Yohanɛsɛ 6:39 - ONUGBÙ NYƐNYÃ VUVƆ

³⁹ Klɛ kɛɛ nɛ kɛlɛ nu agɛ akpɛ mɛ nɛ tɛpɛpɛɛ, sɛ ɛtɛ lɛla bagɛ balɛ petee akɔ mɛ, pɔ tɛ ɛnyɛmɛ alɛ nɛ kiwui gugɔɛ nɛabha.

Yohanɛsɛ 6:39 Referans Kwoze

Yohanɛsɛ 17:12

Kɛbelɛlɛ gɛ ɛlɛ ba lɛ ɔbha ɛkpɛ buka kpɛ alɛ klɛ idi ba lɛabha mɔmɔ ganɔ kɛ nyi gɛ ɔkɔ mɛ nɛabha. Anɔnyanɔ adɛ lɛla ɔdɛ nu agɛ yɛ ba trɔ sɛ tɛ alɛla nɛ sɛ tɛ be bu Kpayaplukpa mɛ ebui nɛ akasɛ.

Yohanɛsɛ 6:40

Alasɛ Maka yɛ tɛpɛpɛɛ kɛlɛ nu sɛ anɔnyanɔ gɛ edi Eyi klɛ ayɛkɛ yɛ abhaŋa aba mɔ ɛkpã gɛ tɛ ba beke, klɛ ɛba nyɛmɛ yɛ kpɛ kabha nɛ kiwui gugɔɛ nɛabha.”

Yohanɛsɛ 18:9

Kɛɛ nɛ kɛ bhɛtɛ sɛ tɛ ebui nɛ gɛ ba ɖɔ nɛ abɛ lɛ mɛ: “Ɛka lɛla bagɛ ɔkɔ mɛ nɛ ɔmɛayɛ kanyaka.”

Yohanɛsɛ 6:54

Anɔ nɛ gɛ atã mɛ ishuidzya klɛ awɔɛ̃ mɛ dzyosu ɛkpã mabekemabeke lɛ yɛ ahwɛ, klɛ ɛba nyɛmɛ yɛ nɛ kiwui gugɔɛ nɛabha.

Yohanɛsɛ 6:44

“Anɔnyanɔ atɛ ba ba mɛ ɔkɔ gɛ odinu sɛ Aka nɛ gɛ akpɛ mɛ yɛe gbanɛ yɛ asɛsɛ mɛ, klɛ ɛba nyɛmɛ yɛ nɛ kiwui gugɔɛ nɛabha.

Yohanɛsɛ 6:37

Banɔ nɛ petee gɛ Kpayɛa akɔmɛ ba baba mɛ ɔkɔ, klɛ anɔnyanɔ gɛ aba mɛ ɔkɔ ɛtɛ ba kɛkɛ yɛ.

Yuɖa 1:1

Yuɖa, Yesu Kristo axwɛdɛ anɛ Yakobo yɛadzya, Kɔ bagɛ be kulu, gɛ Kpaya Aka nɛ aɖɔ klɛ Yesu Kristo anyɛna evunɔ:

Romanɛ 8:11

Klɛ onu gɛ agɛ ebu Yesu edenɔ bekpu mɛ nɛ Ɔfufɔɛ ɔlɛ lɛ wɔnɔ mɛ, klɛ agɛ ebu Kristo edenɔ bekpu mɛ tsyɛ aba kɔ wɔnɔ ishuidzya nɛ ɛkpã ganɔ yɛ Ɔfufɔɛ nɛ gɛ ɔlɛ nɔ mɛ.

Luka 12:32

No ti sifu, bagɛha bhli, alasɛ kɛku wɔ Aka awɔ̃ sɛ tɛ akɔ wɔ bukusiɔŋakɔ.

Mateo 18:14

Kana wɔnɔ Aka nɛ owũsise tsyɛ atɛ ba pɛɛ asɛ tɛ banuvɔ bhlia nɛ kanyaka alɛla.

