Yohanɛsɛ 20:17 - ONUGBÙ NYƐNYÃ VUVƆ

¹⁷ Yesu aɖɔ sɛ, “Tɛ nyɛna mɛ, alasɛ ɛka tsodzi vɛ Aka nɔ kɔ. Kɛlɛɔzakɔ, vɛ madzya lɛ nɛ ɔkɔ tɛ otsre alɛ sɛ, ‘Itsodzi vɛ́ mɛ Aka anɛ̀ wunɔ Aka, mɛ̀ Kpaya anɛ̀ wunɔ Kpaya nɔ kɔ.’ ”

Yohanɛsɛ 20:17 Referans Kwoze

Yohanɛsɛ 16:28

Ide Aka nɔ kɔ klɛ itsoku kanɔ nɛ mɛ, ɔtsɔnɛ Ɛshɛ̃ nɛ kanɔ nɛ mɛ klɛ ɛka tsodzi ɛvɛ Aka nɔ kɔ.”

1 Petro 1:3

Kabhakpɛkpɛ kɔ Kpaya anɛ Aka bulɔ Apalete Yesu Kristo! Nɛ yɛ eshutukubuididi gbɛgbla mɛ akɔ lɔ tɛmumɔ vuvɔ akpɛ nɛ ɛkpã kɛdzoenudidi mɛ ganɔ Yesu Kristo tɛnyɛnyɛmɛ denɔ bekpui mɛ,

Galatianɛ 3:26

Ɛnɔ petee Kpaya ye yialɛ nɔ nu ɔganɔ tɛyɛyɛkɛŋa nɛ Kristo Yesu abha,

Yohanɛsɛ 17:11

Ɛtɛ ba wɔ kanɔ nɛ mɛ ɔvɛnɔ, pɔ ba ka lɛ kanɔ nɛ mɛ klɛ ɛba wɔ kɔ. Ishubhubhui Aka, kpɛ buka kpɛ alɛ nɛ wɔ kemi nɛ nyi mɛ—kinyi gɛ ɔkɔ mɛ—sɛ tɛ ba baza terikpo anasɛ gɛ bu lɛ terikpo.

1 Yohanɛsɛ 3:2

Ɛbhɛya mumɔa, ɔtsɔ̃nɛ bu nu Kpaya ye yialɛ, klɛ kɛdɔnɔ nɛ gɛ bu badzi ba ka kɔ lɔ ti lɛ. Pɔ bu nyi sɛ kibe nɔ gɛ aba koeyi, bu ba dzi anasɛ yɛ, alasɛ bu ba mɔ yɛ anasɛ gɛ alɛ.

Yohanɛsɛ 14:6

Yesu ebuilɛnu sɛ, “Mɛ nu kidzo, kɛgbɛagba anɛ̀ ɛkpã. Anɔnyanɔ atɛ ba ba Aka ne ɔkɔ onugɛ adɛ ga mɛabha.

Marko 16:19

Gɛ Apalete Yesu aɖɔ ebuia nɛ etsrea lɛ beke nɛɛ, baa yɛkɔ yɛ avɛnɔ owũsise klɛ ede zhiaza Kpaya kɛŋam,

Tɛbubukasɛ 21:3

Klɛ mɛ inu olim gɛganɛɛ denɔ kekusigbu nɛ ɔkɔ gɛ ɔɔɖɔ sɛ, “Ɔtsɔ̃ nɛɛ Kpaya tɛzɛza nɛ lɛ plɛnɔ banɔ, klɛ aba za plɛnɔ balɛ. Be be dzi yɛanɔalɛ, klɛ Kpaya nahwɛ nɛ aba za plɛnɔa lɛ klɛ ebe dzi balɛ Kpaya.

2 Kɔrintioanɛ 6:18

“Ɛba dzi Aka kɔ nɔ, klɛ wunɔ bɔdzi me beyianyɛ nɛ̀ mɛ beyiadzɛ, Apalete Kemielete yɛ ɖɔ.”

Romanɛ 8:29

Alasɛ banɔ nɛ gɛ Kpaya enyi putɔnɔ atɛ bhɛtɛ alɛ sɛ tɛ ba za Yɛeyi nɛ tɛzɛzam, sɛ tɛ ebe dzi amumɔtutɔpu nɛ badzya gelee shi.

Yohanɛsɛ 17:25

“Aka Nɛna, kɛlɛlɛmɛ sɛ kanɔ nɛ ti nyi wɔ, mɛ nyi wɔ, klɛ benyi sɛ wɔ kpɛ mɛ.

Mateo 28:7

Kɛlɛ so nɔ vɛ zia tɛ no do tsre yɛ badɔkpasɛ: ‘Atɛ nyɛmɛ ede nɔ bekpum klɛ eti putɔ kɔ nɔ avɛ Galelia. Ɔkɛlɛ nɔ bɔ mɔ yɛ.’ Ɔtsɔ̃ iti tsre nɔ.”

Mateo 12:50

Alasɛ ananyanɔ gɛ abhɛtɛ Maka nɛ owũsise nɛ tɛpɛpɛɛ yɛ enu badzya, mada anɛ meni.”

