Yohanɛsɛ 21:15 - ONUGBÙ NYƐNYÃ VUVƆ

¹⁵ Gɛ ba ŋa kedɔ nɛ beke, Yesu ebisi Simɔnɛ Petro asɛ, “Simɔnɛ Yohanɛsɛ yɛ eyi, ɔdɛmɛ mɛ bui dɛa na?” Asɛ “Ee, Apalete, onyi sɛ ɛdɛmɛ wɔɛ bui.” Yesu ɛtsre yɛ asɛ, “Nyunɔ mɛ ibhoshieyi.”

Yohanɛsɛ 21:15 Referans Kwoze

Romanɛ 15:1

Bulɔagɛ gɛganɛ alasɛ tɛ bu di bagɛ ba dɛ gɛganɛ nɛ ɛwɔlɛkɔ nɛ eshutukubui tɛ bu ti ku ishuawɔ̃.

1 Yohanɛsɛ 4:19

Budɛmɛ anɔɛ bui alasɛ Kpaya eputɔ adɛmɛ bulɔɛ bui.

1 Petro 1:8

Nɛlɛmɛ sɛ nɔ kɔ mɔɛ yɛ odi, nɔ dɛmɛ yɛ bui, klɛ ɛlɛmɛ tsyɛ nɔ tɔ mɔ yɛ ɔtsɔnɛ, nɔ yɛkɛ yɛabhaŋa klɛ nɔ yuku nɛ maɖɔmaɖɔ nɛ kabhakpɛkpɛ same,

Efesoanɛ 6:24

Ɛyamyuyɔ kɔ nɔ petee gɛ nɔ dɛmɛ nɛ bulɔ Apalete Yesu Kristo plɛnɔ tɛdɛdɛmɛnɔ gɛ kɛ tɛ ba tsi di.

Axwɛwɛwa 20:28

No di wɔnɔ shua bha nɛ ibhoshiha nɛ petee gɛ Ɔfufɔɛ Dzyɔgo nɛ ɔbhɛtɛ nɔ sɛ no di ɛlɛa bha. No dzi bagbɛgbanɔ kɔ Kpaya busɔlɛha, gɛ edzi nɛ yɛnahwɛ dzyosu.

1 Yohanɛsɛ 5:1

Anɔnyanɔ gɛ ayɛkɛŋa sɛ Yesu yɛ nu Kristo enu Kpaya ye yi, klɛ anɔnyanɔ gɛ adɛmɛnɔ nɛ aka adɛmɛnɔ nɛ yɛ eyi tsyɛ.

Yohanɛsɛ 16:27

Ao, Aka nahwɛ adɛmɛnɛ nɔ alasɛ nɔ dɛmɛnɔ nɛ mɛ klɛ nɔ yɛkɛŋa sɛ ide Kpaya kɔ.

1 Petro 2:25

Alasɛ nɔ dzi anasɛ Ibhoshi gɛ lɛ lɛlaɛdzo, pɔ ɔtsɔ̃nɛ nɔ tsodziɔba Agbɛgbanɛ nɔ kɔ Kpayaɔzakɔanɔ gɛ edi wɔnɔ atɔwui abha,

Hebriuanɛ 4:13

Kɛdɔnyɛdɔ nɛ kɛdɔ bhɛbhɛtɛ nɛ shi nɛ dɛ kpu nɛ Kpaya amɛ. Ba dɛda kɛdɔnyɛdɔ dɔ klɛ kɛdanɛ li agɛ alasɛ bu bhɛtɛ akɔnta kɔ nɛ amɛ.

Luka 22:32

Pɔ iklukpaya nɛ wunɔɛ tɔkpu, Simɔn, sɛ tɛ wɔ tɛyɛyɛkɛŋa tɛ wɔlɛ. Klɛ kibenɔ gɛ otsodzi otsyina ɔtɔ mɛ, kpɛ wɔ adzyalɛ nɛ kemi.”

Hebriuanɛ 13:20

Kɔ ishuyuyɔ Kpaya, gɛ ɔganɛ dzyosu onugbunyɛnya mabeke agɛ anyɛmɛ bulɔ Apalete Yesu, ibhoshi Agbɛgbanɔ gbɛgbla,

Romanɛ 14:1

Yɛkɛ agɛ yɛ tɛyɛyɛkɛŋa nɛ ma kemi, kebhui maklumaklu nɛ yɛ nɛ ebui nɛ gɛ ba ba wlãnkɛ nɛ shu.

Mateo 16:17

Yesu ebu lɛ nu asɛ, “Ba yula wɔ, Simɔnɛ Yona yɛeyi, alasɛ ganɛ anɔdzyrame yɛ bu kibui nɛ akasɛ wɔ, pɔ mɛ Aka nɛ owũsise yɛ bui lɛ akasɛ wɔ.

Tɛbubukasɛ 2:23

Ɛba husi yɛeyialɛ nɛ yi. Kɛlɛ basɔlɛha nɛ petee be be ti asɛ mɛ nu agɛ yɛ edi idzyi anɛ atɔkpu mɛ, klɛ ɛba buya kɛbhɛ kɔ anɔnyanɔ nɛ yɛ tɛbhɛbhɛtɛ nɛ nu.

