19 Nɛ kiwui tɛtɔpu nɛ ɔgɔnɛ nɛ mɛ owulago, gɛ badɔkpasɛ nɛ be xogo, pɛ ba da ipupu nɛ akpɛ shu, alasɛ be si Yuɖanɛ nɛ fu so, Yesu aba ebe tsoku balɛ shi klɛ aɖɔ sɛ, “Ishuyuyɔ za plɛnɔ nɔ!”
Ɔgɔnɛ zɛzɛ ede yɛ badɔkpasɛ ba za bupa nɛ mɛ, klɛ Toma aza balɛ shi. Kɛlɛlɛmɛ sɛ bevu nɛ da, pɔ Yesu etsoku bale shi klɛ aɖɔ sɛ, “Nɔ lɛ mɔmɔ!”
Ishuyuyɔ ilu kɔ nɔ, mɛ ishuyuyɔ mɛ ɛkɔ nɔ. Ɛdɛ kɔ nɔ anasɛ gɛ kanɔ na kɔ. Nɔ tɛ kɔ wunɔ idzyi ebhui klɛ no ti sifu.
Yesu aza ɖɔ sɛ, “Nɔ lɛ mɔmɔ! Anasɛ gɛ Aka na kpɛ mɛ, ɛkpɛ nɔ tsyɛ.”
Alasɛ yɛnahwɛ yɛ nu bulɔ ishuyuyɔ, gɛ abhɛtɛ tɛbha gɛ kidzi tirikpo klɛ ayɛ buka, ebla tsɛtsa buka,
Ɔtsɔ̃ nɛɛ, ishuyuyɔ Apalete nɛ nahwɛ akɔ nɔ ishuyuyɔ nɛ kibenyɛbe mɛ anɛ kidzonyɛdzoa bha. Apalete nɛ aza plɛnɔ nɔ petee.
Pɔ anɔnyanɔ ataɖɔ kibui nɛ nɛ yɛ shu sɛ tɛ kɛ yi, alasɛ besi Yuɖanɛ nɛ fu.
Kɛlɛede mɛ Yesu aba wɛ̃ nɛ Kɛfɔntoli nɛ amɛ gɛ baa ŋɛ dɔ; Yesu etsrenɔalɛ nɛ balɛ mayɛkɛ mayɛkɛŋa nɛ shu nɛ balɛ tɛmadɛmɛ gɛganɛ sɛ tɛ ba yɛkɛ baga tɛ mɔ yɛ nɛ tsyɛa bha ŋa sɛ atɛ lɔ.
Denɔ mɛ Yohanɛsɛ ɔkɔ, Kɔ basɔlɛha tigene nɛ Esia kɛdɔ nɛ mɛ: Ɛyamyuyɔ anɛ ishuyuyɔ kɔ nɔ denɔ agɛ yɛ alɛ, anɛ agɛ yɛ aza, nɛ agɛ yɛ aba tɛ ba nɛ ɔkɔ, anɛ denɔ ɛfufɔɛ tigene nɛ ɔkɔ nɛ yɛ kegbu nɛ amɛ,
klɛ sɛ ebu shu akasɛ Petro, kɛlɛede kɔ kɛfɔnɛ tɛabha.
“Itsre nɔ ebuianɛ, sɛ tɛ nɔ yɛkɛ ishuyuyɔ. Nɛ kanɔa nɛ mɛ nɔ bɔ mɔ butɔ. Pɔ nɔ vu idzyi kpɛ te! Ɛŋa kanɔ nɛabha.”
klɛ Abraham akɔ yɛ kɛdɔnyɛdɔ kapɛ tierikpo nɛ kɛfɔɛ mɛ. Tɛtɔpu, yɛ nyi nɛesi kɛlɛ dzi “adzyɔgo ekusi”, kɛlɛede tsyɛ, “Salɛm ekusi” kɛlɛesi kɛlɛ nu “ishuyuyɔ ekusi.”
Ɛyamɛyuyɔ anɛ ishuyuyɔ nɛ kɔ nɔ dɛnɔ Kpaya bulɔ Aka anɛ Apalete Yesu Kristo ɔkɔ.
Ishuyuyɔ kɔ badzya, anɛ̀ tɛɖuɖɔ plɛnɔ tɛyɛyɛkɛŋa denɔ Kpaya Aka anɛ Apalete Yesu Kristo ɔkɔ.
Ishuyuyɔ Kpaya aza plɛnɔ wɔnɔ petee. Tɛkɛbɛlɛm.
Kanake wunɔ tsyɛ nɔ lɛ: Ɔtsɔnɛ wunɔ be lɛ nu sɛ nɔ bɔ mɔ butɔ, pɔ ɛzɛa mɔ nɔ klɛ nɔ bɔ tsodzi ɔmɔ same gɛ anɔnyanɔ atɛ ba yɛkɛ wunɔ same mumɔ.
Alasɛ ɔkɛlɛ gɛ banɔ tɛabha tɛata be xogo nɛ mɛ kinyi mɛ, ɛlɛ balɛɛ shi.”
Bupa nɔɔ nɛ gɛ bɔɔ yɛkɛ nɔ, nɔ kɔ wɔnɔ ishuyuyɔ nɛ za plɛnɔ bulɛ, kɛɛ ma ana, nɔ kɔ wɔnɔ ishuyuyɔ nɛ tsodzi ba nɔ kɔ.
Kɛlɛede Yesu eze bu ishuakasɛ yɛ badɔkpasɛ, nɛ́ Tiberiasɛ aƒu nɛ shu. Kɛbɛlɛmɛ nɛ kidzoe nɛa bha:
Kɛnɛ kɛlɛnu butramɛ gɛ Yesu ebu ishu akasɛ yɛ badɔkpasɛ nɛ yɛ tɛnyɛnyɛ mɛ ede nɛ bekpui mɛ.
Nɛ yɛ butɔ nɛede nɛɛ, Yesu ebu yɛ shu akasɛ banɔ klɛ abhɛtɛ ebui gelee ayɛkɔ akasɛ sɛ alɛ nɛ ɛkpã. Awɛ̃ nɛ balɛ amɛ ganɔ ewi afɛtalɛ̃ mɛ klɛ aɖɔ kaɖɔ denɔ Kpaya bukusi ɔŋakɔ nɛ shu.
Ididzoenu sɛ ɛba mɔ nɔ kpata, klɛ bu ba ɖɔaɖɔ amɛ nɛ amɛ. Nɔ za mɔ. Ɛbhɛya gɛ lɛ ɔkɛnɛ sɛnɛ nɔ sɛsɛ. Sɛnɛ ɛbhɛya nɛ gɛ lɛ ɔkɛlɛ kɔ mɛ