Yohanɛsɛ 14:13 - ONUGBÙ NYƐNYÃ VUVƆ

¹³ Klɛ ɛba bhɛtɛ kɛdɔnyɛdɔ gɛ nɔ bisi nɛ mɛ nyi mɛ, sɛ tɛ Eyi amɛna kabhakpɛkpɛ kɔ Aka.

Yohanɛsɛ 14:13 Referans Kwoze

Yohanɛsɛ 15:7

Onugɛ nɔ wɔ mɛ́ mɛ klɛ mɛ ebui na lɛ wunɔɛ mɛ, bisi kɛdɔnyɛdɔ gɛ nɔ pɛɛ, klɛ ba bakɔ nɔ.

Marko 11:24

Klɛso nɛ itsre wɔnɔ sɛ, kɛdɔnyɛdɔ gɛ wɔ anɔ obo klu Kpaya obisi nɛ, yɛkɛ ɔŋa sɛ ɔtɛ yɛkɛ kɛlɛ, klɛ kɛba dzi wɔɛ yɛ.

Mateo 21:22

Onu gɛ ɔyɛkɛŋa, ɔbɔ yɛkɛ kɛdɔnyɛdɔ gɛ obisi ganɔ kpayakuklu mɛ.”

Mateo 7:7

“Bisi tɛ ba kɔ wɔ, pɛɛ tɛ ɔmɔ, bho opupu tɛ ba danɛ akɔ wɔ.

1 Yohanɛsɛ 5:14

Kɛnɛ kɛlɛ nu idzyi gɛ lɛ bulɔ ahwɛ gɛ butsobunɔ Kpaya, sɛ onugɛ bu bisi yɛ kɛdɔ tili nɛ́ yɛ tɛpɛpɛɛ nu, énu bulɔɛ bui.

Yohanɛsɛ 16:23

Nɛ kiwui lɛlɛ nɛabha nɔ tɛɔ bisi mɛ kɛdɔnyɛdɔ. Itsre nɔ kɛbui gbɛagba, ma Aka aba kɔnɔ kɛdɔnyɛdɔ gɛ nɔ bisi nɛ mɛ nyi mɛ.

1 Yohanɛsɛ 3:22

klɛ bu yɛkɛ kɛdɔnyɛdɔ gɛ bu bisi, alasɛ bu tatɔ yɛ ɛshã klɛ bu bhɛtɛ kɛgɛ apɛɛ.

Yohanɛsɛ 15:16

Anɛ́ wunɔ klu mɛ, pɔ mɛ klu nɔ klɛ ebu nɔ sɛ nɔ vɛ klɛ tɛ nɔ yu eyuyu—eyuyu gɛ la ba za vɛnɔ. Kɛlɛ Aka aba kɔ nɔ kɛdɔnyɛdɔ gɛ nɔ bisi nɛ mɛ nyi mɛ.

Yohanɛsɛ 14:14

Nɔ bɔ nyɛ bisi mɛ kɛdɔnyɛdɔ nɛ mɛ nyimɛ, klɛ ɛba bhɛtɛ lɛ.

Yakobo 5:16

Kɛlɛso nɔ danɛ wɔnɔ buzizi nɛm ɔkɔ aglɔ tɛ no klukpaya nɛ aglɔɛ tɔkpu sɛ tɛ wɔnɔ banya nɛ be beke. Anɔnɛna kpayakuklu nɛ alɛ kemi klɛ awa kɛxwɛ.

Filipianɛ 4:13

Ɛbana kɛdɔnyɛdɔ bhɛtɛ ganɔ yɛ abha agɛ akɔmɛ bugɛganɛ.

Yakobo 1:5

Onu gɛ kibuinyinyi kɛɛ ma wɔnɔmɛayɛ teli ahwɛ, alasɛ tɛ ebisi Kpaya, gɛ yɛakɔɛdɔ fãa kɛpɔ mazɛlɛ shu, klɛ bá ba yɛkɔ kɛlɛ akɔ yɛ.

Efesoanɛ 3:12

Nɛ yɛ mɛ klɛ ɔganɔ tɛyɛyɛkɛŋa nɛ yɛabha bɔ bana Kpaya tsobunɔ nɛ́ ishuahwɛzɛza anɛ kabhaŋɛŋa.

Yohanɛsɛ 16:26

Nɛ kiwui lɛlɛ nɛ mɛ no bo bisi nɛ mɛ nyi mɛ. Ɛtɛ ɖɔ sɛ ɛba bisi Aka nɛ wunɔɛ tɔkpu.

Yohanɛsɛ 10:30

Mɛ nɛ Aka bunu anɔ terikpo.”

Efesoanɛ 2:18

Alasɛ ganɛ yɛabha bulɔ edi tabha bumɔ kidzo vɛ Aka nɔ kɔ nɛ̀ Ɔfufɔɛ torikpo.

Koloseanɛ 3:17

Klɛ kɛgɛ nɔ bhɛtɛ, kɛlɛlɛmɛ sɛ kibui ɖɛɖɔɛ mɛ ɔdɔgɔsɛ kɛbhɛbhɛtɛ mɛ, bhɛtɛ lɛ petee nɛ Apalete Yesu nyi mɛ, nɔ hu Kpaya Aka nɛ ahwɛ ɔganɔ yɛabha.

