Yohanɛsɛ 17:25 - ONUGBÙ NYƐNYÃ VUVƆ

²⁵ “Aka Nɛna, kɛlɛlɛmɛ sɛ kanɔ nɛ ti nyi wɔ, mɛ nyi wɔ, klɛ benyi sɛ wɔ kpɛ mɛ.

Yohanɛsɛ 17:25 Referans Kwoze

Yohanɛsɛ 17:11

Ɛtɛ ba wɔ kanɔ nɛ mɛ ɔvɛnɔ, pɔ ba ka lɛ kanɔ nɛ mɛ klɛ ɛba wɔ kɔ. Ishubhubhui Aka, kpɛ buka kpɛ alɛ nɛ wɔ kemi nɛ nyi mɛ—kinyi gɛ ɔkɔ mɛ—sɛ tɛ ba baza terikpo anasɛ gɛ bu lɛ terikpo.

Yohanɛsɛ 17:8

Alasɛ ɛkɔ alɛ ebui gɛ ɔkɔ mɛ klɛ ba yɛkɛ alɛ. Be nyi nɛ kɛgbɛagba sɛ ɛde wɔ kɔ klɛ ba yɛkɛŋa sɛ wɔ kpɛ mɛ

Yohanɛsɛ 15:21

Ba bakpɛ nɔ butɔ nɛ kidzoe nɛabha alasɛ nɛ mɛ nyi nɛ so, alasɛ be tinyi Anɔ nɛ gɛ yɛ akpɛ mɛ.

Yohanɛsɛ 7:29

pɔ inyi yɛ alasɛ yɛ ɔkɔ mɛ de klɛ yɛ akpɛ mɛ.”

Yohanɛsɛ 16:27

Ao, Aka nahwɛ adɛmɛnɛ nɔ alasɛ nɔ dɛmɛnɔ nɛ mɛ klɛ nɔ yɛkɛŋa sɛ ide Kpaya kɔ.

Hebriuanɛ 8:11

Kɛ tɛa balɛmɛ sɛ anɔ aba kasɛ yɛ ɔhaglɔɛ dɔ, pɛnɔ anɔ yɛ adzya, ‘Ti Apalete,’ alasɛ balɛ petee ba be ti mɛ, denɔ ebhliyi nɛabha ɔdɔtɔnɔ agbɛgbladɛ.

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

Yohanɛsɛ 10:15

anasɛ gɛ Aka nɛ nyi mɛ klɛ inyi Aka—klɛ ɛyɛkɔ mɛ kpã kɔ ibhoshi.

Yohanɛsɛ 8:55

Kɛlɛlɛmɛ sɛ nɔ tinyi yɛ, mɛ inyi yɛ. Onugɛ ɛɖɔ sɛ ɛtɛ nyi yɛ, ɛba dzi otro lete anasɛ wunɔ. pɔ ɛnyi yɛ klɛ ɛbhɛtɛ trɔ yɛ ebui nɛabha.

Luka 10:22

“Maka ayɛkɔ kɛdɔ nɛ petee akpɛ mɛ ahwɛ. Anɔnyanɔ eti nyi anɔ nɛ gɛ Eyi nɛ enu ɔdɛ̀ sɛ Aka, klɛ anɔnyanɔ eti nyi anɔ nɛ gɛ Aka nɛ enu ɔdɛ̀sɛ Eyi nɛ̀ ba gɛ Eyi eklu sɛ tɛ be bu yɛ akasɛ.”

Tɛbubukasɛ 13:8

Banɔ nɛ petee ga lɛ kesukpa nɛabha na ba kpɛ kɛtɔkpuesi kɔ agavuga— banɔ nɛ petee enyi nɛ gɛ ba dɛ ŋlɔmɛ akpɛ ɛkpã keplukpa nɛ gɛ enu Obhoshieyi nɛa yɛ gɛ be yi denɔ kanɔ nɛ tɛbhɛbhɛtɛ be nɛ mɛ.

