Yohanɛsɛ 15:5 - ONUGBÙ NYƐNYÃ VUVƆ

⁵ “Mɛ nu vãyɛ̃, wɔnɔ nu ɛshɛ̃. Onugɛ anɔ teli alɛ mɛ́ mɛ klɛ ɛlɛ yɛ mɛ, ebe yu eyuyu gelee, nɛ mɛede nɔ tɛ bɔ na kɛdɛnyɛdɔ bhɛtɛ.

Yohanɛsɛ 15:5 Referans Kwoze

Filipianɛ 4:13

Ɛbana kɛdɔnyɛdɔ bhɛtɛ ganɔ yɛ abha agɛ akɔmɛ bugɛganɛ.

Koloseanɛ 1:10

Klɛ bu klukpaya sɛ tɛ nɔ za nɛ ɛkpã nɛ Apalete tɛpɛpɛɛ klɛ tɛ kiku yɛ awɔ̃ nɛ́ kidzonyɛdzo abha, tɛ kɛmɛna tɛyuyu anɛ kɛxwɛwɛwa dzyɔgo, tɛ bu zɛ she nɛ́ Kpaya kibui titi mɛ,

Yohanɛsɛ 15:16

Anɛ́ wunɔ klu mɛ, pɔ mɛ klu nɔ klɛ ebu nɔ sɛ nɔ vɛ klɛ tɛ nɔ yu eyuyu—eyuyu gɛ la ba za vɛnɔ. Kɛlɛ Aka aba kɔ nɔ kɛdɔnyɛdɔ gɛ nɔ bisi nɛ mɛ nyi mɛ.

Galatianɛ 5:22

Pɔ Ɔfufɔɛ nɛ eyuyu ɔlɛ nu tɛdɛdɛmɛ nɛ anɔ, same, ishuyuyɔ, tɛdɛdɔfɔ̃, ɛyɛmɛyɛyɔ, kɛdzyɔgo bhɛbhɛtɛ tɛyɛyɛkɛŋa,

2 Kɔrintioanɛ 13:8

Alasɛ bu tɛbabhɛtɛ kɛdɔnyɛdɔ gɛ kɛba lɔɛtiti nɛ kibui gbɛagba shu, pɔ kibui gbɛagba ko.

Yohanɛsɛ 5:19

Yesu akɔ alɛ kesinunuɛ nɛ sɛ “Itsrenɔ kɛgbɛagba sɛ, Eyianyɛ atɛ babhɛtɛ kɛdɛnyɛdɔ nɛ yɛnahwɛshu ahwɛ, abana abhɛtɛ kɛ gɛ ko amɔ yɛ Aka abhɛtɛ, alasɛ kɛkanyaka gɛ Aka nɛ abhɛtɛ klɛ Eyianyɛ nɛ tsyɛ abhɛtɛ.

Yakobo 1:17

Kɛdzyɔgo kanyaka anɛ kɛdɔkukɔ dzyɔgo ki de kabha, ba denɔ owũsise efu Aka nɛ ɔkɔ, gɛ yɛ ete tsyina ansɛ buyi gɛ fla.

2 Petro 3:18

Pɔ nɔ she nɛ kɛdɔkukɔ nɛ̀ kibuititi mɛ nɛ bulɔ Apalete anɛ̀ Ayɛyɛkɛkɔ Yesu Kristo. Kɔ yɛ kɛlɛ nu tɛbhubhui denɔ ɔtsɔnɛ nɛ̀ mabeke! Tɛlɛbɛlɛm.

Yohanɛsɛ 12:24

Ɛtsre nɔ gbɛagba, ɔdɛsɛ kɛmɔɛyi wɔlɛ dɔ kesukpa klɛ kɛ tsi kɛ nu kiyi tirikpo ko. Pɔ onugɛ kɛ tsi kɛ ba yi klɛ kɛ ba yu gelee.

Romanɛ 7:4

So, madzyalɛ mɔ, wɔnɔ tsyɛ no tsi kɔ ɔshã ganɔ Kristo ishuidzya mɛ, sɛ tɛ no bo dzi anɔbhlatɔa yɛ, gɛ yɛ la nyɛmɛ ebu nɛ bekpum, sɛ tɛ bu ba yu eyuyu kɔ Kpaya.

Filipianɛ 1:11

gɛ ki yuku nɛ tɛzɛza dzyɔgo eyuyu gɛ aba ganɔ Yesu Kristo abha— kɔ ishubhubhui anɛ Kpaya kabhakpɛkpɛ.