Yohanɛsɛ 7:37

Nɛ kiwui gugɔɛ gbɛgbladɛ nɛ kiwuiŋɛŋa nɛ mɛ, Yesu aɖɔ nɛ ogugu asɛ, “Onugɛ oniwɛ̃ ɔta anɔ teli, aba mɛ ɔkɔ tɛ aba wɔɛ̃ buni.

Hebriuanɛ 7:25

Kɛlɛso aba za yɛkɛ kɔ bagɛ balɛ petee gɛ ba ba Kpaya kɔ aganɔ yɛabha, alasɛ alɛ kibenyɛbe sɛ tɛ evuboe kɔ alɛ.

Yohanɛsɛ 14:6

Yesu ebuilɛnu sɛ, “Mɛ nu kidzo, kɛgbɛagba anɛ̀ ɛkpã. Anɔnyanɔ atɛ ba ba Aka ne ɔkɔ onugɛ adɛ ga mɛabha.

Yohanɛsɛ 12:44

Ɔkɛlɛ Yesu akpɛ ogugu aɖɔ sɛ, “Kibenɔ nɛ gɛ anɔ ayɛkɛ mɛabhaŋa, adɛ yɛkɛ mɛ tite abhaŋa, pɔ ayɛkɛ anɔ nɛ gɛ akpɛ mɛ abhaŋa.

Luka 11:9

“Kɛlɛso itsre nɔ sɛ: Bisi klɛ ba ba kɔ nɔ, pɛɛ klɛ nɔ bɔ mɔ, bho opupu klɛ ba ba danɛ kɔ nɔ.

1 Petro 2:5

wũnɔ tsyɛ anasɛ ɛkpã aklaŋgbu, ba yɛ kɔ nɔ edzu akpɛ ɔfufɔɛ buvu sɛ tɛ bu dzi kpayazakɔanɔ kɛxwɛwɛwa, ɔfufɔɛmɛ dɔ gɛ bakɔ kɔ bugu gɛ kɛku Kpaya aŋɔ ɔganɔ Yesu Kristo abha.

Yohanɛsɛ 5:19

Yesu akɔ alɛ kesinunuɛ nɛ sɛ “Itsrenɔ kɛgbɛagba sɛ, Eyianyɛ atɛ babhɛtɛ kɛdɛnyɛdɔ nɛ yɛnahwɛshu ahwɛ, abana abhɛtɛ kɛ gɛ ko amɔ yɛ Aka abhɛtɛ, alasɛ kɛkanyaka gɛ Aka nɛ abhɛtɛ klɛ Eyianyɛ nɛ tsyɛ abhɛtɛ.

Hebriuanɛ 13:15

Kɛlɛso, ga Yesu abha, tɛ bu kɔ Kpaya kɛdɔ gɛ nu kɛdɔ pupɔɛ kɔ yɛabhaŋɛŋa—eyuyu ɛnugbu nɛ gɛ lɛ bu yɛ kinyi nɛ akasɛ.

Hebriuanɛ 4:15

Alasɛ kpayazakɔanɔ ɖɛɖama ama bulɔ ahwɛ gɛ aba na eshutukubui di nɛ bulɔ kesizhizhi mɛ, pɔ teli alɛ bulɔ ahwɛ gɛ be tɛfeke yɛ di nɛ kidzonyɛdzoe abha, anasɛ gɛ bu lɛ—pɔ adɛ za nɛ buzizi.

Efesoanɛ 3:14

Kibuinɛ so ɛkpla ekuisiesi nɛ Aka nɛ amɛ,

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Yohanɛsɛ 4:10

Yesu ebuilɛnu kɔ adze nɛ asɛ. “Ɔtɔsɛ onyi Kpaya dɔ kukɔ klɛ agɛ yɛ bisi wɔ buni wuwɔɛ, wɔ ɔtɔ bisi yɛ klɛ ata kɔ wɔ ɛkpa buni.”

Yohanɛsɛ 16:7

Pɔ itsre nɔ kɛgbɛagba sɛ: Kɛ nu wunɔ tɛ pɛpɛ̃ so gɛ ikoeyi shɛ̃. Kɛ lɛ sɛ ɛdɛ shɛ̃, apɛplɛnɔ atɛ ba ba wunɔ ɔkɔ, pɔ onugɛ ɛshɛ̃, ɛba sɛsɛ nɔ yɛ.

Yohanɛsɛ 13:31

Gɛ Yuɖasɛ àshɛ̃, Yesu aɖɔ sɛ, “Ɔtsɔlɛ be bu Anɔdzyrame Eyi nɛ shu bhubhui akasɛ klɛ be bu Kpaya tsyɛ shubhubhui akasɛ nɛ yɛ mɛ.

1 Kɔrintioanɛ 14:13

Alasɛ kibui nɛ so anɔnyanɔ gɛ aɖɔ ɔfufɔɛmɛaɖɔ akpla ekuisitɔkpu sɛ tɛ ebe bu kibui nɛesi gɛ aɖɔ.