Yohanɛsɛ 18:4 - ONUGBÙ NYƐNYÃ VUVƆ

⁴ Yesu eti ebui petee gɛ laba ba yɛabha, kɛlɛso avɛ ede bisi balɛ asɛ, “Ane nɔ pɛɛ?”

Yohanɛsɛ 18:4 Referans Kwoze

Yohanɛsɛ 13:1

Agɔ kiwui tirikpo tɛ baŋa Tɛfɛflawui. Yesu eti sɛ kibe na kɔ yɛ sɛ tɛ ashɛ̃ nɛ kanɔ nɛ mɛ tɛ avɛ Aka nɔ kɔ. Nɛ tɛdɛdɛmɛnɔ nɛ bagɛ benu yɛ ayɛ alɛ gɛ ba lɛ kanɔ nɛ mɛ, ɔtsɔ̃ nɛ akasɛ alɛ tɛdɛdɛmɛnɔ nɛna.

Yohanɛsɛ 18:7

Ɛze bisi ale sɛ, “Ane nɔ pɛɛ?” Klɛ baɖɔ sɛ, “Yesu gɛ ede Nazarɛtɛ.”

Axwɛwɛwa 2:28

Oti bu ɛkpã edzo nɛ ɔkasɛ mɛ, obo yuku mɛm nɛ same nɛ wɔa mɛ.

Yohanɛsɛ 19:28

Kɛlɛede, gɛ be nyi sɛ kibuinyɛbui beke, klɛ sɛ tɛ Kpayaplukpa nɛ bɛlɛ mɛ, Yesu aɖɔ sɛ, “Oniwɛ ɔta mɛ.”

Yohanɛsɛ 13:11

Alasɛ enyi anɔ nɛ gɛ aba vɛ atɛ kpɛ yɛ ahwɛ, nɛ kɛlɛso gɛ aɖɔ sɛ, anɛ anɔnyanɔ yɛ yi.

Yohanɛsɛ 6:64

Pɔ wunɔ teli nɔ dɛ yɛkɛŋa.” Alasɛ Yesu eti ti denɔ kesikpɛkpɛ ke bagɛ ba dɛ yɛkɛŋa klɛ agɛ aba kɔ yɛ akpɛ ahwɛ.

Luka 24:44

Etsre alɛ sɛ, “Kibui nɛ mɛ tsre nɔ kɛlɛbe nɛ gɛ ɛza wunɔ bha: Kɛkanyaka gɛ ba ŋlɔmɛ elu denɔ mɛ shu alasɛtɛ kɛbɛlɛmɛ nɛ Mose Ɛshã, Batɔnu anɛ Ɛdzɛeplukpa.”

Mateo 26:31

Ɔkɛlɛ Yesu etsre yɛ badɔkpasɛ nɛ asɛ, “Elishia nɛ mɛ, wɔnɔ petee no bo si ɔlɔ mɛ, alasɛ kɛŋlɔ̃mɛ li sɛ: “ ‘Ɛba hu ibhoshi agbɛgbanɔ nɛɛ dɔ, klɛ ibhoshiha nɛ petee ba hle.’

Mateo 26:21

Klɛ gɛ bedzi aŋa kɛdɔ nɛɛ, aɖɔ asɛ, “Itsre nɔ kɛgba nɛ sɛ, wɔnɔ ɔmɛayɛ teli yɛ aba ga mɛesi.”

Mateo 26:2

“Ansɛ gɛ no nyi, ewi tabha ko ala gɔ kɔ Tɛfɛflawi nɛ tɛŋɛŋa, klɛ la ba yɛkɔ Anɔdzyrame yɛ Eyi nɛ akpɛ ahwɛ kɔ la kplasɔ.”

Mateo 16:21

Denɔ kibe lɛ nɛ mɛ Yesu etenɔ ebuie si bu kɔ yɛ badɔkpasɛ nɛ asɛ alasɛ tɛ avɛ Yerusalɛm tɛ ada tɔ nɛ ebui gelee mɛ nɛ beshishe nɛ ahwɛ mɛ, kpayaɔzakɔanɔ anɛ ɛshãdɔkasɛ, klɛ kɛ ba za sɛ tɛ be yi yɛ klɛ nɛ kiwi tramɛ ebe tsodzi anyɛmɛ aba ɛkpãm.

1 Petro 4:1

Kɛlɛso, kibelɛlɛ gɛ Kristo amɔ butɔ nɛ yɛ shuidzya mɛ, nɔ bala wũnɔ shu tsyɛ nɛ kidzo lɛlɛ nɛabha, alasɛ anɔ gɛ amɔ butɔ nɛ yɛ shuidzya mɛ aŋa buzizi abha.

Yohanɛsɛ 18:5

Baɖɔ sɛ, “Yesu gɛ ede Nazarɛtɛ.” Yesu aɖɔ sɛ, “Mɛ nu yɛ.” (Klɛ Yuɖasɛ agɛ akpɛ Yesu ahwɛ aza kititi nɛ balɛ ɔbha.)