Yohanɛsɛ 19:30 - ONUGBÙ NYƐNYÃ VUVƆ

³⁰ Gɛ ayɛkɛ bulu, Yesu aɖɔ sɛ, “Kɛ beke.” Ɔkɛlɛ abubɔɛ tɔkpu klɛ ayɛkɔ yɛ ɔfufɔɛ nɛ akɔ.

Yohanɛsɛ 19:30 Referans Kwoze

Yohanɛsɛ 17:4

Ɛmɛna wɔ kabhakpɛkpɛ nɛ kesukpa nɛa bha, ganɔ kɛxwɛ nɛ gɛ ɔkɔ mɛ nɛ tɛwɛwa beke.

Filipianɛ 2:8

Klɛ awɛ̃ ansɛ anɔ, anyɛna ishu klɛ aba tatɔ nɛ butsi— nɛ butsi nɛ butsiosi shu tsyɛ!

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

Yohanɛsɛ 10:11

Mɛ nu ibhoshi agbɛgbanɔ dzyɔgo. Agbɛgbanɔ dzyɔgo ayɛkɔ yɛ kpã akɔ ibhoshi.

Luka 23:46

Yesu akpɛ ogugu nɛ olimɛ gɛganɛ sɛ, “Aka, wɔ ahwɛmɛ Ɛyɛkɔ mɛ ɔfufɔɛ nɛ kpɛ.” Gɛ aɖɔ kibuinɛ beke afɔɛ yɛ ɔfufɔɛ gugɔɛ.

Romanɛ 10:4

Kristo yɛ enu obekekɔ kɔ ɔshã sɛ tɛ tɛnɛnamɛzɛza za kɔ anɔnyanɔ gɛ ayɛkɛaŋa.

Yohanɛsɛ 19:28

Kɛlɛede, gɛ be nyi sɛ kibuinyɛbui beke, klɛ sɛ tɛ Kpayaplukpa nɛ bɛlɛ mɛ, Yesu aɖɔ sɛ, “Oniwɛ ɔta mɛ.”

Marko 15:37

Nɛ ogugu gɛganɛɛ, Yesu afɔɛ yɛ ɔfufɔɛ gɔgɔɛ.

Yohanɛsɛ 10:18

Anɔnyanɔ adɛ yɛkɛ ɛkpã nɛ mahwɛ, pɔ mɛ nahwɛ mɛ dɛmɛ ashɛ̃nahwɛ lɛ shu. Kabhaŋɛŋa lɛ mahwɛ sɛ tɛ ɛshɛnahwɛ ɛlɛ shu klɛ kabhaŋɛŋa lɛ sɛ tɛ ɛtsodzi yɛ kɔɛ lɛ. Ɔshãa nɛ mɛ yɛkɛ denɔ mɛ Aka nɔ kɔ.”

Yohanɛsɛ 4:34

Yesu aɖɔ asɛ, “Mɛ dɔŋɛŋa, ” kɛlɛ nu sɛ “tɛ ebhɛtɛ trɔ agɛ akpɛ mɛ nɛ tɛpɛpɛɛ abha klɛ tɛ ɛwa yɛ axwɛ nɛ beke.

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Mateo 27:50

Klɛ gɛ Yesu aza kpɛ ogugu nɛɛ, klɛ ebhui ɔfufɔɛ.

Hebriuanɛ 9:22

Kɛgbɛagba nɛ, ɔshã ɔlɛ nu sɛ kɛdɔnyɛdɔ kule bayɛkɔ dzyosu epluɛ lɛ nɔ, klɛ onugɛ ba dɛ balɛ dzyosu nɛesi tɛtsyitsye tɛ ba za.

Romanɛ 3:25

Kpaya ayɛkɔ yɛ akɔ anasɛ kɛtɔkpu tsɛtsrakɛ, ganɔ tɛyɛyɛkɛŋa nɛ yɛ dzyosu mɛ. Abhɛtɛ kibui nɛ asɛ tɛ ayɛkɔ ebu yɛ tɛnɛna nɛ akasɛ, alasɛ nɛ yɛ tɛdudɔfɔ̃ɔ mɛ atɛ shɛ̃nahwɛ ebuizizi nɛ gɛ ba bhɛtɛ eputɔnɔ nɛ shu butɔ matɛtamatɛta—

Mateo 3:15

Yesu ebui lɛ nu asɛ, “Kɔ kɛ za na ɔtsɔ̃; kɛbɔ sɛ tɛ bubhɛtɛ ana sɛ tɛ kɛ na nɛ tɛzɛza dzyɔgo mɛ petee.” Klɛ Yohanɛsɛ ayɛkɛ lɛ.

1 Kɔrintioanɛ 5:7

Nɔ bu bunayekedɔ kuku sɛ tɛ nɔ dzi kɛtsu vuvɔ gɛ bunayekedɔ ma—anasɛ kɛlɛ nɛ gɛ nɔ lɛ. Alasɛ Kristo, bulɔ Tɛfɛflawui obhoshiyi, ba yɛkɔ lɔegu bugu.

Luka 22:37

Baɖɔ lu asɛ, ‘Klɛ ba kla yɛ akpɛ bagɛ ba bhɛtɛ ebui zizi nɛ shi’ klɛ itsre nɔ sɛ, kɛnɛ kɛlɛsɛ tɛ kɛbɛlɛmɛ nɛ mɛ shu. Ee, kɛbui nɛ gɛ ba ŋlɔmɛ nɛ mɛ shu, kɛlɛ tɛbɛba na.”