1 Petro 2:2

Anasɛ beyi mumɔvuvɔ, bu ku alɛ li kɔ ɔfufɔɛ mɛ bumɔni dzyɔgo, sɛ tɛ ganɔ bu lɛ abha nɔ bɔna she nɛ wunɔ tɛyɛyɛkɛkɔ,

Galatianɛ 5:6

Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.

Yohanɛsɛ 21:12

Yesu ɛtsre alɛ se, “Nɔ ba tɛ bu ŋa kevlɔɛ dɔ.” Badɔkpasɛ kanyãka edi bisi yɛ asɛ, “An wɔ onu?” Be ti asɛ Apalete.

Yohanɛsɛ 21:7

Ɔkɛlɛ adɔkpasɛ nɛ gɛ Yesu adɛmɛnɔ ɛtsre Petro asɛ, “Apalete nɛ naa!” Kɛbelɛlɛ gɛ Simɔn Petro enu aɖɔ se, “Apalete nɛ naa,” ayɛkɔ yɛ kabha awui asama shu nɛ yɛ̃ te nɛ mɛ (alasɛ ɛbui yɛ elu) klɛ alɔtɛ̃ ku buni nɛ mɛ.

Mateo 18:10

“Di kɛlɛ ɔkɔ sɛ no ti di bunuvɔɛ bhlia nɛ ɔmɛayɛ kanyaka bhliyii. Alasɛ itsre nɔ sɛ balɛ baxwɛdɛ nɛ owũsise naa mɔ mɛ Aka nɛ owũsise nɛ amɛ kibenyɛbe.

Efesoanɛ 4:14

Kɛlɛ bu tɛa dzi banɛvɔ, gɛ kɛlɛɛ ba wanya vɛnɔ kede anɛ otugba klɛ kɛdɔkɛkasɛ kɛlɛɛ ba fu lɔ vɛnɔ ɔkɛ̃ anɛ mɛna ɔkɛ̃ ganɔ banɔ anɔwuwɔɛ anɛ bushɛ edzo bhɛbhɛtɛ mɛ.

1 Kɔrintioanɛ 8:11

So dzya gblɔdzɔa nɛ gɛ yɛ tɔkpu Kristo etsi, wɔ kibuititi nɛ zi yɛ.

Yohanɛsɛ 8:42

Yesu etsre alɛ sɛ, “Onugɛ Kpaya ebe dzi wunɔ Aka, nɔ tɔ dɛmɛnɔ nɛ mɛ alasɛ ɛde Kpaya ɔkɔ klɛ ɔtsɔnɛ ɛlɛ ɔkɛ nɛ. Ɛdɛ ba nɛ mɛ nahwɛ shui mɛ, pɔ ya kpɛ mɛ.

Marko 14:29

Petro ebu aɖɔ asɛ, “Onu gɛ anɔnyanɔ ehle tsyɛ mɛ ɛtɛ baa shɛ.”

Luka 12:32

No ti sifu, bagɛha bhli, alasɛ kɛku wɔ Aka awɔ̃ sɛ tɛ akɔ wɔ bukusiɔŋakɔ.

Mateo 10:37

“Anɔnyanɔ gɛ aɖɔ yaka anɛ yeni adɛ mɛ klɛ adɛ na kɔ mayɛ tɛdzidzi, anɔnyanɔ gɛ aɖɔ yɛ eyianyɛ anɛ yɛ eyiadzɛ adɛ mɛ klɛ adɛ na kɔ mayɛ tɛdzidzi,

Yohanɛsɛ 13:37

Petro ebisi asɛ, “Apalete, kɛdeso gɛ ɛtɛ ba za wɔede ɔtsɔ nɛ? Ɛba yɛkɔ mɛ kpã kɔ nɛ wɔɛ tɔkpu.”

Yohanɛsɛ 1:42

Klɛ agbanɛ Simɔn avɛnɔ Yesu. Yesu edi yɛ klɛ aɖɔ sɛ, “Wɔ nu Simɔn Yohanɛsɛ ye yi. Be be klu wɔ asɛ Kefasɛ” (gɛ, be builɛesi sɛ, Petro).

Mateo 26:35

Pɔ nɛ Petro aza trɔ kɛklãgbu asɛ, “Onu gɛ kɛba sɛ tɛ bulɔ nɛ wɔ butsi tsyɛ ɛtɛba shɛ̃nahwɛ wɔ shu di.” Klɛ badɔkpasɛ gɔgɔɛ nɛ petee ba ɖɔ atrɔ.

Mateo 26:33

Petro asɛ, “Onu gɛ banɔ petee hle nɛ wɔ shu tsyɛ mɛ ɛtɛ ba shɛ.”

Axwɛwɛwa 20:29

Inyi sɛ mɛ tɛ shɛshɛ̃e de, ayakpam bukudzɔgɛ zizi ba za wɔnɔɛshi klɛ ba tɛ ba yɛkɔ etsye ibhoshiha.