Yohanɛsɛ 17:23 - ONUGBÙ NYƐNYÃ VUVƆ

²³ Ɛlɛ ba lɛ mɛ klɛ wɔ ɔlɛ mɛ mɛ. Ba ba mɛna alɛ tɛ ba bhɛtɛ tɛɖikpo nahwɛ tɛ kɛ kɔ kanɔ ne ti sɛ wɔ kpɛ mɛ klɛ ɔdɛmɛnɔ nɛ alɛ anasɛ gɛ ɔdɛmɛnɔ nɛ mɛ.

Yohanɛsɛ 17:23 Referans Kwoze

Yohanɛsɛ 17:21

sɛ tɛ balɛ petee ba be dzi terikpo, Aka, anasɛ gɛ ɔlɛ mɛ́ mɛ klɛ mɛ lɛ wɔɛ mɛ. Kɔ ba lɛ tsyɛ ba baza bulɔɛ mɛ sɛ tɛ kanɔ na ba yɛkɛŋa sɛ wɔ kpɛ mɛ.

Yohanɛsɛ 16:27

Ao, Aka nahwɛ adɛmɛnɛ nɔ alasɛ nɔ dɛmɛnɔ nɛ mɛ klɛ nɔ yɛkɛŋa sɛ ide Kpaya kɔ.

1 Yohanɛsɛ 3:1

Kɛlɛ Aka nɛ tɛdɛdɛmɛnɔ nɛ anɔ etri gɛ ayɛkɔ akɔ lɔ, sɛ tɛ be klu lɔ asɛ Kpaya ye yialɛ! Klɛ kɛlɛ kɔ sɛ bu nu yɛ ayɛ! Kibui nɛ so gɛ kanɔ nɛ tinyi lɔ kɛlɛ nu sɛ ke tɛ nyi yɛ.

Yohanɛsɛ 13:35

Nɛkɛlɛmɛ banɔ petee ba beti sɛ mɛ badɔkpasɛ nɔ nu, onugɛ nɔ dɛmɛnɔ nɛ ehaglɔ.”

1 Yohanɛsɛ 1:3

Bu butsre nɔ kɛdɔ nɛ gɛ bu mɔ klɛ bu nu, sɛ tɛ wũnɔ tsyɛ nɔ za terikpo bhɛbhɛtɛmɛ nɛ lɔ. Klɛ bulɔ terikpo bhɛbhɛtɛ nɛ Aka anɛ̀ yɛ Eyianyɛ Yesu Kristo.

1 Petro 5:10

Klɛ ɛyamyuyɔ petee Kpaya, gɛ eklu nɔ avɛnɔ yɛ mabekemabeke ishubhubhui nɛ́ Kristoe mɛ, nɛ kɛlɛede gɛ nɔ mɔ butɔ nɛ kibe bhliyi mɛ, yɛnahwɛ ebe tsodzi wũnɔ dzu kititi klɛ aba kɔ nɔ gɛganɛ, mɔmɔ klɛ nɔ bɔ dzu ishuesi.

Koloseanɛ 3:14

Klɛ nɛ anɛ nɛ petee mɛ nɔ kpɛ tɛdɛdɛmɛnɔ anɔ, gɛ kɛ nya alɛ petee xogo nɛ tɛpɛpɛ̃ tirikpo bhɛbhɛtɛ mɛ.

Yohanɛsɛ 17:26

Ɛbhɛtɛ wɔ tɛ oti alɛ, klɛ tɛ kɛ vɛabha tɛ ba bhɛtɛ wɔ nɛ kɛlɛmɛ sɛ tɛdɛdɛmɛnɔ gɛ kɛlɛ wɔ ahwɛ kɔ mɛ tɛ kɛ ba za ba lɛ mɛ klɛ tɛ mɛ nahwɛ ɛba za bɛ lɛ mɛ.”

Yohanɛsɛ 17:24

“Aka, ɛpɛɛ sɛ bagɛ ɔkɔmɛ sɛ tɛ baza mɛ ɔbha nɛ ɔkɛlɛ gɛ ɛlɛ, klɛ tɛ ba mɔ kabhaŋɛŋa, kɛbhaŋɛŋa nɛ gɛ ɔkɔ mɛ alasɛ ɔdɛmɛnɔ mɛ flogo gɛ kanɔ bhɛbhɛtɛ ka kpɛesi.

1 Kɔrintioanɛ 1:30

Alasɛ yɛ so gɛ nɔ lɛ Kristo Yesu mɛ, gɛ ebedzi kibuinyinyi gɛ de Kpaya ɔkɔ kɔlɔ—kɛlɛ nu, bulɔ tɛnɛna, ishubhubhui anɛ tɛbhubhuiyɛkɛ.

Yohanɛsɛ 14:23

Yesu ebuilɛnu asɛ, “Onugɛ anɔ teli adɛmɛnɔ nɛ mɛ, aba bhɛtɛ atrɔ mɛ kɛdɔkɛkasɛ nɛabha. Mɛ Aka aba dɛmɛnɔ nɛ yɛ, klɛ bu ba ba yɛ ɔkɔ klɛ bu ba yɛ kɔ ɔkɛlɛ bhɛtɛ bulɔ kepi.

