Yohanɛsɛ 6:32 - ONUGBÙ NYƐNYÃ VUVƆ

³² Yesu etsre alɛ sɛ, “Itsre nɔ kɛgbɛ, ganɛ Mose yɛa kɔ nɔ gbɛ̃gbɛ̃vu denɔ owũsise, pɔ mɛ Aka yɛ akɔ nɔ gbɛ̃gbɛ̃vu kɛgbɛagba denɔ owũsise.

Yohanɛsɛ 6:32 Referans Kwoze

Yohanɛsɛ 15:1

Me nu vãyɛ̃ kɛgbɛagba, klɛ ma Aka yɛ nu ɔlɛ ayadɛ.

Yohanɛsɛ 6:58

Kɛɛ nɛ nɛ nu gbɛ̃gbɛ̃vu gɛ de owũsise ba. Wunɔ bakashishe ba tã manna klɛ be tsi pɔ anɔ nɛ gɛ atã gbɛ̃gbɛ̃vui nɛ aba za nɛ ɛkpã mabeke mabeke.”

Galatianɛ 4:4

Pɔ gɛ kibe nɛ na mɔmɔ, Kpaya asɛsɛ yɛ Eyianyɛ, gɛ adzɛ amɔ, ba mɔ yɛ nɛ ɔshã nɛesi,

Yohanɛsɛ 6:55

Alasɛ mɛ ishuidzya nu kɛdɔwɛ̃wɛ̃ dzyɔgo klɛ mɛ dzyosu enu kɛwũwɔ̃ɛ dzyɔgo.

Yohanɛsɛ 6:50

Pɔ kɛlɛ nu gbɛ̃gbɛvu gɛ kɛde owũsise aba, gɛ anɔ abà ŋa klɛ eti bɛ tsi.

Yohanɛsɛ 6:41

Nɛ kɛnɛnɛ mɛ belɛlɛ Yuɖanɛ be tenɔ onugbuesi kpɛ kɔ yɛ, alasɛ aɖɔ asɛ “Mɛ nu gbɛ̃gbɛ̃vu gɛ ezhi de owũsise ba.”

Yohanɛsɛ 6:35

Kɛlɛ Yesu ebu etsre alɛ asɛ, “Mɛ nu ɛkpã gbɛ̃gbɛvu. Anɔ nɛ gɛ aba mɛ ɔkɔ bubhɛ tɛ ba yi yɛ, klɛ anɔ nɛ gɛ ayɛkɛ nɛabha ŋa oniwɛ tɛ bɔ tɛ yɛ.

Yohanɛsɛ 6:33

Alasɛ gbɛ̃gbɛ̃vu nɛ gɛ kɛ de Kpayɛa kɔ kɛlɛ nu anɔ nɛ gɛ ezhi de owũsise aba, klɛ akɔ ɛkpã kanɔ.”

Yohanɛsɛ 1:9

Kifu gbɛagba gɛ kɛ kɔ kifu anɔnyanɔ gɛ aba kanɔ nɛ mɛ.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

Yohanɛsɛ 6:31

Bulɔ bakashishe ba ŋa manna nɛ odzogbe kesukpa nɛabha anasɛ gɛ ba ŋlɔmɛ: ‘Akɔ alɛ gbɛ̃gbɛ̃vu denɔ owũsise sɛ tɛ ba tã.’ ”