Yohanɛsɛ 9:33

Onugɛ anyɛanɛ edide Kpaya kɔ, atɛ ba na kɛdɔnyɛdɔ bhɛtɛ.”

Filipianɛ 4:17

Ganɛ sɛ ɛpɛɛ kɛdɔkukɔ, pɔ idi kɛdɔnɔ nɛ gɛ ba ba yɛkɔ ata kɔ wɔ.

Romanɛ 6:22

Pɔ ɔtsɔ̃ nɛ gɛ be ti bule nɔ edenɔ buzizi mɛ, klɛ no dzi banɔdzidzi kɔ Kpaya, kɛ gɛ nɔ bɔ mɔ denɔ kɛlɛ mɛ nɛ ba kpɛ nɔ nɛ ishubhubhui mɛ, klɛ kɛ gɛ ba de koeyi nɛ kɛlɛ mɛ nɛ nu ɛkpã mabeke mabeke.

Axwɛwɛwa 4:12

Ba tɛ ba mɔ okoeyikɔ nɛ anɔnyanɔm, alasɛ kinyinyɛnyi va ma owũsise nɛesi gɛ ba yɛkɔ kɔ banɔdzyrame gɛ kɛlɛ shu la ba ga pɛ be be bua lɛ.”

1 Kɔrintioanɛ 12:12

Ishuidzya lɛ nu kɛdɔ tirikpo, kɛlɛlɛmɛsɛ bu nu bupɛpɛpɛ gelee klɛ kɛlɛlɛmɛsɛ bulɛ bupɛpɛpɛ bu kpe, bu bhɛtɛ ishuidzya tirikpo. So kana tsyɛ kɛ lɛ nɛ Kristo.

1 Petro 2:4

Gɛ ɔba yɛ ɔkɔ, ɛkpã kɛklãgbu—banɔ ba shɛnahwɛ lɛ shu pɔ kɛlɛ Kpaya ebu klɛ kɛ ŋaedzi kɔ yɛ—

1 Kɔrintioanɛ 12:27

Ɔtsɔ̃ no nu ishuidzya kɔ Kristo, klɛ anɔnyanɔ enu yɛ kapɛ.

Efesoanɛ 5:9

(alasɛ eyuyu yɛ kifu kɛnu kɛdzyɔgo bhɛbhɛtɛ, ɛkpãdzyɔgo zɛza anɛ̀ kɛgbɛagba)

2 Kɔrintioanɛ 9:10

Ɔtsɔ̃nɛ agɛ akɔ kɛdɔɖɛɖa ayadɛ klɛ gbɛ̃gbɛvu kɔ kɛŋɛŋa aba kɔɛdɔ tsyɛ klɛ wɔɛ dɔɖɛɖa ba kpetrɔ klɛ kɛdɔbɛbala nɛ kɛdɔtsutsu kɔ kɛdzyɔgo bhɛbhɛtɛ ba kpe.

Koloseanɛ 1:6

gɛ kɛ ba kɔ nɔ. Nɛ kanɔ petee mɛ kibui dzyɔgoɛ nɛ kiyu eyuyu klɛ kishe, anasɛ gɛ kɛbhɛtɛ nɛ wɔnɔɛ shi, dɛnɔ kiwui nɛ gɛ no nui lɛ klɛ nɛ nu Kpaya eshutukubui didi nɛ kɛlɛ gbam petee.

Romanɛ 12:5

so nɛ Kristo mɛ bulɔ gɛ bu kpe nɛ ishuidzya tirikpo mɛ, klɛ kapɛ kanyaka lɛ kɔ bugɔgɔɛ nɛ petee.

1 Kɔrintioanɛ 10:16

Ganɛ ahwɛhuhu kãntse gɛ bu yɛkɔ hu ahwɛ kibenɔ gɛ bu wɔɛ̃ Kristo dzyosu? Klɛ ganɛ gbɛ̃gbɛvu nɛ gɛ bu ya gɛ bu tã Kristo ishuidzya?

Mateo 13:21

Pɔ gɛ kibui nɛ dɛ kpɛ igu nɛ yɛ mɛ so adɛ nyɛna kibui nɛm dzroɖoɖo. So onu gɛ bunuhu ɔdɔgɔsɛ tɛkpɛkpatɔnɔ tili nya ba nɛ kibui nɛ shu ko awɔlɛ ekoeyi.