Yohanɛsɛ 3:17 - ONUGBÙ NYƐNYÃ VUVƆ

¹⁷ Alasɛ Kpaya adɛ sɛsɛ yɛ Eyianyɛ nɛ kanɔ nɛ mɛ sɛ tɛ ebe zi kanɔ, pɔ apɛa sɛ tɛ ebhui kanɔ nayɛkɛ aganɔ yɛ abha.

Yohanɛsɛ 3:17 Referans Kwoze

1 Yohanɛsɛ 4:14

Klɛ bu tɛ mɔ klɛ bu buɖɔ sɛ Aka asɛsɛ yɛ Eyianyɛ tɛ edzi Ayɛyɛkɛkɔ kanɔ.

Luka 19:10

Alasɛ Anɔdzyrame Yi aba sɛ tɛ aba pɛɛ klɛ tɛ evu kɛgɛ lɛla nɛ edzu.”

Yohanɛsɛ 6:57

Anasɛ gɛ ɛkpã Aka akpɛ mɛ klɛ ɛlɛ alasɛ Aka nɛ so, anɔ nɛ gɛ aŋã dɔ nɛ mɛabha aba za nɛ ɛkpã alasɛ mɛ so.

Yohanɛsɛ 6:40

Alasɛ Maka yɛ tɛpɛpɛɛ kɛlɛ nu sɛ anɔnyanɔ gɛ edi Eyi klɛ ayɛkɛ yɛ abhaŋa aba mɔ ɛkpã gɛ tɛ ba beke, klɛ ɛba nyɛmɛ yɛ kpɛ kabha nɛ kiwui gugɔɛ nɛabha.”

Yohanɛsɛ 6:29

Yesu etsre alɛ asɛ, “Kpayɛa xwɛ kɛlɛ nu sɛ, tɛ nɔ yɛkɛ anɔ nɛ gɛ akpɛ nɛabha ŋa.”

Yohanɛsɛ 20:21

Yesu aza ɖɔ sɛ, “Nɔ lɛ mɔmɔ! Anasɛ gɛ Aka na kpɛ mɛ, ɛkpɛ nɔ tsyɛ.”

1 Yohanɛsɛ 2:2

Yɛ ayɛkɔ ishu etsye kɔ bulɔ ebuizizi, klɛ ganɛ bulɔ tite pɔ kɔ kanɔ nɛ petee buzizi.

Yohanɛsɛ 17:3

Ɔtsɔ̃ kɛɛ nɛ kɛlɛ nu ɛkpã mabeke: sɛ tɛ be ti wɔ, kɛgba Kpaya terikpo, anɛ Yesu Kristo, gɛ yɛ wɔ kpɛ.

Yohanɛsɛ 11:42

Inyi sɛ kɛbenyɛbe onu mɛ bui, pɔ ɛɖɔ kibui sɛ tɛ banɔ nɛ gɛ ba lɛ ɔkɛnɛ ba yɛkɛŋa sɛ wɔ kpɛ mɛ.”

Yohanɛsɛ 7:29

pɔ inyi yɛ alasɛ yɛ ɔkɔ mɛ de klɛ yɛ akpɛ mɛ.”

Yohanɛsɛ 5:45

“Pɔ nɔ tɛ yɛkɔ kpɛ kɛtɔkpu mɛ sɛ ɛba bhui nɔ nu kɔ Aka. Wunɔ shu bhubhui anɔ yɛ nu Mose, yɛ abha nɔ yɛ kɔ ishu ɔtrɔ.

Yohanɛsɛ 8:42

Yesu etsre alɛ sɛ, “Onugɛ Kpaya ebe dzi wunɔ Aka, nɔ tɔ dɛmɛnɔ nɛ mɛ alasɛ ɛde Kpaya ɔkɔ klɛ ɔtsɔnɛ ɛlɛ ɔkɛ nɛ. Ɛdɛ ba nɛ mɛ nahwɛ shui mɛ, pɔ ya kpɛ mɛ.

Yohanɛsɛ 1:29

Kiwui bhla nɛ Yohanɛsɛ amɔ Yesu aba yɛ ɔkɔ klɛ aɖɔ sɛ, “Di, Kpaya Obhoshieyi, agɛ yɛ ayɛkɔ kanɔɛmɛ ebuizizi nɛ ashɛ̃nɔ!

