Yohanɛsɛ 15:14 - ONUGBÙ NYƐNYÃ VUVƆ

¹⁴ Nɔ nu mɛ ɛbhɛya onugɛ nɔ bhɛtɛ trɔ ɛshã gɛ ɛkɔ nɔ nɛabha.

Yohanɛsɛ 15:14 Referans Kwoze

Mateo 12:50

Alasɛ ananyanɔ gɛ abhɛtɛ Maka nɛ owũsise nɛ tɛpɛpɛɛ yɛ enu badzya, mada anɛ meni.”

1 Yohanɛsɛ 5:3

Kɛnɛ kɛlɛ nu tɛdɛdɛmɛnɔ nɛ̀ Kpaya, tɛ ɔbhɛtɛ ɔtrɔ yɛ ɛshã nɛabha. Klɛ yɛ ɛshã nɛ dɛ nu kɛdɔ gɛganɛ,

Yakobo 2:23

Klɛ kpayaeplukpa nɛ ka na gɛ kaɖɔ sɛ, “Abraham ayɛkɛ Kpaya bhaŋa, klɛ ba buya kɛlɛ bhɛ akɔ yɛ ansɛ anɔnɛna,” klɛ be kulu yɛ asɛ Kpaya yɛɔbhɛa.

Yohanɛsɛ 14:21

Anɔ nɛ gɛ ayɛkɛ mɛ ɛshã klɛ abhɛtɛ atrɔ ɛlɛabha, yɛ nu anɔ nɛ gɛ adɛmɛnɔ nɛ mɛ. Anɔ nɛ gɛ adɛmɛnɔ nɛ mɛ mɛ Aka aba dɛmɛnɔ nɛ yɛ, klɛ mɛ tsyɛ ɛba dɛmɛnɔ nɛ yɛ klɛ ɛba yɛkɔ mɛ shu kasɛ yɛ.”

Yohanɛsɛ 14:15

“Onugɛ nɔ dɛmɛnɔ nɛ mɛ, nɔ bɔ bhɛtɛ ɔtrɔ mɛ ɛshã nɛabha.

Luka 12:4

“Itsre nɔ, mɛ ɔbhɛalɛ, no ti sifu nɛ banɔ nɛ gɛ ebe yi ishuidzya nɛfu klɛ nɛ kɛlɛede ba tɛbana kɛdɔnyɛdɔ bhɛtɛ.

Yohanɛsɛ 13:17

Ɔtsyɔnɛ gɛ nɔ nyi ebuia nɛ, nɔ bɔ yɛkɛ tɛyuyula onugɛ nɔ bhɛtɛ alɛ.

Yohanɛsɛ 2:5

Yɛ eni etsre baxwɛdɛ nɛ asɛ, “Nɔ bhɛtɛ ɔtrɔ kibui nɔ nɛ gɛ ebe tsre nɔ nɛabhaa.”

Yohanɛsɛ 14:28

“Nɔ nu gɛ ɛɖɔ sɛ, ‘Ikoeyi ɛshɛ̃ klɛ itsodzi ɛba wunɔ bha.’ Onugɛ nɔ dɛmɛnɔ nɛ mɛ, samɛ ebe ku nɔ sɛ ɛvɛ Aka nɛ ɔbha, alasɛ Aka nɛ eze nu agbɛgbladɛ mɛ.