Yohanɛsɛ 14:12 - ONUGBÙ NYƐNYÃ VUVƆ

¹² Kɛ bui gbɛagba mɛ tsre nɔ, anɔnyanɔ gɛ tɛyɛyɛkɛŋa lɛ yɛ awɛ nɛ mɛ́ mɛ aba bhɛtɛ kɛdɔnyɛdɔ gɛ ɛbhɛtɛ. Aba bhɛtɛdɛ ebui gbɛgbla dɛ anɛ nɛ tsyɛ, alasɛ ɛvɛ Aka nɛ ɔkɔ.

Yohanɛsɛ 14:12 Referans Kwoze

Mateo 21:21

Yesu ebui lɛ nu asɛ, “Itsre nɔ kɛgba sɛ, onu gɛ tɛyɛyɛkɛŋa lɛ wɔahwɛ, ganɛ kɛ gɛ ba bhɛtɛ osi nɛ ko ɔbɔ na bhɛtɛ, ɔbɔ na butu nɛ otsre sɛ, ‘Vɛ, yɛkɔ wɔ shu ɔdɔ tɛ̃ kpɛ aƒu mɛ,’ klɛ kɛ ba bhɛtɛ.

Marko 16:17

Klɛ ebuimumɔa nɛ aba ga plɛnɔ bagɛ ba yɛkɛ aŋa: Nɛ mɛ nyi mɛ ba ba kɛka ɛfufɔɛkpã ebu; baba ɖɔa ɖɔ nɛ anɛkɛ vuvɔm;

Axwɛwɛwa 16:18

Adzɛnuvɔɛ nɛ aza kibui nɛa bha ewi gelee. Gugɔɛ nɛɛ yɛ tɛbhɛbhɛtɛ ba kpɛ Paolo bunuhu ɔklɛ etsyina tɔ ɔfufɔɛ klɛ etrse ɔlɛ asɛ, “Nɛ Yesu Kristo kinyim nɛɛ ɛtsre wɔ sɛ koeyi ɔbɔ fla nɛ adzɛnɛvuɔɛ nɛm!” Nɛ kibelɛ nɛm ko klɛ ɔfufɔɛ nɛ ɔshɛnahwɛ adzɛnuvɔɛ nɛ shu.

Axwɛwɛwa 9:34

Petro etsre yɛ asɛ, “Eneasɛ, Yesu Kristo ebeke wɔ bunya. Lɔ tɛ ɔyɛkɔ wɔ oputso.” Ɔkɛlɛɔlɛlɛ nɛ ko, Aeneasɛ evua lɔ.

Axwɛwɛwa 19:12

gɛ la kɔ sɛ banɔ amɛavulɔ anɛ etemɛpɔtɛ gɛ hunɔ yɛ nɛ tsyɛ dzi kɛdɔ gɛ hunɔ banyɛnya ko pɛ balɛ banya na shɛ klɛ ɛfufɔɛkpã koeyi nɛ balɛm.

Axwɛwɛwa 9:40

Petro akɛka balɛ petee ebu nɛ buvu nɛm, klɛ ezhiakpla nɛ ekoeyisia bha klɛ eklukpaya. Gɛ etsyina tɔ adzɛ tsitsi nɛɛ, aɖɔa sɛ, “Tabita, vu ɔlɔ.” Adanɛ yɛ awɔ̃hũ, klɛ gɛ amɔ Petro alɔ aza.

Axwɛwɛwa 8:7

Ganɔ igugu kpɛkpɛ mɛ ɛfufɔɛkpã koeyi nɛ banɔ geleem, klɛ bagɛ bagba nɛ akpatanɛ banya ne beke.

Axwɛwɛwa 5:15

Nɛ kɛlɛ mɛ, banɔ betuku balɛ banyɛnya amɛna ebe lu kidzo nɛa bha klɛ ba yɛkɔ elu babati anɛ iputsoa bha sɛ tɛ onu gɛ Petro asa fla tɛ yɛ buyi nɛ tite xũ ga balɛa bha fla.

Axwɛwɛwa 2:41

Banɔ nɛ gɛ ba yɛkɛ kibui ba kpɛ buni akɔa lɛ, klɛ banɔ ansɛ akpãtata balɛ la za yɛkɔ ata tɛkpikpe nɛm kiwi lɛlɛ.

Axwɛwɛwa 4:4

Pɔ banɔ gelee gɛ be nu kibui nɛɛ ba yɛkɛ aŋa, klɛ banɔ nɛ tɛkpikpem ba vɛ otugba dananɔ ansɛ akpã teti.

