Yohanɛsɛ 19:4 - ONUGBÙ NYƐNYÃ VUVƆ

⁴ Pilato eze koeyi klɛ aɖɔ tsre Yuɖanɛ na asɛ, “Nɔ di, ɛyɛkɔ yɛ mɛna ɔtɔ kɔ nɔ tɛ nɔ ti sɛ ɛdɛ mɔ kizizi nɛ yɛ shu.”

Yohanɛsɛ 19:4 Referans Kwoze

Yohanɛsɛ 19:6

Gɛ kpayaɔzakɔanɔ ekusi nɛ̀ baxwɛwa nɛ amɔ yɛ ba kpɛ ogugu sɛ, “Kplayɛɔsɔ! Kplayɛɔsɔ!” Pɔ Pilato ebushunu asɛ, “Wunɔ nɔ yɛkɔ yɛ klɛ tɛ nɔ kplayɛ. Mɛ xũ nɛ, ɛdɛmɔ ɔzakɔ kɔ kibui nɛ gɛ nɔ yɛkɔ nɛ yɛ shu.”

Yohanɛsɛ 18:38

Pilato ebisi asɛ, “Kɛde kɛlɛ nu kɛgbɛagba?” Nɛ kɛlɛede etsodzi ekoeyi avɛ Yuɖanɛ nɔ bha klɛ aɖɔ sɛ “Ɛdɛ mɔ kɛdɔnɔ gɛ kɛlɛ so gɛ nɔ yɛ kɔ kibui nɛ yɛ shu.

Luka 23:4

Ɔkɛlɛ Pilato etsre kpayazakɛanɔ bekusi nɛ̀ banɔɛza asɛ, “Ɛdɛ mɔ kizizi gɛ ɛba yɛkɔ nɛ yɛ shu.”

Luka 23:47

Keyutugbani anɔ gbɛgbla, gɛ amɔ ebui gɛ la ba ba, akpɛ Kpaya kɛtɔkpu nɛabha klɛ aɖɔ sɛ, “Kɛgbɛagba anɔ dzyɔgo yɛ edzi.”

1 Yohanɛsɛ 3:5

Pɔ nɔ nyi sɛ aba sɛ tɛ ayɛkɔ bulɔ ebuikpã ashɛnɔ. Klɛ yɛ mɛ kibuikpã ma.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

1 Petro 2:22

“Kristo adɛ bhɛtɛ kizizi, klɛ otro huhu odi koeyi nɛ yɛ onugbui mɛ.”

1 Petro 1:19

Pɔ nɛ Kristo dzyosu ŋɛŋaɛdzi, obhoshieyi gɛ kɛpɔ ɔdɔgɔsɛ ozizikɔ ma ɔlɛ shu.

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

Luka 23:41

Ba tɛta lɔ batɔ nɛ kidzo dzyɔgo abha, alasɛ bu yɛkɛ kɛgɛ bulɔ ebui bhɛbhɛtɛ nɛ ebisi. Pɔ anyɛa nɛ adɛ bhɛtɛ kibui zizi.”

Mateo 27:54

Gɛ keyutugbani anɛ bepupo nɛ Yesu odzre nɛ shu ba mɔ kesukpahuhwa anɛ ebui nɛ petee gɛ aba kɛlɛ mɛ, kifu kua lɛ tsutsɔmɔ tsɔmɔ, klɛ be bu aɖɔ asɛ, “Kɛgbɛagba Kpaya yɛ Eyi edzi!”

Mateo 27:24

Gɛ Pilatio amɔ asɛ eti be ku ɔkɔnyɔkɔ akɔ kibui, pɛ igugu kpɛkpɛ ɛlɛ ba kpɛesi nɛɛ, ayɛkɔ buni klɛ eplu ahwɛ nɛ banɔɛza nɛ amɛ, klɛ aɖɔ asɛ, “Itinyi kibuinyɛbui nɛ anyaa nɛ dzyosu shu, wɔnɔ amɛ lɛ di!”

Mateo 27:19

Nɛ kibe lɛ mɛ gɛ Pilatio ezhiedzi yɛ kebhuiegbu nɛa bha, yedzini nɛ asɛsɛ yɛ ɔklasɔ toli asɛ, “Kibuinyɛbui kɛ tɛ za wɔ ahwɛ kɔ anyaa nɛ gɛ buzizi kanyaka ma yɛ shu, alasɛ ɛmɔ butɔ tsutsɔmɔ nɛ yɛ shu nɛ bulɛla mɛ obo.”

Mateo 27:4

Klɛ aɖɔ asɛ, “Ɛbhɛtɛ buzizi, ” “alasɛ ɛga dzyosu gɛ adɛ bhɛtɛ buzizi kanyaka nɛe si.” Banɔ nɛ be bisi Yuɖasɛ asɛ, “Bulɔ pɔ, kide kibui lɛ nɛ nu kɔlɔ?” “Wɔ nahwɛ kibui nɛɛ lɛlɛ.”

Hebriuanɛ 7:26

Kpayazakɔanɔ ɖɛɖama nɛdi atsyanɔ bulɔ kɛdɔ pɛpɛɛ—agɛ yɛ shu bhui, kɛpɔ ma yɛ shu, ana, alɛ ɔtɔ nɛ banɔ zizi shi, klɛ bakpɛ yɛ nɛabha adɔ flanɔ owũsise.

Yohanɛsɛ 18:33

Pilato etsodzi avɛ bukusiupa nɛ mɛ, klɛ eklu Yesu amɛna yɛ ɔbha klɛ ebisi asɛ, “Wɔ nu Yuɖanɛ ekusi?”