Yohanɛsɛ 15:11 - ONUGBÙ NYƐNYÃ VUVƆ

¹¹ Ɛtɛ̀ tsre nɔ anɛ sɛ tɛ mɛ same aza wunɔ mɛ, klɛ tɛ wunɔ same aba na.

Yohanɛsɛ 15:11 Referans Kwoze

Romanɛ 15:13

Kɔ kidzoenu didi Kpaya nɛ eyuku nɔm nɛ same anɛ ishuyuyɔ ansɛ gɛ nɔ yɛkɛ yɛa bha ɔŋa, sɛ tɛ no bo yuku ɔgbɛgba nɛ kidzoenu didi ganɔ Ɔfufɔɛ Dzyɔgo anɛ kemi mɛ.

Yohanɛsɛ 17:13

“Ɛba wɔ kɔ ɔtsɔ̃, pɔ ɛɖɔ ebuia nɛ kɛbelɛlɛ gɛ ɛka lɛ kanɔ nɛ mɛ, sɛ tɛ ba bamɔ same nɛna gɛ ɛmɔ nɛ balɛ mɛ.

Yohanɛsɛ 16:24

Ɔdɔtɔnɔ ɔtsɔnɛ nɔ kɔ bisi kɛdɔnyɛdɔ nɛ mɛ nyi mɛ. Nɔ bisi klɛ nɔ bɔ yɛkɛ, klɛ wunɔ same aba na.

1 Yohanɛsɛ 1:4

Bu ŋlɔmɛ kibui nɛ sɛ tɛ bulɔ same nɛ́ ana.

1 Petro 1:8

Nɛlɛmɛ sɛ nɔ kɔ mɔɛ yɛ odi, nɔ dɛmɛ yɛ bui, klɛ ɛlɛmɛ tsyɛ nɔ tɔ mɔ yɛ ɔtsɔnɛ, nɔ yɛkɛ yɛabhaŋa klɛ nɔ yuku nɛ maɖɔmaɖɔ nɛ kabhakpɛkpɛ same,

2 Yohanɛsɛ 1:12

Ebui gelee alɛ gɛ ɛba ŋlɔmɛ kɔ nɔ, pɔ ɛdɛ pɛɛ sɛ tɛ ɛwa keplukpa tɛŋuŋlɔmɛ buni shuɛxwɛ. Kɛlɛ mazɛlɛ mɛ, ɛpɛɛ sɛ tɛ ɛba nɔ kɔ tɛ ɛɖɔaɖɔ nɛ nɔ amɛ nɛ amɛ, sɛ tɛ bulɔ same nɛ ana.

Yohanɛsɛ 16:33

“Itsre nɔ ebuianɛ, sɛ tɛ nɔ yɛkɛ ishuyuyɔ. Nɛ kanɔa nɛ mɛ nɔ bɔ mɔ butɔ. Pɔ nɔ vu idzyi kpɛ te! Ɛŋa kanɔ nɛabha.”

2 Kɔrintioanɛ 1:24

Ganɛ sɛ bu trɔ wunɔ tɛyɛyɛkɛŋa abha, pɔ bu wɛxwɛ nɛ nɔ kɔ wunɔ same, alasɛ tɛyɛyɛkɛŋa mɛ nɔ lɛ gɛganɛ.

1 Tɛsolonianɛ 5:16

Nɔ mɔ same kibenyɛbe;

Luka 15:32

Pɔ kɛ lɛ kɔ lɔ sɛ tɛ bumɔ same te buŋa kɛdɔ alasɛ wɔ adzya ne etsi pɔ akalɛ nɛ ɛkpã alɛla klɛ bumunɔ yɛ.’ ”

Luka 15:9

Klɛ onugɛ amɔ yɛ, ebe klu yɛ ɛbhɛyalɛ nɛ yɛ beshopo exogo klɛ aba ɖɔ sɛ, ‘Nɔ mɔ same nɛ mɛ, ɛmɔ mɛ kɔba nɛ ge alɛla.’

Filipianɛ 1:25

Nɛ kɛlɛabha yɛyɛkɛŋa mɛ, inyi sɛ ɛba wɔ wɔnɔ bha, klɛ ɛba vɛ kɛ lɛabha nɛ wɔnɔ petee kɔ wɔnɔ otugbavɛvɛ anɛ̀ same anɛ́ tɛyɛyɛkɛŋa nɛ mɛ,

Efesoanɛ 5:18

Nɔ tɔ wɔɛ̃ bulu tɛ nɔ buku, gɛ bu gbanɔ anɔ vɛnɔ ebuizizi bhɛbhɛtɛ mɛ. Kɛlɛɔzakɔ, kɔ Ɔfufɔɛ oyuku wɔ shu mɛ.

Yohanɛsɛ 3:29

Anyɛedzini enu adzɛnyine nɛ́ ayɛ. Ɔbhɛya nɛ gɛ alɛ adzɛnyine nɛ shu epo klɛ atatɔ nɛ yɛ klɛ eyuku nɛ same kɛbelɛlɛ gɛ enu adzɛnyinɛ nɛ kaɖɔɖuɖɔ. Same alɛlɛ enu mayɛ, klɛ ɔtsɔ̃nɛ kɛna.

Luka 15:5

Klɛ onugɛ amɔ ɔlɛ, ebe feke ɔlɛ atrɔ buŋudɔ nɛ same

Luka 15:23

Dɔ vu nɛnytsyɔɛeyi gɛ elubɔ mɔmɔ tɛ ɔyi. Kɔ lɔ ŋaɛwui klɛ tɛ bumɔ same.