Yohanɛsɛ 14:9 - ONUGBÙ NYƐNYÃ VUVƆ

⁹ Yesu ebuilɛnu asɛ, “Oti nyi mɛ, Filipo, kibe dzidze nɛ gɛ ɛlɛ wunɔ ɔbhɛa tsye? Anɔnyanɔ gɛ amɔ mɛ amɔ Aka. Kide so gɛ ɔbɔ ɖɔ sɛ, ‘Kasɛ lɔ Aka’?

Yohanɛsɛ 14:9 Referans Kwoze

Koloseanɛ 1:15

Kristo yɛ tɛzɛzamɛ nu Kpaya gɛ ba ta mɔ, eyi tɛtɔpu kɔ kɛdɔ bhɛbhɛtɛ kanyaka.

Yohanɛsɛ 12:45

Kibelɛlɛ nɛ gɛ edi mɛ, amɔ agɛ akpɛ mɛ.

Yohanɛsɛ 14:7

Onugɛ nɔ nyi mɛ kɛgbɛagba, nɔ bɔ ti mɛ Aka nɛ tsyɛ. Denɔ ɔtsɔnɛ ɔvɛnɔ, nɔ nyi yɛ klɛ nɔ mɔ yɛ.”

Hebriuanɛ 1:3

Eyi yɛ nu kɛfutɛtã kɔ Kpaya otugbavɛvɛ klɛ ayɛkɔ Kpaya tɛzɛzɛmɛ, abhɛtɛ kɛdɔnyɛdɔ nɛ yɛ bupu kibui ɖuɖɔɛ mɛ. Gɛ akɔ ebuizizi tipuplu beke, ada za Ɔgbɛgblakɔ kɛŋamɛ nɛ owũsise.

Yohanɛsɛ 10:30

Mɛ nɛ Aka bunu anɔ terikpo.”

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Filipianɛ 2:6

Ane, gɛ yɛ tɛzɛza mɛ nu Kpaya, adɛ di ishu yɛyɛkɔ sɔnɔ Kpaya ki nu kɛdɔ gɛ be be vu,

Yohanɛsɛ 14:20

Nɛ kiwui lɛlɛ nɛabha nɔ bɔ nu lɛesi sɛ ɛlɛ mɛ Aka mɛ, klɛ nɔ lɛ mɛ́ mɛ klɛ ɛlɛ nɔ mɛ.

Marko 9:19

Yesu ebui lɛ nu asɛ, “O ɔtsɔ̃ nɛ banɔ nɛ gɛ tɛyɛyɛkɛŋa ma balɛ mɛ,” “ɔdɔ na nɛ kibe ɖueɖu mɛ ɛba za wɔnɔ bha? Klɛɛ za mɛ ba za wɔnɔ ɔbha da tɔnɔ? Gbanɔ anyɛnuvɔɛ nɛ ɔmɛna mɛ.”

Luka 12:56

Itroelete! Nɔ nyi kana gɛ nɔ bɔ bu kesukpa anɛ̀ owũsise mɛ tɛzɛzae si. Kide so gɛ nɔ tɛ nyi kana gɛ nɔ bɔ bu ɔtsɔnɛ ebui nɛesi?

1 Kɔrintioanɛ 15:12

Pɔ onugɛ baɖɔ sɛ ba nyɛmɛ Kristo denɔ bekpui mɛ, kɛlalɛ kideso gɛ wunɔ be teli nɔ ɖɔ sɛ be tsitsi nyɛnyɛmɛ denɔ bekpuimɛ ma?

Yohanɛsɛ 8:19

Klɛ Farisianɛ ne bisi yɛ asɛ, “Fakɔ wɔ aka alɛ?” Yesu ebuilɛnu asɛ, “No ti nyi mɛ gɛ ma Aka no bo ti.” “Onugɛ no nyi mɛ, nɔ bɔ ti ma Aka tsyɛ.”

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.