1 Petro 1:5

ganɔ agɛ tɛyɛyɛkɛŋaɛ abha Kpaya kemi kakpɛ buka kpɛ ɔdɔtɔnɔ kibe nɛ gɛ tɛbhubhuiyɛkɛ kɔ ba kɛlɛ nu tɛbubukasɛ nɛ kibe gugɔɛ nɛabha.

Yohanɛsɛ 12:48

Kebhui kuklu alɛ kɔ anɔ nɛ gɛ adɛ pɛɛ mɛ ebui klɛ adɛ yɛkɛ mɛ ebui, kɛ bui lɛlɛ nɛ gɛ ɛɖɔ kɛ ba bu yɛ pɔ nɛ kiwui gugɔɛ nɛabha.

2 Timotio 2:19

Pɔ, Kpaya kesikpɛkpɛ nɛna nɛ keli gɛganɛɛ, gɛ ba da kɛlɛ adɛda nɛ gɛ ba ŋlɔmɛ atrɔ yɛabha sɛ: “Apalete nɛ enyi bagɛ be nu yayɛalɛ,” klɛ, “Anɔnyanɔ gɛ ebu Apalete nɛ nyi aɖɔ, alasɛ tɛ etsodzi nɛ kɛtɔkpu mɛ gɛganɛe de.”

Yohanɛsɛ 5:28

Kɛbuinɛ kɛtɛ bhɛtɛ nɔɛbi, alasɛ kibe tili ba ba gɛ bagɛ balɛ petee alɛ balɛ idzre mɛ ba be nu yɛ olimɛ

Mateo 10:15

Itsre nɔ kɛgba sɛ, kɛ ba za bubɔɛbɔɛ kɔ Sorom anɛ Gomora nɛ kebhuikluwi nɛa bha ɔyɛkɔ dɛ ɔma nɔɔ lɛlɛ.

Yohanɛsɛ 17:2

Alasɛ wɔ ɔkɔ yɛ kabhaŋɛŋa nɛ banɔ nɛ petee abha sɛ tɛ aba kɔ ɛkpã mabeke banɔ petee gɛ ɔyɛkɔ kpɛ ahwɛ kɔ yɛ.

Yohanɛsɛ 17:6

“Ibu wɔ kasɛ banɔ nɛ gɛ ɔkɔ mɛ denɔ kanɔ nɛ mɛ. Be dzi wɔayɛalɛ, wɔ yɛkɔa lɛ ɔkɔ mɛ klɛ ba ta wɔ kibui na tɔ.

Yohanɛsɛ 17:9

Ɛklukpaya nɛ balɛ tɔkpu. Ɛtɛ klukpaya nɛ kanɔ nɛ tɔkpu, pɔ kɔ ba gɛ ɔkɔ mɛ, alasɛ be nu wɔ ayɛ alɛ.

Yohanɛsɛ 17:24

“Aka, ɛpɛɛ sɛ bagɛ ɔkɔmɛ sɛ tɛ baza mɛ ɔbha nɛ ɔkɛlɛ gɛ ɛlɛ, klɛ tɛ ba mɔ kabhaŋɛŋa, kɛbhaŋɛŋa nɛ gɛ ɔkɔ mɛ alasɛ ɔdɛmɛnɔ mɛ flogo gɛ kanɔ bhɛbhɛtɛ ka kpɛesi.

1 Kɔrintioanɛ 6:14

Kpaya anyɛmɛ Apalete nɛ bekpui mɛ klɛ aba nyimɛ lɔ tsyɛ.

Yakobo 5:15

Klɛ kpayakuklu nɛ gɛ ede tɛyɛyɛkɛŋam nɛ aba bhɛtɛ anyɛnya nɛ bunya lu ba beke, Apalete nɛ ebe feke yɛ ewunɔ. Onu gɛ kɛlɛ sɛ abhɛtɛ buzizi, ba ba yɛkɔ etsye yɛ.