Yohanɛsɛ 7:32 - ONUGBÙ NYƐNYÃ VUVƆ

³² Farisianɛ benu ebui nɛ di gɛ banɔ nɛ aɖɔ hunihuni denɔ yɛ shu. Ɔkɛlɛ kpayazakɔanɔ gbla anɛ Farisianɛ na kpɛ kpayavu bepupo sɛ tɛ bede vu yɛ.

Yohanɛsɛ 7:32 Referans Kwoze

Axwɛwɛwa 5:26

Nɛ kɛlɛ shu, evupoaka anɛ yɛ baxwɛwa na vɛ klɛ bada gbanɔ banɔkpɛkpɛ nɛ amɛna. Ba dɛ yɛkɔ kanya na lɛ, alasɛ be si kifu asɛ banɔ ne be hua lɛ aklãgbu.

Yohanɛsɛ 18:3

Kɛlɛso Yuɖasɛ aba buya lɛlɛ nɛ mɛ, agbanɛ keyutugbani nɛ baxwɛwa denɔ kpayaɔzakɔanɔ gbla anɛ Farisianɛ ata shu. Be vunɔ ɛbɛya, bakanɛgbɛ ne keyuitadɔ.

Yohanɛsɛ 12:19

Kɛlɛso Farisianɛ ba ɖɔ tsre ɛhaglɔ sɛ, “No di, kɛnɛ tɛ bagbanɛ lɔ vɛnɔ ɔkɔnyɔkɔ. Di kana gɛ kanɔ nɛ petee ba lɛ yɛ ede!”

Mateo 23:13

“Butɔ kɔ wɔnɔ, ɛshãdɔkasɛ anɛ Farisianɛ, wɔnɔ betroni! Nɔ da owũsise bukusiɔŋakɔ nɛ ɔkpɛ banɔa. Wɔnɔ nahwɛ no to tsoku, klɛ nɔ tɔ kɔ bagɛ ba pɛa sɛ be tsoku nɛ tsyɛ etsoku.

Mateo 12:14

Pɔ Farisianɛ nɛ be koeyi avɛ klɛ ba da nya kana gɛ ba ba ga pɛɛ be be yi Yesu.

Mateo 26:58

Pɔ Petro yɛa za yɛe de nɛ tɛdzidze tilim, ede ku bubhui oklukɔ. Etsoku klɛ ezhiaza kesi nɛ bepupo nɛ ɔbha sɛ tɛ amɔ kɛdɔnɔ nɛ gɛ ba de koeyi nɛ kɛlɛ mɛ.

Yohanɛsɛ 7:30

Nɛ kibuilɛlɛ nɛshu ba pɛɛ sɛ tɛ bevu yɛ, pɔ anɔnyanɔ adɛ trɔ ɔhwɛ nɛ yɛ abha, alasɛ yɛ be ka na.

Yohanɛsɛ 11:46

Pɔ be teli ba vɛ ede tsre Farisianɛ ebui nɛ gɛ Yesu abhɛtɛ.