Yohanɛsɛ 14:20 - ONUGBÙ NYƐNYÃ VUVƆ

²⁰ Nɛ kiwui lɛlɛ nɛabha nɔ bɔ nu lɛesi sɛ ɛlɛ mɛ Aka mɛ, klɛ nɔ lɛ mɛ́ mɛ klɛ ɛlɛ nɔ mɛ.

Yohanɛsɛ 14:20 Referans Kwoze

Yohanɛsɛ 17:26

Ɛbhɛtɛ wɔ tɛ oti alɛ, klɛ tɛ kɛ vɛabha tɛ ba bhɛtɛ wɔ nɛ kɛlɛmɛ sɛ tɛdɛdɛmɛnɔ gɛ kɛlɛ wɔ ahwɛ kɔ mɛ tɛ kɛ ba za ba lɛ mɛ klɛ tɛ mɛ nahwɛ ɛba za bɛ lɛ mɛ.”

Galatianɛ 2:20

Bulɔ anɛ́ Kristo la kplasɔ klɛ ɛva ma nɛ kpã, pɔ Kristo alɛ nɛ ɛkpã nɛ mɛ mɛ. Ɛkpã nɛ gɛ ɛlɛ nɛ ishuidzya mɛ, ɛlɛ nɛ ɛkpã nɛ Kpaya yɛ Eyi tɛyɛyɛkɛŋa abha gɛ adɛmɛ mɛ klɛ ayɛkɔ yɛnahwɛ akɔ nɛ mɛ tɔkpu.

1 Yohanɛsɛ 4:12

Anɔnyanɔ aka mɔ Kpaya edi, pɔ onugɛ budɛmɛnɔ ɔhaglɔ, Kpaya alɛ bulɔɛ mɛ klɛ yɛ tɛdɛdɛmɛnɔ nɛ na nɛ́ bulɔɛ mɛ.

Yohanɛsɛ 14:10

Nɔ dɛ yɛkɛŋa sɛ ɛlɛ Aka nɛ mɛ klɛ Aka nɛ alɛ mɛ mɛ? Ebui nɛ gɛ ɛɖɔ tsre nɔ le di de mɛnahwɛ ɔkɔ. Pɔ nɛ Aka nɛ, gɛ alɛ mɛ mɛ yɛ abhɛtɛ yɛ xwɛ.

Romanɛ 8:1

Kɛlɛso, ɔtsɔ̃ kɛpɔbubu va ma kɔ bagɛ ba kpasɛ Yesu Kristo mɛ,

Yohanɛsɛ 10:38

Pɔ onugɛ ɛbhɛtɛ lɛ, tsyɛ kɛlɛmɛ nɔ dɛ yɛkɛ mɛabhaŋa, nɔ yɛkɛ ebuiyinɔanɔ nɛabhaŋa, sɛ tɛ nɔ bɔ ti tɛ nɔ nu kilɛesi sɛ Aka na lɛ mɛ mɛ klɛ mɛ lɛ Aka nɛ mɛ.”

2 Kɔrintioanɛ 13:5

Nɔ vɛ wunɔnahwɛ shui mɛ odi sɛ kɛlɛlɛ mɛ sɛ nɔ lɛ tɛyɛyɛkɛŋa mɛ, wunɔnahwɛ nɔ di lɛ mɛ. Nɔ dɛ mɔ lɛ sɛ Kristo Yesu alɛ wunɔɛ mɛ—kɛlɛmaza, kɛlɛlɛmɛ, nɔ dɛna tɛbibisi nɛesi bu?

Koloseanɛ 1:27

Kɔ ba gɛ Kpaya eklu tɛ akɔ balɛmɛ Bagɛdinu Yuɖanɛ tii kabhaŋɛŋa ehueyi yɛ ebuikpukpu gɛ kɛ nu Kristo nɛ wɔnɔɛ mɛ, kidzoenu didi kabhaŋɛŋa.

Yohanɛsɛ 16:26

Nɛ kiwui lɛlɛ nɛ mɛ no bo bisi nɛ mɛ nyi mɛ. Ɛtɛ ɖɔ sɛ ɛba bisi Aka nɛ wunɔɛ tɔkpu.