Yohanɛsɛ 17:8

Alasɛ ɛkɔ alɛ ebui gɛ ɔkɔ mɛ klɛ ba yɛkɛ alɛ. Be nyi nɛ kɛgbɛagba sɛ ɛde wɔ kɔ klɛ ba yɛkɛŋa sɛ wɔ kpɛ mɛ

Yohanɛsɛ 10:36

kide nɔ ɖɔ denɔ agɛ Aka ebu lɛ ɔtɔ anasɛ yɛnahwɛ ayɛ klɛ akpɛ yɛ nɛ kanɔ nɛ mɛ? Kɛdɛso gɛ ɔtsɔlɛ nɔ butɔ mɛ sɛ ɛɖɔ ebuisobui alasɛ ɛɖɔ sɛ, Kpaya yɛ Yi mɛ nu?

Yohanɛsɛ 5:36

“Ɛyɛkɛ kibuiɖɛɖɔ gɛ kɛlupudɛ Yohanɛsɛ yɛ. Alasɛ kɛxwɛ nɛ tututu gɛ Aka nakɔ mɛ sɛ tɛ ɛwa beke, klɛ mɛ ɛwa, kɛkasɛ sɛ Aka nɛ yɛ akpɛ mɛ.

Yohanɛsɛ 17:21

sɛ tɛ balɛ petee ba be dzi terikpo, Aka, anasɛ gɛ ɔlɛ mɛ́ mɛ klɛ mɛ lɛ wɔɛ mɛ. Kɔ ba lɛ tsyɛ ba baza bulɔɛ mɛ sɛ tɛ kanɔ na ba yɛkɛŋa sɛ wɔ kpɛ mɛ.

Yohanɛsɛ 5:38

ɔdɔgɔsɛ yɛ kibui nɛ lɛ wɔ mɛ, alasɛ nɔ dɛ yɛkɛ agɛ akpɛ nɛabhaŋa.

Mateo 1:23

“Kebite nɛ kebe munɔ ɛya klɛ ka ba mɔ eyianyɛ, klɛ le be kulu yɛ asɛ Yimanuɛlɛ” gɛ kɛlɛesi nu sɛ, “Kpaya alɛ plɛnɔ lɔ.”

Mateo 18:10

“Di kɛlɛ ɔkɔ sɛ no ti di bunuvɔɛ bhlia nɛ ɔmɛayɛ kanyaka bhliyii. Alasɛ itsre nɔ sɛ balɛ baxwɛdɛ nɛ owũsise naa mɔ mɛ Aka nɛ owũsise nɛ amɛ kibenyɛbe.

Luka 9:56

klɛ ba shɛ avɛ kɔxoe bhlatɔ mɛ.

Yohanɛsɛ 3:34

Alasɛ anɔ nɛ gɛ Kpaya asɛsɛ aɖɔ Kpaya ebui, alasɛ Kpaya akɔ Ɔfufɔɛ gɛ lɔ tɛ beke.

Yohanɛsɛ 6:38

Alasɛ ede owũsise aba anɛ sɛ tɛ ɛba bhɛtɛ mɛnahwɛ tɛtɛtrɔ pɔ tɛ ɛbhɛtɛ yɛ tɛpɛpɛɛ agɛ yɛ akpɛ mɛ.

Yohanɛsɛ 8:11

Adzɛ aɖɔ sɛ, “Apalete oo anɔnyanɔ edi bu mɛ pɔ.” Yesu ebuaɖɔ sɛ, “Kɛlɛalɛ mɛ tsye ɛtɛ ba bu wɔɛ pɔ.” “Shɛ̃ ɔtsɔlɛ tɛ ɔtɔ dɔ za nɛ kpã zizi.”

Yohanɛsɛ 17:18

Anasɛ gɛ ɔkpɛ mɛ nɛ kanɔ nɛ mɛ, ɛkpɛ alɛ nɛ kanɔ nɛ mɛ.

Yohanɛsɛ 17:23

Ɛlɛ ba lɛ mɛ klɛ wɔ ɔlɛ mɛ mɛ. Ba ba mɛna alɛ tɛ ba bhɛtɛ tɛɖikpo nahwɛ tɛ kɛ kɔ kanɔ ne ti sɛ wɔ kpɛ mɛ klɛ ɔdɛmɛnɔ nɛ alɛ anasɛ gɛ ɔdɛmɛnɔ nɛ mɛ.

Yohanɛsɛ 17:25

“Aka Nɛna, kɛlɛlɛmɛ sɛ kanɔ nɛ ti nyi wɔ, mɛ nyi wɔ, klɛ benyi sɛ wɔ kpɛ mɛ.

Mateo 18:11

Anɔdzyrame yɛ Eyi nɛ aba sɛ tɛ ebe bu kɛdɔ nɛ gɛ kɛ lɛla.