Yohanɛsɛ 17:21 - ONUGBÙ NYƐNYÃ VUVƆ

²¹ sɛ tɛ balɛ petee ba be dzi terikpo, Aka, anasɛ gɛ ɔlɛ mɛ́ mɛ klɛ mɛ lɛ wɔɛ mɛ. Kɔ ba lɛ tsyɛ ba baza bulɔɛ mɛ sɛ tɛ kanɔ na ba yɛkɛŋa sɛ wɔ kpɛ mɛ.

Yohanɛsɛ 17:21 Referans Kwoze

1 Kɔrintioanɛ 12:12

Ishuidzya lɛ nu kɛdɔ tirikpo, kɛlɛlɛmɛsɛ bu nu bupɛpɛpɛ gelee klɛ kɛlɛlɛmɛsɛ bulɛ bupɛpɛpɛ bu kpe, bu bhɛtɛ ishuidzya tirikpo. So kana tsyɛ kɛ lɛ nɛ Kristo.

Yohanɛsɛ 17:11

Ɛtɛ ba wɔ kanɔ nɛ mɛ ɔvɛnɔ, pɔ ba ka lɛ kanɔ nɛ mɛ klɛ ɛba wɔ kɔ. Ishubhubhui Aka, kpɛ buka kpɛ alɛ nɛ wɔ kemi nɛ nyi mɛ—kinyi gɛ ɔkɔ mɛ—sɛ tɛ ba baza terikpo anasɛ gɛ bu lɛ terikpo.

Filipianɛ 1:27

Kibuinyɛbui gɛ kɛ baa, nɔ nyɛna wɔnɔ shu nɛ Kristo kibui dzyɔgo nɛ tɛzɛzam. Kɛlɛede, kɛba dzi sɛ ɛba pɛ ɛba mɔ nɔ ɔdɔgɔsɛ ɛba nu wɔnɔɛ dɔ nɛ mɛede, eba ti sɛ nɔ lɛ gɛganɛ nɛ ɔfufɔɛ torikpo mɛ, ɔwlãnkɛ ansɛ anɔ terikpo kɔ kibui dzyɔgo nɛabha yɛyɛkɛŋa

Yohanɛsɛ 13:35

Nɛkɛlɛmɛ banɔ petee ba beti sɛ mɛ badɔkpasɛ nɔ nu, onugɛ nɔ dɛmɛnɔ nɛ ehaglɔ.”

Axwɛwɛwa 4:32

Bagɛayɛkɛaŋa nɛ petee ba za nɛ idzyi anɛ kɛtɔkpum tirikpo. Anɔnyanɔ edi klu kɛnɔmɛdɔ kanyaka sɛ yɛnahwɛ yɛ, pɔ ba ma kɛdɔnyɛdɔ gɛ za balɛ ahwɛ nɛ ɔhaglɔ.

Yohanɛsɛ 17:8

Alasɛ ɛkɔ alɛ ebui gɛ ɔkɔ mɛ klɛ ba yɛkɛ alɛ. Be nyi nɛ kɛgbɛagba sɛ ɛde wɔ kɔ klɛ ba yɛkɛŋa sɛ wɔ kpɛ mɛ

Yohanɛsɛ 10:38

Pɔ onugɛ ɛbhɛtɛ lɛ, tsyɛ kɛlɛmɛ nɔ dɛ yɛkɛ mɛabhaŋa, nɔ yɛkɛ ebuiyinɔanɔ nɛabhaŋa, sɛ tɛ nɔ bɔ ti tɛ nɔ nu kilɛesi sɛ Aka na lɛ mɛ mɛ klɛ mɛ lɛ Aka nɛ mɛ.”

Yohanɛsɛ 10:30

Mɛ nɛ Aka bunu anɔ terikpo.”

Galatianɛ 3:28

Yuɖanɛ ɔdɔgɔsɛ Grikianɛ avama, anɔdzidzi ɔdɔgɔsɛ agɛ alɛ ɛshuahwɛ avama, anyɛ ɔdɔgɔsɛ adzyɛ avama, alasɛ wɔnɔ petee nɔ nu anɔ terikpo nɛ Kristo Yesu mɛ.

1 Kɔrintioanɛ 1:10

Nɛ bulɔ Apalete Yesu Kristo nyi mɛ, madzyalɛ mɔ ɛkpɛ lɛ nɛ wunɔ ɔkɔ sɛ, wunɔ petee nɔ za terikpo nɛ aglɔ sɛ tɛ tɛpupɔɛhle kɛta za wunɔɛ shi klɛ sɛ tɛ nɔ bhɛtɛ terikpo mɔmɔ nɛ́ wunɔ atɔkpu mɛ anɛ alɛmɛ tɛbhɛbhɛtɛ.

