Yohanɛsɛ 17:2 - ONUGBÙ NYƐNYÃ VUVƆ

² Alasɛ wɔ ɔkɔ yɛ kabhaŋɛŋa nɛ banɔ nɛ petee abha sɛ tɛ aba kɔ ɛkpã mabeke banɔ petee gɛ ɔyɛkɔ kpɛ ahwɛ kɔ yɛ.

Yohanɛsɛ 17:2 Referans Kwoze

Yohanɛsɛ 6:39

Klɛ kɛɛ nɛ kɛlɛ nu agɛ akpɛ mɛ nɛ tɛpɛpɛɛ, sɛ ɛtɛ lɛla bagɛ balɛ petee akɔ mɛ, pɔ tɛ ɛnyɛmɛ alɛ nɛ kiwui gugɔɛ nɛabha.

Yohanɛsɛ 6:37

Banɔ nɛ petee gɛ Kpayɛa akɔmɛ ba baba mɛ ɔkɔ, klɛ anɔnyanɔ gɛ aba mɛ ɔkɔ ɛtɛ ba kɛkɛ yɛ.

Yohanɛsɛ 17:24

“Aka, ɛpɛɛ sɛ bagɛ ɔkɔmɛ sɛ tɛ baza mɛ ɔbha nɛ ɔkɛlɛ gɛ ɛlɛ, klɛ tɛ ba mɔ kabhaŋɛŋa, kɛbhaŋɛŋa nɛ gɛ ɔkɔ mɛ alasɛ ɔdɛmɛnɔ mɛ flogo gɛ kanɔ bhɛbhɛtɛ ka kpɛesi.

Mateo 28:18

Ɔkɛlɛ Yesu aba balɛ ɔbha klɛ asɛ, “Kabhaŋɛŋa petee anɛ owũsise anɛ kesukpa, ba tɛ yɛkɔ akpɛ mɛ ahwɛ.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

Yohanɛsɛ 17:9

Ɛklukpaya nɛ balɛ tɔkpu. Ɛtɛ klukpaya nɛ kanɔ nɛ tɔkpu, pɔ kɔ ba gɛ ɔkɔ mɛ, alasɛ be nu wɔ ayɛ alɛ.

Yohanɛsɛ 17:6

“Ibu wɔ kasɛ banɔ nɛ gɛ ɔkɔ mɛ denɔ kanɔ nɛ mɛ. Be dzi wɔayɛalɛ, wɔ yɛkɔa lɛ ɔkɔ mɛ klɛ ba ta wɔ kibui na tɔ.

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Yohanɛsɛ 3:35

Aka adɛmɛnɔ nɛ Eyi klɛ ayɛkɔ kɛdɔnyɛdɔ akpɛ yɛ ahwɛ.

1 Yohanɛsɛ 2:25

Klɛ kɛnɛ nɛ aɖɔlu kɔ lɔ—ɛkpã mabekemabeke kuratsyɛ.

1 Petro 3:22

gɛ avɛ owũsise klɛ ada za Kpaya yɛ ŋamɛ—nɛ baxwɛdɛ, kabhaŋɛŋa anɛ kɛmi anɛ ishuzhizhinɔ kesi kɔ yɛ.

Hebriuanɛ 1:2

pɔ nɛ ewui gugɔɛa nɛ mɛ aɖɔaɖɔ aganɔ yɛ Yi nɛabha kɔ lɔ, gɛ yɛ eklu akɔ kɛdɔnyɛdɔ, nɛ yɛabha aga gɛ abhɛtɛ kanɔ.

Mateo 11:27

“Ebui nɛ petee mɛ Aka nɛ atɛ yɛkɔ akpɛ mɛ ahwɛ. Anɔnyanɔ etinyi Eyi gɛ odinu sɛ Aka, klɛ anɔ nyanɔ etinyi Aka gɛ odinu sɛ Eyi nɛ banɔ nɛ gɛ Eyi nɛ apɛa sɛ tɛ ebu yɛ akasɛ.

Yuɖa 1:21

Nɔ nyɛna wɔnɔ shu ɔkpɛ Kpaya anɔ ɖuɖɔm nɛ kibe lɛ mɛ gɛ no dzi ozo po ApaleteYesu Kristo eshutukubui didi sɛ tɛ amɛna nɔ kɔ ɛkpã gɛ tɛ ba beke di.

1 Yohanɛsɛ 1:2

Ɛkpã ba koeyi, bumɔɛ lɛ klɛ buɖɔaɖɔ nɛ lɛ shu, klɛ bu bu ɛkpãmabeke ebui tsre nɔ, gɛ lɛza Aka nɔ bha klɛ lɛ ba koeyi kɔ lɔ.

1 Timotio 1:16

Pɔ kibui lɛ nɛ shu so pɛ be di mɛ eshutukubui sɛ tɛ nɛ mɛ mɛɛ, ansɛ eziziadɛ nɛ be zizi nɛ shi, tɛ Kristo Yesu ebe bu yɛ tɛdudɔfɔɔ̃ nɛ gɛ obekekɔ ma kɔɛ lɛ nɛ akasɛ ansɛ kibui gɛ bagɛ ba ba yɛkɛ yɛa bha aŋa nɛ be di abhɛtɛ pɛ la ba mɔ ɛkpã mabeke mabeke.

Filipianɛ 2:10

sɛ nɛ Yesu kinyi kukulu ekuisi kanyaka aba kpla kɔɛ, nɛ owũsise, anɛ kesukpɛabha anɛ̀ kesukpaɛsi,

Efesoanɛ 1:20

gɛ ayɛkɔ kpɛ Kristo mɛ nɛ kibelɛlɛ gɛ anyɛmɛ yɛ edenɔ betsitsi nɛ shi klɛ akɔ yɛ edzu kesi nɛ yɛ kɛŋa kapɛ nɛ mɛ nɛ owũsise kanɔ mɛ

1 Kɔrintioanɛ 15:25

Alasɛ tɛ aza ŋaɛabha ɔdɔtɔnɔ kibenɔ nɛ gɛ ayɛkɔ ba gɛ be gu yɛ petee akpɛ yɛ butsrɛ esi.

Romanɛ 6:23

Alasɛ buzizi kɛbhɛ kɛlɛ nu butsi, pɔ Kpaya kɛdɔkukɔ kɛlɛ nu ɛkpã gɛ tɛ ba beke nɛ bulɔ Apalete Yesu Kristom.

Yohanɛsɛ 6:27

Nɔ tɔwa kɛxwɛ kɔ kɛŋɛŋa gɛ kɛ bazi, pɔ nɔ pɛɛ kɛdɔ ŋɛŋa gɛ kɛbakɔ ɛkpã mabeke gɛ Anɔdzyrame Yi aba kɔ nɔ. Nɛ yɛabha Aka Kpayɛa atrɔ ahwɛ.”

Mateo 25:46

“Ɔkɛlɛ la ba shɛ avɛ ede tsoku batɔtɛtɛta mabeke mabeke mɛ, pɔ banɔnɛna na ba vɛ ɛkpã mabeke mabekemɛ.”