Yohanɛsɛ 5:44 - ONUGBÙ NYƐNYÃ VUVƆ

⁴⁴ Kɛlɛ nɔ bɔ yɛkɛŋa onugɛ nɔ yɛkɛ kabhakpɛkpɛ denɔ wɔnɔhaglɔ kɔ, pɔ nɔ dɛbhɛtɛ kɛdɔnyɛdɔ tɛ nɔ yɛkɛ kabhakpɛkpɛ denɔ anɔ nɛ gɛ ede Kpaya Terikpo nɔ kɔ?

Yohanɛsɛ 5:44 Referans Kwoze

Yohanɛsɛ 12:43

alasɛ ba dɛmɛnɔ kɛnyi kpɛkpɛ nɛabha denɔ banɔ kɔ dɛ kɛnyi kpɛkpɛ denɔ Kpaya kɔ.

Romanɛ 2:29

Ao, anɔ enu Yuɖaeyi gɛ onu nɛ kɛmɛ mɛ; klɛ bunyɛnyɛ bhubhui nu bunyɛnyɛ bhubhui kɔ idzyi, ganɔ Ɔfufɔɛ mɛ, ganɛ ganɔ ɔshãeplukpam. Anɔa lɛlɛ nɛ di nɛ kabhakpɛkpɛ nɛ di de banɔ ɔkɔ, pɔ kide Kpaya ɔkɔ.

Filipianɛ 2:3

Nɔ tɛ bhɛtɛ kɛdɔnyɛdɔ denɔ ishuiyɛ pɛpɛɛ tɛtutrɔ ɔdɔgɔsɛ ishutɛwɛwɛɛ gɛ kɛdɔnyɛdɔ ma kɛlɛ mɛ, pɔ nɛ ishunyɛnyɛna mɛ no di banɔ gɔgɔɛ sɛ ba pɛ̃ dɛ wɔnɔ.

Mateo 23:5

“Kɛdɔnyɛdɔ gɛ ba bhɛtɛ nɛɛ, ba bhɛtɛ kɛlɛ sɛ tɛ banɔ amɔ, Ba bhɛtɛ balɛ besebe nɛ gɛ ba ta shu nɛ bhlɛlɛlɛ klɛ balɛ bawi nɛ butɔ ihui nɛ dze dzroɖoɖo,

1 Petro 1:7

Anɛ na ba sɛ tɛ wũnɔ tɛyɛyɛkɛŋa—kɛŋaɛdzi gbɛgbladɛ kɔba dzɛdzã, gɛ etsi nɛlɛmɛ sɛ ba yɛ kɔ kifu eŋuse lɛ nɔ—gɛ kɛbakasɛ sɛ kɛnu kɛdzyɔgo klɛ kɛbakɔ tɛkpɛkpɛabha, samɛ kpɛkpɛ anɛ tɛfifeke kabhakpɛkpɛ kɛbelɛlɛ gɛ Yesu Kristo aba ba.

1 Kɔrintioanɛ 4:5

Kɛlɛso tɛ klu kebhui nɛ kɛdɔnyɛdɔ flogo gɛ kibe nɛ ba na, za po ɔdɔtɔnɔ kibe gɛ Apalete aba ba. Ebe bu amɛna ɔtɔ kɛgɛ be kpu nɛ otumui mɛ klɛ abe bu eyinɔ kɛgɛ kpasɛ Anɔdzyrame idzyi mɛ. Kibe lɛlɛ anɔnyanɔ aba yɛkɛ yɛ kabhakpɛkpɛ denɔ Kpaya kɔ.

Romanɛ 2:10

pɔ ishubhubhui, kabhakpɛkpɛ anɛ ishuyuyɔ kɔ anɔnyanɔ gɛ aabhɛtɛ kɛdzyɔgo: putɔnɔ kɔ Yuɖanɛ, flogo pɛɛ kɔ bagɛ edi nu Yuɖanɛ.

Romanɛ 2:7

Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

Luka 19:17

Apalete nɛ aɖɔ sɛ, “ ‘Wɔ bhɛtɛ bui ma xwɛdɛ dzyɔgo!’ ‘Alasɛ ɔbhɛtɛ tɛyɛyɛkɛŋa bha bui nɛ kibhliyi mɛ, so za ɛma gbɛgbla lɔfɔ lɛ nu.’

Yakobo 2:1

Madzyalɛ mɔ, ansɛ banɔ gɛ bayɛkɛaŋa nɛ bulɔ Apalete Yesu Kristo gɛ yɛ shu bhui nɛ mɛ, no ti di anɔamɛ.

Hebriuanɛ 3:12

Badzya mɔ, nɔ di mɔ sɛ, ebuizizi, mayɛkɛŋa dzyi atɛza wɔnɔmɛayɛ nyɛmayɛ ahwɛ tɛ etsyinaede nɛ ɛkpã Kpaya shu.

2 Kɔrintioanɛ 10:18

Alasɛ ganɛ anɔ nɛ gɛ akpɛ yɛ shu nɛabha yɛ abha la trɔahwɛ, pɔ anɔ nɛ gɛ Apalete akpɛ nɛabha.

Yohanɛsɛ 17:3

Ɔtsɔ̃ kɛɛ nɛ kɛlɛ nu ɛkpã mabeke: sɛ tɛ be ti wɔ, kɛgba Kpaya terikpo, anɛ Yesu Kristo, gɛ yɛ wɔ kpɛ.

Yohanɛsɛ 8:43

Kɛdeso gɛ mɛ bunuhu nɛ mɛ dɛ bhui kɔ nɔ? Alasɛ nɔ dɛ pɛɛ sɛ tɛ nɔ nu ebui nɛ gɛ ɛɖɔ.

Yohanɛsɛ 3:20

Anɔnyanɔ gɛ abhɛtɛ kibui zizi adɛ dɛmɛ kifui bui, klɛ atɛ ba ba obhubhui kɔ alasɛ esi kifu sɛ aba wɔɛ̃.

Yohanɛsɛ 5:41

“Ɛtɛɛ yɛkɛ kabhakpɛkpɛ denɔ banɔ kɔ,

1 Tɛsolonianɛ 2:6

Bu tɛɛ pɛɛ bulɔ kabhakpɛkpɛ denɔ banɔ ɔkɔ, ganɛ denɔ wɔnɔ kɔ ɔdɔgɔsɛ anɔnyanɔ ɔkɔ. Ansɛ Kristo banɔkpɛkpɛ ana bu ta dzi kituku kɔ nɔ,

1 Timotio 1:17

Ɔtsɔ̃, kɔ ɔfufɔɛ mɛ Ekusi, gɛ eti tsi, gɛ ataa wɛ̃, yɛ ko yɛ enu Kpaya, gɛ kabhakpɛkpɛ nɛ ishubhubhui lɛ kɔ ɔyɛkɔ vɛnɔ mabeke mabeke mɛ. Tɛlɛbɛlɛm.

Yuɖa 1:25

ishubhubhui, bukusi, kemi anɛ kabhaŋɛŋa kɔ Kpaya terikpo bulɔ Ayɛyɛkɛkɔ, ganɔ Yesu Kristo bulɔ Apalete, kɔ ebe nɛ petee, denɔ ɔtsɔ̃ ɔvɛnɔ mabeke mabekem! Tɛlɛbɛlɛm.