Yohanɛsɛ 6:45 - ONUGBÙ NYƐNYÃ VUVƆ

⁴⁵ Ebuiɖɔlu Ba ŋlɔmɛ nɛ Atɔnu keplukpa nɛ mɛ asɛ: ‘Kpayɛa aba kasɛ alɛ petee dɔ.’ Anɔnyanɔ gɛ ata Aka na tɔ klɛ akpasɛ bui denɔ yɛ ɔkɔ aba ba mɛ kɔ.

Yohanɛsɛ 6:45 Referans Kwoze

Hebriuanɛ 10:16

“Kɛnɛ kɛlɛ nu onugbunyɛnya gɛ ɛba bhɛtɛ na lɛ nɛ kibelɛlɛ nɛede Apalete nɛ yɛ aɖɔ. Eba yɛkɔ mɛ ɛshã kpɛ balɛ idzyimɛ klɛ ɛba ŋlɔmɛ lɛ kpɛ balɛ kɛpɔkpui mɛ.”

1 Tɛsolonianɛ 4:9

Ɔtsɔ̃ nɛ kɛdzya mɛ tɛɖuɖɔ shu kɛ dɛ zhã sɛ bu ŋlɔmɛ kɔ nɔ, alasɛ wɔnɔ nahwɛ Kpaya atɛ kasɛ nɔɛ dɔ sɛ nɔ ɖɔ aglɔ.

Yohanɛsɛ 6:65

Avɛ lɛabha aɖɔ asɛ, “Kɛlɛ so gɛ itsre nɔ sɛ anɔnyanɔ atɛ ba ba me ɔkɔ gɛ odunu Aka nɛ yɛ akɔ yɛ dzo.”

Yohanɛsɛ 6:37

Banɔ nɛ petee gɛ Kpayɛa akɔmɛ ba baba mɛ ɔkɔ, klɛ anɔnyanɔ gɛ aba mɛ ɔkɔ ɛtɛ ba kɛkɛ yɛ.

Mateo 17:5

Nɛ kibe lɛ gɛ Petro ekedza ɖɔ kaɖɔ, ɔmunɔ fufu toli ɔbɔ kana balɛ ɔtsya, klɛ olim toli oyi denɔ ɔlɛ mɛ sɛ, “Meyi naa, gɛ ɛdɛmɛ yɛ bui; yɛmɛ mɛ mɔ amɛ zhizhiesi. Nɔta yɛa tɔ!”

Efesoanɛ 1:17

Itsri lɛabha bisi sɛ bulɔ Apalete Yesu Kristo Kpaya, ishubhubhui Aka akɔ nɔ Ɔfufɔɛ kibuinyinyi anɛ tibubukasɛ, sɛ tɛ nɔ tii yɛ ɔdɛ ana.

Yohanɛsɛ 10:27

Mɛ ibhoshi nɛ nu mɛ olimɛ, ɛnyi lɛ klɛ lɛ za mɛede.

Luka 18:31

Yesu eklu yɛ Balɔfɔnɛtɛabha eyinɔɛde klɛ etsre alɛ sɛ, “Bu wu vɛ Yerusalɛm, klɛ kɛdɔnyɛdɔ gɛ batɔnu nɛ aŋlɔmɛ denɔ Anɔdzyrame Yi nɛ shu, kɛbabɛ lɛ mɛ.

Luka 1:70

(anasɛ gɛ aɖɔ ganɔ yɛ batɔnu dzyɔgo nɛabha kukuku),

Marko 1:2

Ba ŋlɔmɛ nɛ Yezaya atɔnu nɛ keplukpa nɛ mɛ asɛ, “Ɛba kpɛ mɛ axwɛdɛ nɛ iputɔnɔ kɔ nɔ, yɛ aba be ŋuse wɔnɔɛ dzo ”

Mateo 11:27

“Ebui nɛ petee mɛ Aka nɛ atɛ yɛkɔ akpɛ mɛ ahwɛ. Anɔnyanɔ etinyi Eyi gɛ odinu sɛ Aka, klɛ anɔ nyanɔ etinyi Aka gɛ odinu sɛ Eyi nɛ banɔ nɛ gɛ Eyi nɛ apɛa sɛ tɛ ebu yɛ akasɛ.

Axwɛwɛwa 7:42

Pɔ Kpaya etsodzi nɛ balɛe de klɛ ayɛkɔa lɛ akɔ sɛ ba kpɛ kɛtɔkpuesi kɔ owũsise mɛ dɔ. Kibui nɛ sɔnɔ kɛdɔ ŋuŋlɔmɛ anɛ batɔnu nɛe plukpam asɛ: “ ‘Nɔ mɛna mɛ kɛdɔpupɔɛ nɛ kɛdɔkukɔ nɛ agɔ afɛtalɛ̃ mɛ nɛ ayakpa mɛ dza, O Izraɛlanɛ mɔ?

Axwɛwɛwa 13:40

Di mɔɔ sɛ tɛ kɛgɛ batɔnu na ɖɔ nɛ tɛ bhɛtɛ wɔ:

Filipianɛ 3:15

Bulɔ petee gɛ bushe nɛ ɔfufɔɛ mɛ nɔ yɛkɔ kɛtɔkpui nɛ mɛ di tirikpo. Klɛ onugɛ nɛ kibui tili shu nɔ mɔ ɔtɔgɛga, kɛlɛlɛ nɛ tsyɛ Kpaya aba danɛ lɛmɛ kɔ nɔ.

1 Yohanɛsɛ 2:27

Wɔnɔ xũ nɛ, bubɔsɛsra nɛ gɛ nɔ yɛkɛ denɔ yɛ ɔkɔ bu wɔ nɔɛ mɛ, klɛ nɔ dɔ pɛɛ anɔnyanɔ sɛ tɛ akasɛ nɔɛ dɔ. Pɔ anasɛ gɛ yɛ bubɔsɛsra kasɛ nɔ nɛ ebui nɛ petee shu klɛ anasɛ gɛ bubɔsɛsra nɛ nu kɛgbɛagba, ganɛ kɛdɔ gɛ kɛyi dɔ—anasɛ gɛ kɛ kasɛ nɔ, nɔ wɔ yɛ mɛ.