Yohanɛsɛ 5:30 - ONUGBÙ NYƐNYÃ VUVƆ

³⁰ Mɛ nahwɛ ɛtɛ bana kɛdɔnyɛdɔ bhɛtɛ, iklu kebhui anasɛ kɛgɛ inu nɛ ko klɛ mɛ kɛbhuikuklu kenu kadzyɔgo, alasɛ ɛtɛ pɛɛ sɛ kɛ ku mɛnahwɛ awɔ̃ pɔ kɔ agɛ akpɛ mɛ.

Yohanɛsɛ 5:30 Referans Kwoze

Yohanɛsɛ 6:38

Alasɛ ede owũsise aba anɛ sɛ tɛ ɛba bhɛtɛ mɛnahwɛ tɛtɛtrɔ pɔ tɛ ɛbhɛtɛ yɛ tɛpɛpɛɛ agɛ yɛ akpɛ mɛ.

Yohanɛsɛ 5:19

Yesu akɔ alɛ kesinunuɛ nɛ sɛ “Itsrenɔ kɛgbɛagba sɛ, Eyianyɛ atɛ babhɛtɛ kɛdɛnyɛdɔ nɛ yɛnahwɛshu ahwɛ, abana abhɛtɛ kɛ gɛ ko amɔ yɛ Aka abhɛtɛ, alasɛ kɛkanyaka gɛ Aka nɛ abhɛtɛ klɛ Eyianyɛ nɛ tsyɛ abhɛtɛ.

Yohanɛsɛ 4:34

Yesu aɖɔ asɛ, “Mɛ dɔŋɛŋa, ” kɛlɛ nu sɛ “tɛ ebhɛtɛ trɔ agɛ akpɛ mɛ nɛ tɛpɛpɛɛ abha klɛ tɛ ɛwa yɛ axwɛ nɛ beke.

Yohanɛsɛ 14:10

Nɔ dɛ yɛkɛŋa sɛ ɛlɛ Aka nɛ mɛ klɛ Aka nɛ alɛ mɛ mɛ? Ebui nɛ gɛ ɛɖɔ tsre nɔ le di de mɛnahwɛ ɔkɔ. Pɔ nɛ Aka nɛ, gɛ alɛ mɛ mɛ yɛ abhɛtɛ yɛ xwɛ.

Mateo 26:39

Gɛ aza ga vɛ otugba kɛbɔɛ, awɔlɛ adɔ klɛ ayɛkɔ amɛnɛmɛ ekumuesi klɛ ekulukpaya sɛ, “Maka, onu gɛ kɛɛ ba za tɛbhɛbhɛtɛ mɛ, kɛlɛ tɛ ɔkɔ kantsea nɛ kafla mɛ nu. Pɔ ganɛ kana gɛ mɛ ɛpɛɛ, kana gɛ wɔ ɔpɛɛ kɛlɛ ba ba kɛlɛ mɛ.”

Yohanɛsɛ 8:28

Kɛlɔso Yesu aɖɔ sɛ, “Kibenɔ gɛ nɔ feke Anɔdzyrame Yi ɔkpɛ abha, flogo gɛ nɔ bɔ ti sɛ mɛ nu yɛ gɛ ɛɖɔ sɛ inu klɛ ɛtɛ bhɛtɛ kɛdɔnyɛdɔ nɛ mɛ nahwɛshu ahwɛ pɔ ɛɖɔ kɛbui nɛ ko gɛ Aka nɛ akasɛ mɛ.

Romanɛ 15:3

Alasɛ Kristo tsyɛ edi ku ishuawɔ̃ pɔ, anasɛ gɛ ba ŋlɔmɛ elu asɛ: “Bagɛ ba kula nɔ nɛ akulatu nɛ awɔlɛ adɔ mɛa bha.”

Yohanɛsɛ 8:50

Ɛtɛ pɛɛ kabhakpɛkpɛ kɔ shu, pɔ anɔ teli alɛ gɛ ebisi lɛ, klɛ yɛ nu ebhuiklu.

Yohanɛsɛ 8:42

Yesu etsre alɛ sɛ, “Onugɛ Kpaya ebe dzi wunɔ Aka, nɔ tɔ dɛmɛnɔ nɛ mɛ alasɛ ɛde Kpaya ɔkɔ klɛ ɔtsɔnɛ ɛlɛ ɔkɛ nɛ. Ɛdɛ ba nɛ mɛ nahwɛ shui mɛ, pɔ ya kpɛ mɛ.

Yohanɛsɛ 17:4

Ɛmɛna wɔ kabhakpɛkpɛ nɛ kesukpa nɛa bha, ganɔ kɛxwɛ nɛ gɛ ɔkɔ mɛ nɛ tɛwɛwa beke.

Yohanɛsɛ 18:11

Yesu ɛtsre Petro sɛ “tsodzini wɔɛ pamɛ nɛ ɔkpɛ kɛlɛ ɔzakɔ! Kɛma sɛ tɛ ɛwɔɛ̃ butɔ kantsye gɛ Aka na kɔ mɛ?”

Romanɛ 2:5

Pɔ akpɛ wɔ batɔ matamata nɛ wɔ kitem matsyina matsyina idzyi nɛ so, oxogo batɔtɛtɛta kɔ ishu kɔ Kpaya batɔtɛtɛta wi, nɛ gɛ be be bu yɛ kebhui kuklu dzyɔgo nɛ akasɛ.

Romanɛ 2:2

Ɔtsɔ̃ bunyi sɛ Kpaya kebhui kukulu nɛ banɔ nɛ gɛ abhɛtɛ ebuia nɛ di nɛ abhɔatrɔ kɛgba nɛa bha.