Tɛbubukasɛ 21:7

Aanɔ nɛ gɛ aŋɛabha aba mɔ ɔŋakɔ nɛ anɛ nɛ peteem, klɛ ɛba dzi yɛ Kpaya klɛ ebe dzi mɛ eyi.

Hebriuanɛ 8:10

Kɛnɛ kɛlɛ nu onugbunyɛnya gɛ ɛba nya nɛ Izraɛl bupa nɛ kibe lɛlɛ nɛede, Apalete nɛ yɛ aɖɔ. Ɛba yɛkɔ mɛ ɛshã kpɛ balɛ kɛtɔkpui mɛ klɛ ɛba ŋlɔmɛ lɛ trɔ balɛ idzyi mɛ. Ɛba dzi balɛ Kpaya, klɛ ba be dzi mɛ banɔ.

Yohanɛsɛ 20:27

Ɔkɛlɛ ɛtsre Toma asɛ, “Yɛ kɔ wɔ awɔɛ nɛ kpɛ ɔkɛnɛ, di mɛ ekpli nɛ mɛ. Mɛna wɔ ɔhwɛ tɛ ɔyɛkɔ kpɛ mɛ ɔwã nɛ mɛ. Zɛkɔlɔ tɛmayɛkɛŋa mayɛkɛŋa klɛ tɛ ɔyɛkɛŋa.”

Yohanɛsɛ 17:5

Klɛ ɔtsɔ̃ nɛ̃ nɛɛ, Aka, kpɛ mɛ nɛa bha nɛ wɔ ɔzakɔ anɛ kabhakpɛkpɛ nɛ ga za mɛ ahwɛ plɛnɔ wɔ flogo pɛ kanɔ na kakpɛe si.

Yohanɛsɛ 14:28

“Nɔ nu gɛ ɛɖɔ sɛ, ‘Ikoeyi ɛshɛ̃ klɛ itsodzi ɛba wunɔ bha.’ Onugɛ nɔ dɛmɛnɔ nɛ mɛ, samɛ ebe ku nɔ sɛ ɛvɛ Aka nɛ ɔbha, alasɛ Aka nɛ eze nu agbɛgbladɛ mɛ.

Yohanɛsɛ 14:2

Nɛ mɛ Aka bupa nɛ mɛ bevu gelee ba lɛ; onugɛ kɛɛ ma ana ɛta tsre nɔ. Ɛvɛ ɔkɛlɛ tɛ ɛda bala ɔzakɔ kɔ nɔ.

Yohanɛsɛ 13:3

Yesu enyi asɛ, Aka nɛ ayɛkɔ kɛdɔ petee akpɛ yɛ kemi esi, klɛ sɛ ede Kpaya ɔkɔ klɛ etsodzi avɛ Kpaya kɔ,

Yohanɛsɛ 13:1

Agɔ kiwui tirikpo tɛ baŋa Tɛfɛflawui. Yesu eti sɛ kibe na kɔ yɛ sɛ tɛ ashɛ̃ nɛ kanɔ nɛ mɛ tɛ avɛ Aka nɔ kɔ. Nɛ tɛdɛdɛmɛnɔ nɛ bagɛ benu yɛ ayɛ alɛ gɛ ba lɛ kanɔ nɛ mɛ, ɔtsɔ̃ nɛ akasɛ alɛ tɛdɛdɛmɛnɔ nɛna.

Yohanɛsɛ 7:33

Yesu etsre alɛ sɛ, “Ɛlɛ wunɔ bha kɔ kibe kplita ko, klɛ ɛba tsodzi vɛ agɛ akpɛ mɛ nɔ ɔkɔ.

Luka 10:4

Nɔ tɛ yɛkɔ kɛkpɛtɛ ɔdɔgɔsɛ ɔkpɛtɛ, ɔtsreklɔ, klɛ nɔ tɛ sɛnɛ anɔnyanɔ nɛ kidzo nɛabha.

Mateo 25:40

“Ekusi nɛ ebe bui lɛ nu asɛ, ‘Ítsre nɔ kɛgba sɛ, kɛdɔnyɛdɔ nɔ bhɛtɛ kɔ anɔ bhli kanyaka nɛ madzyalɛa nɛ mɛ, mɛ nɔ bhɛtɛ kɔ.’

Hebriuanɛ 11:16

Kɛlɛ mazalɛmɛ, bedidzo nu kɔ ɔma dzyɔgo—owũsise ɔyɛ. Kɛlɛso kɛwɔɛ̃ ti ku Kpaya sɛ tɛ beklu yɛ asɛ balɛ Kpaya, alasɛ eŋuse ɔma gbɛgbla elu kɔalɛ.

Marko 12:26

Ɔtsɔ̃ nɛɛ, nɛ anɔ tsitsi tɛlulɔ shu, nɔ dɛ kla nɛ Mose keplukpa nɛ mɛ, denɔ yɛ ayakpa mɛ zɛza shu, nɛ kana gɛ Kpaya aɖɔ etsre yɛ asɛ, ‘Mɛ nu Abraham Kpaya, Isakɛ Kpaya, anɛ Yakobo Kpaya,’