batɔnu nɛ ɔmayɛ teli.”

Yohanɛsɛ 14:26

Pɔ Apɛplɛnɔ, Ɔfufɔɛ Dzyɔgo, gɛ Aka na ba sɛsɛ nɔ nɛ mɛ nyimɛ, lɔ bɔ kasɛ nɔ ebui nɛ petee klɛ lɔ bɔ baka nɔ kibuinyɛbui gɛ ɛtsre nɔ.

Mateo 21:11

Banɔɛza nɛ asɛ, “Yesu naa, atɔnu gɛ ede Nazarɛtɛ nɛ Galelia.”

Yohanɛsɛ 8:54

Yesu ebushunu asɛ, “Onugɛ ɛkpɛ mɛshu nɛabha, mɛ ishukpɛkpɛ kabha kedi nu kɛdɛnyɛdɔ. Mɛ Aka, gɛ nɔ sɛ yɛ nu wunɔ Kpaya, yɛ nu agɛ akpɛ mɛ nɛabha.

Yohanɛsɛ 16:14

Aba mɛna kabhaŋɛŋa kɔ mɛ ganɔ kaɖɔɖuɖɔ denɔ kɛgɛ nu mɛ yɛ klɛ aba bhɛtɛ lɛ sɛ tɛ no ti.

Yohanɛsɛ 17:1

Gɛ Yesu aɖɔ kibui nɛ beke, ebu amɛ akpɛ owũsise klɛ eklukpaya: “Aka, kɛbe nɛ na. Kpɛ Wɔ Eyi nɛa bha, sɛ tɛ wɔ Eyi tsyɛ akpɛ wɔ nɛa bha.

Axwɛwɛwa 19:2

klɛ ebisi ala sɛ, “Nɔ yɛkɛ Ɔfufɔɛ Dzyɔgo gɛ nɔ yɛkɛ kibui nɛa bha ɔŋa nɛ xã?” Be bu klɛ nu asɛ, “Owo, bu ka nu di tsyɛ sɛ Ɔfufɔɛ Dzyɔgo ɔlɛ.”