Yohanɛsɛ 19:11 - ONUGBÙ NYƐNYÃ VUVƆ

¹¹ Yesu ebushunu asɛ, “Kemi tɛ ba za wɔ ahwɛ nɛ mɛabha onugɛ ba dɛ kɔ wɔ denɔ kabha. Kɛlɛso agɛ yɛ ayɛkɔ mɛ akpahwɛ kɔ wɔ be bu yɛ buzizi pɔ gbɛgbladɛ.”

Yohanɛsɛ 19:11 Referans Kwoze

Romanɛ 13:1

Anɔnyanɔ akpɛ kɛtɔkpuesi kɔ bagɛaŋɛabha pɛ ba gbanɔ anɔ, alasɛ kabhaŋɛŋa kanyaka ma gɛ odinu sɛ Kpaya yɛ edzua lɛ. Bukusi ɛŋakɔ nɛ petee gɛ lɛ Kpaya yɛ edzu ɛlɛ.

Yohanɛsɛ 3:27

Kɔ kibui nɛ so Yohanɛs ebuilɛ nu aɖɔ sɛ, “Anɔ aba yɛkɛ kɛdɔnɔ ko gɛ bakɔ yɛ denɔ owũsise.

Axwɛwɛwa 2:23

Anɔa nɛɛ bayɛkɔ yɛ akpɛahwɛ kɔ nɔ ganɔ Kpaya tɛtɛtrɔ nɛ kibuititi kpɛ otugbam, klɛ wɔnɔ, ganɔ atɔkpumgɛganɛ banɔ tɛpɛplɛnɔm nɛɛ, no yi yɛ ganɔ yɛ tɛkpɛkplasɔ butsiosi shu.

Axwɛwɛwa 3:13

Abraham Kpaya, Isaka anɛ Yakɔpu, bulɔa ka lɛ Kpaya, nɛ atɛ danɛ yɛ axwɛdɛ Yesu shu. Nɔ yɛkɔ yɛ ɔkpɛ ahwɛ kɔ sɛ tɛ be yi, klɛ nɔ shɛ̃nahwɛ yɛ shu nɛ Pilato amɛ, nɛ kibe lɛ gɛ yɛ apɛa sɛ tɛ akɔ yɛ kidzo tɛ aga vɛ flogo.

Yohanɛsɛ 7:30

Nɛ kibuilɛlɛ nɛshu ba pɛɛ sɛ tɛ bevu yɛ, pɔ anɔnyanɔ adɛ trɔ ɔhwɛ nɛ yɛ abha, alasɛ yɛ be ka na.

Yakobo 1:17

Kɛdzyɔgo kanyaka anɛ kɛdɔkukɔ dzyɔgo ki de kabha, ba denɔ owũsise efu Aka nɛ ɔkɔ, gɛ yɛ ete tsyina ansɛ buyi gɛ fla.

Mateo 6:13

Klɛ tɛ gbanɔ lɔ kpɛ tɛfifekedi mɛ, pɔ bu lɔ odenɔ ezizi nɛ ahwɛ mɛ.’

Yakobo 4:17

So, anɔnyanɔ, gɛ enyi kibui dzyɔgo nɛ gɛ kɛlɛ sɛ tɛ abhɛtɛ klɛ ataa bhɛtɛ nɛɛ, abhɛtɛ buzizi.

Romanɛ 11:36

Alasɛ denɔ yɛ ɔkɔ klɛ ganɔ yɛa bha klɛ kɛdɔnyɛdɔ kinu yɛyɛ. Yɛyɛ kɛlɛ nu ishubhubhui ɔvɛnɔ mabeke mabekem! Tɛlɛbɛlɛm.

Axwɛwɛwa 4:28

Ba bhɛtɛ kɛgɛ wɔ kemi nɛ tɛpɛpɛ nɛ tɛ trɔ lu kukuuku sɛ kɛ ba kɛlɛ mɛ.

Mateo 27:2

Klɛ so ba ba nya yɛ klɛ la gbanɔ yɛ avɛnɔ ada kpɛ ahwɛ akɔ Pilatio, gɛ enu anɔ nɛ gɛ aŋa kɛmadi nɛa bha.

Marko 14:44

Ɔtsɔ̃ nɛ agɛ akpɛahwɛ nɛ abhɛtɛ tɛtɛtrɔ tili nɛ banɔ: “Anɔ nɛ gɛ yɛ onugbu mɛ eba mukɔ yɛ nu anɔ; no vu yɛ tɛ nɔ gbanɛ yɛ ɔshɛnɔ nɛ tɛpupoe si.”

Yohanɛsɛ 18:3

Kɛlɛso Yuɖasɛ aba buya lɛlɛ nɛ mɛ, agbanɛ keyutugbani nɛ baxwɛwa denɔ kpayaɔzakɔanɔ gbla anɛ Farisianɛ ata shu. Be vunɔ ɛbɛya, bakanɛgbɛ ne keyuitadɔ.

Yohanɛsɛ 9:41

Yesu aɖɔ sɛ, “Onugɛ wunɔ awɔ̃hu epu, be ti be bu nɔɛ pɔ kɔ buzizi, pɔ ɔtsɔnɛ gɛ nɔ yɛ kɔɛ lɛ sɛ nɔ mɔ, wunɔɛ pɔ bubu lɛ kɛlɛ ɔzakɔ.

Luka 22:53

Kiwuinyɛwui Mɛ ɛlɛ wunɔ bha nɛ́ kpayavu nɛ mɛ, klɛ nɔ dɛ trɔ ahwɛ nɛ mɛa bha sɛ nɔ vu mɛ. Pɔ wunɔe be nɛɛ—gɛ otumu ɔŋa abha.”

Mateo 26:65

Ɔkɛlɛ kpayaɔzakɔanɔ nɛ atsyuɛ yɛ bawi klɛ aɖɔ asɛ, “Aɖɔ ebusobui! Kide so pɛ kɛlɛ sɛ tɛ bufla zɛɛ pɛɛ ebuimɔɖɔ dɛ ana? Di, ɔtsɔ̃ no nu yɛ ebusobui nɛ gɛ aɖɔ.

Yohanɛsɛ 18:13

klɛ be putɔ agbanɛ yɛ amɛna Anas ɔkɔ, gɛ enu Kɛfas yɛ anɔ gɛ aŋa kusi nɛ kɛgɔɛ lɛlɛ nɛ mɛ.

Yohanɛsɛ 19:10

Pilato aɖɔ sɛ, “Ɔdɛ dɛmɛ sɛ tɛ ɔɖɔaɖɔ nɛ mɛ?” “Ɔdɛ mɔɛlɛ sɛ kemi lɛ mɛ ahwɛ sɛ tɛ ɛshɛnahwɛ wɔ shu pɔnɔ tɛ ɛkpla wɔ sɔ?”