Yohanɛsɛ 16:7

Pɔ itsre nɔ kɛgbɛagba sɛ: Kɛ nu wunɔ tɛ pɛpɛ̃ so gɛ ikoeyi shɛ̃. Kɛ lɛ sɛ ɛdɛ shɛ̃, apɛplɛnɔ atɛ ba ba wunɔ ɔkɔ, pɔ onugɛ ɛshɛ̃, ɛba sɛsɛ nɔ yɛ.

Axwɛwɛwa 2:33

Be feke yɛ ada kpɛ Kpaya kɛŋahwɛ mɛ, klɛ ayɛkɛ Ɔfufɔɛ Dzyɔgo nɛ edenɔ Yaka ɔkɔ ansɛ gɛ aɖɔelu klɛ atɛ balɛ kɛ gɛ nɔɔ mɔ pɛ noo nu nɛ elu.

Yohanɛsɛ 7:39

Kibui nɛ Ɔfufɔɛ shu bui yɛ aɖɔ, bagɛ balɛ ayɛkɛ yɛ abhaŋa, balɛ tɛ yɛkɛ. Ɔdɔtɔnɔ kɛbelɛlɛ ba ka kɔ yɛ Ɔfufɔɛ, kɛlɛbe ba ka kpɛ Yesu nɛabha.

Yohanɛsɛ 7:33

Yesu etsre alɛ sɛ, “Ɛlɛ wunɔ bha kɔ kibe kplita ko, klɛ ɛba tsodzi vɛ agɛ akpɛ mɛ nɔ ɔkɔ.

Romanɛ 15:19

ganɔ kɛdɔmumɔ anɛ ebuiyiyinɔanɔ kemi nɛa bha, ganɔ Ɔfufɔɛ nɛ kemi mɛ. So denɔ Yerusalɛm kidzo nɛa bha petee ɔvɛnɔ Ilirikumɛ, ɛtɛ bu Kristo kibuidzyɔgo nɛ ɖɔ petee.

Axwɛwɛwa 6:7

So nɛɛ Kpayɛbui nɛ ba nɛ. Badɔkpasɛ nɛ tikpikpe nɛ mɛ ba wu kabha nɛ Yerusalɛm zia zia, klɛ kpayanɔ gelee aba ta tɔ nɛ tɛyɛyɛkɛŋa.

Axwɛwɛwa 4:16

“Be bisi asɛ, kide lɔ ba bhɛtɛ nɛ banyɛa?” “Banɔnyanɔ nɛ Yerusalɛm be nyi asɛ banɔa na tɛ bhɛtɛ kibui yiyinɔanɔ gɛ ga ɔtɔ, klɛ bu tɛ ba na kɛlɛ ɔtro kɔ.

Yohanɛsɛ 14:28

“Nɔ nu gɛ ɛɖɔ sɛ, ‘Ikoeyi ɛshɛ̃ klɛ itsodzi ɛba wunɔ bha.’ Onugɛ nɔ dɛmɛnɔ nɛ mɛ, samɛ ebe ku nɔ sɛ ɛvɛ Aka nɛ ɔbha, alasɛ Aka nɛ eze nu agbɛgbladɛ mɛ.

Axwɛwɛwa 10:46

Alasɛ benua lɛ tsyɛ kɛdɔ gɛ be dzia ɖɔa ɖɔ nɛ anɛkɛ vuvɔm klɛ bakpɛ Kpaya nɛa bha. Klɛ Petroa sɛ,

Axwɛwɛwa 4:33

Nɛ kemi kpɛkpɛ gbla nɛɛ banɔkpɛkpɛ nɛ avɛ Apalete Yesu tɛnyɛnyɛmɛ tɛbubuɖɔa bha, klɛ ɛyamyuyɔ gelee ɔza balɛ peteea bha.

Marko 11:13

Amɔ kabhɔ nɛ kalɛ awulakpa teli asɛsɛ nɛ odzidzekɔ, avɛ asɛ tɛ ede di asɛ eyuyu teli akpasɛ ɔlɛ mɛ dza. Gɛ eku ɔlɛ ɔbha nɛ, awulakpa ko amɔ, alasɛ kibee lɛ nɛ dɛ nu osi nɛ kiyu be.

Yohanɛsɛ 4:37

Kɛlɛ kibuiɖɛɖɔ tili sɛ, ‘Anɔ teli aɖa klɛ abhlatɔ ebu’ kɛ gbɛagba lɛ nu.

Yohanɛsɛ 5:20

Alasɛ Aka adɛmɛnɔ Eyianyɛ, klɛ akasɛ yɛ kɛ gɛ lɛ petee abhɛtɛ. Ee kɔ wunɔ same mumɔɛ mɛ aba kasɛ yɛ ebui gbɛgbla tsyɛ gɛ aba bhɛtɛ adɛ.