Romanɛ 12:5

so nɛ Kristo mɛ bulɔ gɛ bu kpe nɛ ishuidzya tirikpo mɛ, klɛ kapɛ kanyaka lɛ kɔ bugɔgɔɛ nɛ petee.

1 Yohanɛsɛ 5:7

Alasɛ kɛdɔ tɛta kɛlɛ ɖɔaɖɔ,

Axwɛwɛwa 2:46

Kiwinyɛwi nɛɛ bee xogo nɛ busɔlɛvu nɛ kɛma nɛm. Ba bhɛtɛ kɛdɔŋɛŋa nɛ balɛ bapam klɛ ba ŋa nɛ ketsum nɛ samɛ nɛ idzyi dzyɔgo mɛ,

Yohanɛsɛ 17:25

“Aka Nɛna, kɛlɛlɛmɛ sɛ kanɔ nɛ ti nyi wɔ, mɛ nyi wɔ, klɛ benyi sɛ wɔ kpɛ mɛ.

Yohanɛsɛ 10:16

Ibhoshi bhlatɔ lɛ mɛ ahwɛ gɛ lɛ ma ibhoshi buka nɛ mɛ. Ɛba tɛ gbanɛ lɛ tsyɛ mɛna. Ɛlɛ tsyɛ ba nu mɛ olimɛ, klɛ ibhoshiha tirikpo nɛ agbɛgbanɔ Terikpo.

Yohanɛsɛ 17:3

Ɔtsɔ̃ kɛɛ nɛ kɛlɛ nu ɛkpã mabeke: sɛ tɛ be ti wɔ, kɛgba Kpaya terikpo, anɛ Yesu Kristo, gɛ yɛ wɔ kpɛ.

Yohanɛsɛ 5:23

sɛ tɛ balɛ petee bakpɛ Eyianyɛ nɛ tɔkpu nɛabha anasɛ gɛ ba kpɛ Aka nɛ tɔkpu nɛabha. Anɔ nɛ gɛ adɛ kpɛ Eyianyɛ nɛ tɔkpu nɛabha, adɛ kpɛ Aka nɛ gɛ akpɛ yɛ kɛtɔkpu nɛabha.

Yohanɛsɛ 3:17

Alasɛ Kpaya adɛ sɛsɛ yɛ Eyianyɛ nɛ kanɔ nɛ mɛ sɛ tɛ ebe zi kanɔ, pɔ apɛa sɛ tɛ ebhui kanɔ nayɛkɛ aganɔ yɛ abha.

Yohanɛsɛ 17:18

Anasɛ gɛ ɔkpɛ mɛ nɛ kanɔ nɛ mɛ, ɛkpɛ alɛ nɛ kanɔ nɛ mɛ.

Yohanɛsɛ 11:42

Inyi sɛ kɛbenyɛbe onu mɛ bui, pɔ ɛɖɔ kibui sɛ tɛ banɔ nɛ gɛ ba lɛ ɔkɛnɛ ba yɛkɛŋa sɛ wɔ kpɛ mɛ.”

Yohanɛsɛ 17:20

“Mɛ kpayakuklu edi nu kɔ ba lɛ tite ko. Iklukpaya kɔ bagɛ ba ba yɛkɛ mɛabhaŋa ganɔ ba lɛ ebui ɖɛɖɔ tsyɛ abha,

1 Kɔrintioanɛ 6:17

Pɔ ánɔ nɛ gɛ abhɛtɛ terikpo nɛ Apalete ya lɛ yɛ mɛ nɛ ɔfufɔɛ.

1 Yohanɛsɛ 1:3

Bu butsre nɔ kɛdɔ nɛ gɛ bu mɔ klɛ bu nu, sɛ tɛ wũnɔ tsyɛ nɔ za terikpo bhɛbhɛtɛmɛ nɛ lɔ. Klɛ bulɔ terikpo bhɛbhɛtɛ nɛ Aka anɛ̀ yɛ Eyianyɛ Yesu Kristo.

Marko 3:24

Onugɛ bukusi ɔzakɔ tuli ma kpɛ bupɛ tɔbha mɛ, bukusi ɔŋakɔ ɔlɛlɛ nɛ ɔtɛbɔ naa za.

Yohanɛsɛ 13:32

Onugɛ ba kpɛ, Kpaya aba kpɛ Eyi shu bhubhui nɛ kabha nɛ yɛ nahwɛ mɛ, klɛ aba kpɛ yɛ nɛabha ɔtsɔtsɛɔ̃.