1 Yohanɛsɛ 1:9

Onugɛ bu bu bulɔ kizizi nɛ ɖɔ, yɛ nu ayɛyɛkɛŋa anɛ̀ anɛna, klɛ aba yɛkɔ bulɔ kizizi etsye klɛ ebe plu lɔ shu denɔ buzizi bhɛbhɛtɛ petee mɛ.

2 Tɛsolonianɛ 1:8

Aba tɛta butɔ akɔ bagɛ eti nyi Kpaya pɛ ba taa tatɔ nɛ bulɔ Apalete Yesu kibuidzyɔgo.

1 Kɔrintioanɛ 15:34

Nɔ tsodzi ɔvɛ ishui mɛ tɛ nɔ zukɔlɔ ebui kpã bhɛbhɛtɛ, alasɛ beteli alɛ gɛ be tinyi Kpaya—ɛɖɔ kibui nɛ kɔ nɔ tɛ kwɔ̃ɛ ku nɔ.

1 Kɔrintioanɛ 1:21

Alasɛ nɛ Kpaya buititi mɛ kanɔ gabɔ kalɛ kibuinyinyi mɛ ke di ti yɛ, kɛku Kpaya awɔ̃ ganɔ matimati kɛdɔ kɛkasɛ busɔlɛ buiɖɛɖɔ tɛ bayɛkɛkɔ bagɛ bayɛkɛ aŋa.

Romanɛ 3:26

abhɛtɛ kɛlɛ asɛ tɛ ayɛkɔ ebu yɛ tɛnɛna nɛ akasɛ nɛ kibe nɛm, sɛ tɛ ana tɛ edzi anɔ nɛ gɛ adanɛ banɔ nɛ gɛ tɛyɛyɛkɛŋa lɛ balɛ ahwɛ nɛ shu nɛ Yesu mɛ.

Romanɛ 3:11

anɔnyanɔ ama gɛ enu kibuiesi, akanyaka gɛ apɛɛ Kpaya tsyɛ ama.

Romanɛ 1:28

Ɔyɛkɔ vɛnɔ otugba, gɛ ba dɛ bhɛtɛ kɛtɔkpum sɛ tɛ ba nyɛna Kpaya tɛtitim evunɔ so, ashɛ̃nahwɛ balɛ shu akɔ kɛtɔkpum manamana, gɛ kɔ sɛ tɛ ba bhɛtɛ kɛgɛ ma sɛ tɛ ba bhɛtɛ.

Axwɛwɛwa 26:18

sɛ tɛ ɔdɔ danɛ balɛ awɔ̃hũ tɛ otsyina lɛ odenɔ otumum ɔkɔ vɛnɔ kelidɛdanɛ mɛ, anɛ denɔ Satana kemi mɛ ɔvɛnɔ Kpaya ɔkɔ, sɛ tɛ ba yɛkɛ buzizi tɛyɛyɛkɔ tsye nɛ ɔzakɔ mumɔ nɛ bagɛ balɛ shu la tɛ danɛ nɛ shi ganɔ tɛyɛyɛkɛŋa nɛ mɛmɛ.’

Axwɛwɛwa 17:23

Alasɛ gɛ ɛkana anɛ mɛ awɔ̃hũ vuvu nɛ kɛdɔnɔ nɛ gɛ nɔ kpɛ kɛtɔkpuesi kɔ nɛɛ, ɛmɔ wɔnɔ busɔlɛvu mɛ osubha tolia bha gɛ ba ŋlɔmɛ asɛ: kɔ kpaya gɛ anɔnyanɔ etinyi. Ɔtsɔ̃ nɛɛ Kpaya nɛ gɛ no ti nyi nɛɛ pɛ nɔ kpɛ kɛtɔkpuesi kɔ yɛ kibui mɛ ba ɖɔ tsre nɔ.

Yohanɛsɛ 17:23

Ɛlɛ ba lɛ mɛ klɛ wɔ ɔlɛ mɛ mɛ. Ba ba mɛna alɛ tɛ ba bhɛtɛ tɛɖikpo nahwɛ tɛ kɛ kɔ kanɔ ne ti sɛ wɔ kpɛ mɛ klɛ ɔdɛmɛnɔ nɛ alɛ anasɛ gɛ ɔdɛmɛnɔ nɛ mɛ.

