Yohanɛsɛ 4:10 - ONUGBÙ NYƐNYÃ VUVƆ

¹⁰ Yesu ebuilɛnu kɔ adze nɛ asɛ. “Ɔtɔsɛ onyi Kpaya dɔ kukɔ klɛ agɛ yɛ bisi wɔ buni wuwɔɛ, wɔ ɔtɔ bisi yɛ klɛ ata kɔ wɔ ɛkpa buni.”

Yohanɛsɛ 4:10 Referans Kwoze

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Tɛbubukasɛ 7:17

Alasɛ Obhoshieyi nɛ bukusiegbu nɛ shitɛbha nɛ obo dzi balɛ agbɛgbanɔ; aba gbanɔa lɛ avɛnɔ beni lulu gɛ koeyi nɛ tisi mɛ ɔbha. Klɛ Kpaya ebe tsru ɛwɔ̃mɛ nyɛ wɔ̃mɛ ebu nɛ balɛ anhũ mɛ.”

Tɛbubukasɛ 21:6

Aɖɔ etsrem asɛ: “Kɛ tɛ bhɛtɛ beke. Mɛ nu Alfa anɛ Omega, Kesikpɛkpɛ anɛ Obekekɔ. Aanɔ nɛ gɛ oniwɛ̃ ɔɔta yɛ ɛba kɔ yɛ awɛ̃ buni edenɔ ɛkpãni nɛ gɛ de tisi mɛ kɛbhɛ mabuya mabuya.

Yohanɛsɛ 3:16

“Alasɛ Kpaya adɛmɛnɔ nɛ kanɔ sɛ ayɛkɔ yɛa yɛ gɛ enu Eyianyɛ terikpo akɔ, sɛ tɛ anɔnyanɔ gɛ ayɛkɛ yɛabha ŋa eti be tsi pɔ aba mɔ ɛkpã mabeke.

Tɛbubukasɛ 22:17

Ɔfufɔɛ anɛ bunuwãdzɛ nɛ asɛ, “Ba!” Klɛ kɔ agɛ yɛenu nɛ aɖɔ sɛ, “Ba!” Anɔnyanɔ gɛ oniwɛ̃ ɔta, kɔ yɛ aba; anɛ anɔnyanɔ gɛ apɛɛ, kɔ yɛ ayɛkɛ ɛkpãni kɛdɔkukɔ fãa.

Romanɛ 8:32

Agɛ adɛ da ahwɛ akpɛ yɛ nɛahwɛ Yeyi, pɔ ayɛkɔ yɛ akpɛahwɛ nɛ lɔɛ tɔkpu, klɛ tsyɛ ataa yɛkɔ aplɛnɔ yɛ, nɛ eshutukubuididi mɛ akɔ lɔ kɛdɔnyɛdɔɛdi?

1 Kɔrintioanɛ 10:4

klɛ ba wɔɛ̃ ɔfufɔɛ mɛ buni, alasɛ ba wɔɛ̃ ɔfufɔɛ kɛklãgbui mɛ buni gɛ kɛ za balɛ ede, klɛ kɛklãgbu lɛlɛ kɛlɛ dzi Kristo.

Yohanɛsɛ 6:35

Kɛlɛ Yesu ebu etsre alɛ asɛ, “Mɛ nu ɛkpã gbɛ̃gbɛvu. Anɔ nɛ gɛ aba mɛ ɔkɔ bubhɛ tɛ ba yi yɛ, klɛ anɔ nɛ gɛ ayɛkɛ nɛabha ŋa oniwɛ tɛ bɔ tɛ yɛ.

Yohanɛsɛ 17:3

Ɔtsɔ̃ kɛɛ nɛ kɛlɛ nu ɛkpã mabeke: sɛ tɛ be ti wɔ, kɛgba Kpaya terikpo, anɛ Yesu Kristo, gɛ yɛ wɔ kpɛ.

Yohanɛsɛ 6:51

Mɛ nu ɛkpã gbɛ̃gbɛ̃vu gɛ ede owũsise aba. Onugɛ anɔ teli atã gbɛ̃gbɛvui nɛ, aba za nɛ ɛkpã ɔvɛnɔ mabekemabeke. Gbɛ̃gbɛ̃vui nɛ kɛlɛ nu mɛ ishuidzya, gɛ ɛba yɛkɔ lu kɔ ɛkpã kɔ kanɔ.”

2 Kɔrintioanɛ 9:15

Ahwɛhuhu kɔ Kpaya kɔ yɛ kɛdɔ mashurɔ mashurɔ dɔkukɔ!

Luka 11:13

Kɛlɛalɛ Onugɛ wɔ nɛlɛmɛ, onu anɔ kpã, tii kɛkɔ nɛ gɛ ɔbɔ kɔ wɔeyia lɛ kɛdɔ dzyɔgo, kɛlɛ wɔ Aka nɛ owũsise aba kɔ Ɔfufɔɛ Dzyɔgo bagɛ be bisi yɛ!”

Efesoanɛ 2:8

Alasɛ ganɔ ɛyamyuyɔ mɛ be bhui nɔ ayɛkɛ, nɛ tɛyɛyɛkɛŋa mɛ—klɛ kɛnɛ kɛ di de wɔnɔ nahwɛ ɔkɔ, kɛ nu Kpaya kɛdɔ gɛ akɔ—

1 Kɔrintioanɛ 1:30

Alasɛ yɛ so gɛ nɔ lɛ Kristo Yesu mɛ, gɛ ebedzi kibuinyinyi gɛ de Kpaya ɔkɔ kɔlɔ—kɛlɛ nu, bulɔ tɛnɛna, ishubhubhui anɛ tɛbhubhuiyɛkɛ.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

Yohanɛsɛ 16:3

Ba babhɛtɛ ebuia nɛdi alasɛ beti nyi Aka pɛnɔ mɛ.

Axwɛwɛwa 9:11

Klɛ Apalete nɛ etsrea sɛ, “Vɛ Yuɖasɛ bupa mɛ nɛ Kidzo Dzyudzyɔ nɛa bha tɛ obisi anɔ teli gɛ ede Tarusɛ gɛ yɛ kinyi nu sɛ Saolo, alasɛ ezee klukpaya.

Hebriuanɛ 6:4

Kɛtɛ ba bɛlɛmɛ kɔ bagɛ ba tɛ danɛ balɛ amɛ nɛ kibe tili, gɛ be ti mini owũsise kɛdɔkukɔ, pɛ ba tɛ mɔ balɛ yɛ ayɛkɛ nɛ Ɔfufɔɛ Dzyɔgo nɛ mɛ,