Koloseanɛ 2:9

Alasɛ nɛ Kristo mɛ tɛnɛna petee nɛ́ Kpaya shuidzya tɛzɛza mɛ,

Koloseanɛ 1:19

Alasɛ kɛ ku Kpaya awɔ̃ sɛ tɛ ayɛkɔ yɛ shu petee aba za yɛ mɛ,

Yohanɛsɛ 6:56

Anɔ nɛ gɛ atã mɛ ishuidzya klɛ awɔɛ̃ mɛ dzyosu awɔ mɛ mɛ klɛ mɛ ɛlɛ yɛ mɛ.

2 Kɔrintioanɛ 5:17

Kɛlɛso, onugɛ anɔ teli alɛ Kristo mɛ, enu kɛdɔ bhɛbhɛtɛ vuvɔ, kɛkuku ba fla, kɛ vuvɔ nɛ ba!

Yohanɛsɛ 17:11

Ɛtɛ ba wɔ kanɔ nɛ mɛ ɔvɛnɔ, pɔ ba ka lɛ kanɔ nɛ mɛ klɛ ɛba wɔ kɔ. Ishubhubhui Aka, kpɛ buka kpɛ alɛ nɛ wɔ kemi nɛ nyi mɛ—kinyi gɛ ɔkɔ mɛ—sɛ tɛ ba baza terikpo anasɛ gɛ bu lɛ terikpo.

Yohanɛsɛ 16:23

Nɛ kiwui lɛlɛ nɛabha nɔ tɛɔ bisi mɛ kɛdɔnyɛdɔ. Itsre nɔ kɛbui gbɛagba, ma Aka aba kɔnɔ kɛdɔnyɛdɔ gɛ nɔ bisi nɛ mɛ nyi mɛ.

Efesoanɛ 2:10

Alasɛ bu nu Kpaya axwɛwɛwaɛdɔ, nɛ Kristo Yesu mɛ abhɛtɛ lɔ sɛ bu waɛxwɛ dzyɔgo gɛ Kpaya eti putɔ abhɛtɛ kɔ lɔ sɛ tɛ bu bhɛtɛ.

1 Kɔrintioanɛ 1:30

Alasɛ yɛ so gɛ nɔ lɛ Kristo Yesu mɛ, gɛ ebedzi kibuinyinyi gɛ de Kpaya ɔkɔ kɔlɔ—kɛlɛ nu, bulɔ tɛnɛna, ishubhubhui anɛ tɛbhubhuiyɛkɛ.

Yohanɛsɛ 17:7

Ɔtsɔlɛ be nyi asɛ kɛdɔnyɛdɔ gɛ ɔkɔ mɛ kide wɔ kɔ.

2 Kɔrintioanɛ 12:2

Inyi anɔ teli gɛ alɛ Kristo mɛ gɛ nɛ agɔ lɔfɔntalɛ̃ gɛ aba fla mɛ ede tsoku owũsise ɔtramɛ nɛ mɛ. Tɛ aza ishuidzya mɛ ɔdɔgɔsɛ ekoeyi ishuidzya mɛ o iti nyi--Kpaya yɛ enyi.

2 Kɔrintioanɛ 5:19

sɛ Kpaya abhɛtɛ terikpo nɛ kanɔ kɔ yɛnahwɛ shu nɛ Kristo mɛ, ganɛ sɛ akla banɔ nɛ ebuizizi nɛ balɛ shu. Klɛ ayɛkɔ terikpobhɛbhɛtɛ ɔklasɔ nɛ akpɛ bulɔahwɛ.

Romanɛ 16:7

Ɛsɛnɔ Andronikusɛ anɛ Yuniasɛ, meshopoalɛ nɛ gɛ baza buvu aplɛnɔ mɛ. Balɛ ba vɛ otugba nɛ banɔkpɛkpɛ nɛɛ shi, klɛ ba za Kristo mɛ flogo pɛ ɛba tsoku.

Yohanɛsɛ 14:11

Nɔ yɛkɛ̀ mɛabhaŋa onugɛ ɛɖɔ sɛ ɛlɛ Aka nɛ mɛ klɛ Aka na lɛ mɛ mɛ, pɛnɔ nɛ lɛ bɔɛyi nɔ yɛkɛ ebuiyinɔanɔ nahwɛ gɛ ɛbhɛtɛ nɛabhaŋa.