Yohanɛsɛ 14:10

Nɔ dɛ yɛkɛŋa sɛ ɛlɛ Aka nɛ mɛ klɛ Aka nɛ alɛ mɛ mɛ? Ebui nɛ gɛ ɛɖɔ tsre nɔ le di de mɛnahwɛ ɔkɔ. Pɔ nɛ Aka nɛ, gɛ alɛ mɛ mɛ yɛ abhɛtɛ yɛ xwɛ.

Koloseanɛ 2:2

Mɛ tɛbhɛtɛ kɛ lɛ nu sɛ tɛ ba kpɛ balɛ idzyi kemi nɛ̀ tɛ ba kpɛ alɛ ketsu nɛ́ tɛdɛdɛmɛ mɛ, sɛ tɛ ba yɛkɛ ehueyi mumɔ gelee nɛ kibuiesi nunu nɛna, nɛ kɛlɛmɛ tɛ ba beti Kpaya ebukpukpu, be klu sɛ Kristo,

Filipianɛ 3:15

Bulɔ petee gɛ bushe nɛ ɔfufɔɛ mɛ nɔ yɛkɔ kɛtɔkpui nɛ mɛ di tirikpo. Klɛ onugɛ nɛ kibui tili shu nɔ mɔ ɔtɔgɛga, kɛlɛlɛ nɛ tsyɛ Kpaya aba danɛ lɛmɛ kɔ nɔ.

Galatianɛ 3:28

Yuɖanɛ ɔdɔgɔsɛ Grikianɛ avama, anɔdzidzi ɔdɔgɔsɛ agɛ alɛ ɛshuahwɛ avama, anyɛ ɔdɔgɔsɛ adzyɛ avama, alasɛ wɔnɔ petee nɔ nu anɔ terikpo nɛ Kristo Yesu mɛ.

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

Yohanɛsɛ 6:56

Anɔ nɛ gɛ atã mɛ ishuidzya klɛ awɔɛ̃ mɛ dzyosu awɔ mɛ mɛ klɛ mɛ ɛlɛ yɛ mɛ.

Yohanɛsɛ 3:17

Alasɛ Kpaya adɛ sɛsɛ yɛ Eyianyɛ nɛ kanɔ nɛ mɛ sɛ tɛ ebe zi kanɔ, pɔ apɛa sɛ tɛ ebhui kanɔ nayɛkɛ aganɔ yɛ abha.

1 Yohanɛsɛ 4:19

Budɛmɛ anɔɛ bui alasɛ Kpaya eputɔ adɛmɛ bulɔɛ bui.

Koloseanɛ 1:28

Bu ɖɔ yɛ kibui kana, butsrenɔ klɛ bukasɛ anɔnyanɔ kɛdɔ nɛ kibuinyinyi petee mɛ, sɛ tɛ bu ba kɔ anɔnyanɔ tɛ edzi adzyɔgo nɛ Kristo mɛ.

Yohanɛsɛ 10:38

Pɔ onugɛ ɛbhɛtɛ lɛ, tsyɛ kɛlɛmɛ nɔ dɛ yɛkɛ mɛabhaŋa, nɔ yɛkɛ ebuiyinɔanɔ nɛabhaŋa, sɛ tɛ nɔ bɔ ti tɛ nɔ nu kilɛesi sɛ Aka na lɛ mɛ mɛ klɛ mɛ lɛ Aka nɛ mɛ.”

Yohanɛsɛ 15:9

“Anasɛ gɛ Aka nɛ adɛmɛnɔ nɛ mɛ, kana mɛ tsyɛ ɛdɛmɛnɔ nɛ wunɔ. Ɔtsyɔnɛ nɔ za mɛ́ tɛdɛdɛmɛ mɛ.

Yohanɛsɛ 17:3

Ɔtsɔ̃ kɛɛ nɛ kɛlɛ nu ɛkpã mabeke: sɛ tɛ be ti wɔ, kɛgba Kpaya terikpo, anɛ Yesu Kristo, gɛ yɛ wɔ kpɛ.

Yohanɛsɛ 17:8

Alasɛ ɛkɔ alɛ ebui gɛ ɔkɔ mɛ klɛ ba yɛkɛ alɛ. Be nyi nɛ kɛgbɛagba sɛ ɛde wɔ kɔ klɛ ba yɛkɛŋa sɛ wɔ kpɛ mɛ

Yohanɛsɛ 17:11

Ɛtɛ ba wɔ kanɔ nɛ mɛ ɔvɛnɔ, pɔ ba ka lɛ kanɔ nɛ mɛ klɛ ɛba wɔ kɔ. Ishubhubhui Aka, kpɛ buka kpɛ alɛ nɛ wɔ kemi nɛ nyi mɛ—kinyi gɛ ɔkɔ mɛ—sɛ tɛ ba baza terikpo anasɛ gɛ bu lɛ terikpo.

Tɛbubukasɛ 3:9

Ɛba bhɛtɛ bagɛ nu Satana oxogokɔanɔ, gɛ be kulu shu asɛ nu Yuɖanɛ flogo pɛ be di nu, pɔ be nu betroni, ɛba bhɛtɛ balɛ le be zhiadɔ nɛ wɔ otugba klɛ be be buaɖɔ sɛ ɛpɛɛ wɔɛ bui.