Yohanɛsɛ 6:70 - ONUGBÙ NYƐNYÃ VUVƆ

⁷⁰ Yesu ebuilɛnu asɛ, “Anɛ mɛ klu nɔ banɔ lɔfɔ nɛtiabha? Pɔ sɛ wunɔ mayɛ teli enu Abonsam!”

Yohanɛsɛ 6:70 Referans Kwoze

Yohanɛsɛ 13:27

Yuɖasɛ gbɛ̃gbɛvu nɛ tɛyɛyɛkɛ ko, Satana etsoku yɛ mɛ. Yesu etsre yɛ asɛ, “Kɛdɔnɔ gɛ ɔpɛɛ sɛ tɛ ɔbhɛtɛ, bhɛtɛ zia, ”

Yohanɛsɛ 13:2

Ba kɔ ɔwulagoe dɔ ŋɛŋa, klɛ ɔfufɔɛzizi nɛ tɛ tsoku Yuɖa Iskarɔtɛ, Simɔn yɛ yi nɛ mɛ sɛ tɛ akpɛ Yesu ahwɛ.

Yohanɛsɛ 17:12

Kɛbelɛlɛ gɛ ɛlɛ ba lɛ ɔbha ɛkpɛ buka kpɛ alɛ klɛ idi ba lɛabha mɔmɔ ganɔ kɛ nyi gɛ ɔkɔ mɛ nɛabha. Anɔnyanɔ adɛ lɛla ɔdɛ nu agɛ yɛ ba trɔ sɛ tɛ alɛla nɛ sɛ tɛ be bu Kpayaplukpa mɛ ebui nɛ akasɛ.

Yohanɛsɛ 13:18

“Anɛ nɔ petee mɛ ɖɔ, enyi ba gɛ eklu. Pɔ sɛ tɛ Kpaya bui nɛ bɛlɛmɛ, ‘Anɔ nɛ gɛ bulɔ nɛ yɛ bu kpahwɛ kɛsugbɛ tirikpo mɛ, yɛ alɔ kititi nɛ mɛ shu.’

Yohanɛsɛ 6:64

Pɔ wunɔ teli nɔ dɛ yɛkɛŋa.” Alasɛ Yesu eti ti denɔ kesikpɛkpɛ ke bagɛ ba dɛ yɛkɛŋa klɛ agɛ aba kɔ yɛ akpɛ ahwɛ.

1 Yohanɛsɛ 3:8

Anɔ nɛ gɛ abhɛtɛ kibuizizi enu ɔfufɔɛkpã ayɛ, alasɛ ɔfufɔɛkpã nɛ lɔ bhɛtɛ kizizi denɔ kesikpɛkpɛ ke. Kibui nɛ so gɛ Kpaya yɛ Yi aba kɛlɛ nu sɛ tɛ ezi ɔfufɔɛkpã nɛ kɛxwɛwɛwa.

1 Timotio 3:11

Nɛ kidzoe lɛ nɛa bha ke, balɛ edzinialɛ nɛ tsyɛ alsɛ tɛ be dzi badzɛ gɛ bana sɛ tɛ be bu, ganɛ banɔ gɛ ba ɖɔ anɔshutibui pɔ banɔyuyɔ anɛ banɔ gɛ ba ba yɛkɛ balɛa bha aŋa nɛ kibuinyɛbui mɛ.

Axwɛwɛwa 1:17

edzi bulɔ mɛayɛ teli gɛ yɛ tsyɛ abhɛtɛ tili nɛ Kpayɛxwɛ nɛm.”

Yohanɛsɛ 15:19

Onugɛ nɔ nu kanɔ na yɛ, ka ba dɛmɛnɛ nɔ anasɛ kalɛ nahwɛ ayɛ. Anasɛ gɛ kɛ nu, nɔ dɛ nu kanɔ nɛ ayɛ, pɔ iklu nɔ denɔ kanɔ nɛ mɛ. Kɛlɛso gɛ kanɔ kegu nɔ.

Yohanɛsɛ 15:16

Anɛ́ wunɔ klu mɛ, pɔ mɛ klu nɔ klɛ ebu nɔ sɛ nɔ vɛ klɛ tɛ nɔ yu eyuyu—eyuyu gɛ la ba za vɛnɔ. Kɛlɛ Aka aba kɔ nɔ kɛdɔnyɛdɔ gɛ nɔ bisi nɛ mɛ nyi mɛ.

Yohanɛsɛ 13:21

Gɛ aɖɔ kibui nɛ bekɛ, Yesu dzyi ahwa nɛ́ ɔfufɔɛ mɛ, klɛ aɖɔaɖɔ sɛ, “Itsre nɔ kɛgba, wunɔ mayɛ terikpo aba yɛkɔmɛ atɛ kpɛ ahwɛ.”

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

Titusɛ 2:3

Kana tsyɛ, kasɛ badzɛ shishedɛ nɛ dɔ sɛ tɛ bedzi banɔ gɛ ba ba yɛkɔ tili nɛ balɛ buim nɛ ɛkpã mɛ, sɛ tɛ be ti dzi banɔ gɛ baa ga anɔesi ɔdɔgɔsɛ bulu wɛ̃wɛ̃ gelee, pɔ bakasɛ kɛdɔ nɛ gɛ bɔ.

Axwɛwɛwa 13:10

“Wɔ, ɔfufɔɛkpã nɛ yɛeyi onu, klɛ ɔlɔ kititi nɛ kibui dzyɔgo kanyakaɛ di shu! Wɔ oyuku nɛ anɔ wɛwɛ edidedi anɛ kɛtɔkpum kpã. Klɛ so ɔtɛ bɔ zukɔlɔ Apalete nɛ edzo dzyɔgo nɛ bu tsyina?

Yohanɛsɛ 2:2

klɛ Yesu anɛ yɛ badɔkpasɛ nɛ tsyɛ be klu alɛ kɔ adzɛ gbɛgbanɔ.

Yohanɛsɛ 6:67

Yesu ebisi yɛ banɔ lɔfɔ nɛtiabha nɛ asɛ, “Wunɔ tsyɛ nɔ dɛ pɛɛ sɛ tɛ nɔ shɛ̃, nɔ pɛɛ?”

Yohanɛsɛ 6:71

(Yuɖasɛ yɛ aɖɔ, Simɔn Iskarɔtɛ yɛeyi, pɔ kɛlɛ lɛ mɛ sɛ enu kɛfɔnɛtɛabha nɛ mayɛ̃ teli, nɛ kɛlɛede aba yɛkɔ mɛ akpɛ ahwɛ.)

Yohanɛsɛ 20:24

Ɔtsyɔnɛ Toma (gɛ beklu yɛ asɛ Didamusɛ) Bakpɛkpɛ lɔfɔ̃nɛtɛabha balɛ mayɛ teli, adɛ za flogo gɛ Yesu aba.