Yohanɛsɛ 17:21

sɛ tɛ balɛ petee ba be dzi terikpo, Aka, anasɛ gɛ ɔlɛ mɛ́ mɛ klɛ mɛ lɛ wɔɛ mɛ. Kɔ ba lɛ tsyɛ ba baza bulɔɛ mɛ sɛ tɛ kanɔ na ba yɛkɛŋa sɛ wɔ kpɛ mɛ.

Yohanɛsɛ 17:18

Anasɛ gɛ ɔkpɛ mɛ nɛ kanɔ nɛ mɛ, ɛkpɛ alɛ nɛ kanɔ nɛ mɛ.

Yohanɛsɛ 17:3

Ɔtsɔ̃ kɛɛ nɛ kɛlɛ nu ɛkpã mabeke: sɛ tɛ be ti wɔ, kɛgba Kpaya terikpo, anɛ Yesu Kristo, gɛ yɛ wɔ kpɛ.

Yohanɛsɛ 16:30

Ɔtsɔnɛ bu ba mɔ sɛ onyi ebuia nɛ petee klɛ so kɛ ma sɛ tɛ anɔnyanɔ ebisi wɔ kɛbuinyɛbui. Kɛnɛ kɔ lɔ sɛ bɔ yɛkɛŋa sɛ ode Kpaya kɔ.”

Yohanɛsɛ 16:3

Ba babhɛtɛ ebuia nɛdi alasɛ beti nyi Aka pɛnɔ mɛ.

Yohanɛsɛ 8:19

Klɛ Farisianɛ ne bisi yɛ asɛ, “Fakɔ wɔ aka alɛ?” Yesu ebuilɛnu asɛ, “No ti nyi mɛ gɛ ma Aka no bo ti.” “Onugɛ no nyi mɛ, nɔ bɔ ti ma Aka tsyɛ.”

Yohanɛsɛ 6:19

Gɛ bege opupu nɛ avɛ anasɛ imuenekɔ tɛta ɔvɛnɔ tɛta nɛ kapɛ, bamɔ Yesu agà buni nɛabha etsobunɔ opupu klɛ kifu tenɔ alɛ ku.

Yohanɛsɛ 3:17

Alasɛ Kpaya adɛ sɛsɛ yɛ Eyianyɛ nɛ kanɔ nɛ mɛ sɛ tɛ ebe zi kanɔ, pɔ apɛa sɛ tɛ ebhui kanɔ nayɛkɛ aganɔ yɛ abha.

Yohanɛsɛ 1:18

Anɔnyanɔ aka mɔ Kpaya edi, pɔ Kpaya Eyi nɛ̀ Terikpo, gɛ alɛ Aka nɛ wã, ye abhɛtɛ sɛ bu ti yɛ.

Mateo 16:16

Simɔnɛ Petro ebui lɛ nu asɛ, “Wɔ nu Kristo, ɛkpã Kpaya nɛ yɛ Eyi.”

Mateo 11:27

“Ebui nɛ petee mɛ Aka nɛ atɛ yɛkɔ akpɛ mɛ ahwɛ. Anɔnyanɔ etinyi Eyi gɛ odinu sɛ Aka, klɛ anɔ nyanɔ etinyi Aka gɛ odinu sɛ Eyi nɛ banɔ nɛ gɛ Eyi nɛ apɛa sɛ tɛ ebu yɛ akasɛ.

Tɛbubukasɛ 16:5

Ɔkɛlɛ mɛ nu kpayaxwɛdɛ nɛ gɛ yɛ edi beni nɛa bha nɛ aɖɔ sɛ: “Ɔna nɛ bubhui kukulu nɛ mɛ, wɔ gɛ onu klɛ odzi, Anɔ Nɛna, alasɛ oti kulu bubhui nɛ ana;