Yohanɛsɛ 12:40 - ONUGBÙ NYƐNYÃ VUVƆ

⁴⁰ “Epu ba lɛ awɔ̃hu klɛ eyi ba lɛ dzyi, so tɛ ba tɛ na kɛdɔ mɔnɛ balɛ awɔ̃hu, ɔdɔgɔsɛ be nu kibuiesi nɛ balɛ idzyi, ɔdɔgɔsɛ be tsyina—klɛ ɛba beke balɛ banya.”

Yohanɛsɛ 12:40 Referans Kwoze

Luka 8:10

Aɖɔ asɛ, “Kpaya bukusiɔŋakɔ nɛ ebuikpukpu nɛ tɛtiti ba tɛ yɛkɔ kɔ nɔ, pɔ kɔ ba gugɔɛ ɛɖɔ kaɖɔ ganɔ akpalɛ mɛ, sɛ tɛ, “ ‘kɛlɛlɛmɛ sɛ ba mɔ, tɛ ba tɛ mɔ; kɛlɛlɛmɛ sɛ be nu, tɛ beti nu kɛlɛesi.’

Marko 4:12

sɛ tɛ, “ ‘ba za mɔ pɔ batɛ ba mɔ klɛ mɛ, klɛ le be ze nu pɔ be ti be nu klɛesi, odinu sɛ bee be tsyina klɛ la ba yɛkɔ etsyea lɛ!’ ”

Axwɛwɛwa 3:19

No tsyina kitem, tɛ no tsyina amɛ ɔtɔnɔ Kpaya, sɛ tɛ be xule wɔnɔ buzizi, tɛ kimuenebe ba kɔnɔ denɔ Apalete nɛ ɔkɔ,

Yohanɛsɛ 9:39

Yesu aɖɔ sɛ, “Alasɛ kebhui kuklu so gɛ ɛba kanɔa nɛ mɛ, sɛ tɛ awɔ̃hupupu elete ba mɔɛ dɔ klɛ bagɛ baa mɔ be be dzi awɔ̃hupupu elete.”

Luka 4:18

“Apalete nɛ Ɔfufɔɛ tsri mɛ abha, alasɛ abalɛ bubɔ nɛ mɛ abha tɛ aɖɔ ebui dzyɔgo kɔ betsutsukpɛ̃. Akpɛ mɛ asɛ ɛbaɖɔ ishu ahwɛzɛza bui kɔ bagɛ ba kpɛ buvu nɛ tɛ adanɛ awɔ̃hu kɔ awɔ̃hu pupu elete, tɛ ebu butɔ nɛ banɔ shu,

Romanɛ 9:18

Kɛlɛso eshutukubui didi alɛ Kpaya mɛ nɛ anɔ nɛ gɛ apɛa sɛ tɛ edi eshutukubui, klɛ agɛganɛ anɔ nɛ gɛ apɛa sɛ tɛ agɛganɛ.

Axwɛwɛwa 28:26

“ ‘Tɔnɔ banɔa nɛ ɔvɛ tɛ ɔdɔ ɖɔ sɛ, “No bo zo nu pɔ klɛesi nunu tɛ ba za kɔ nɔ di; nɔ bɔ zɔ mɔ pɔ nɔ tɛ bɔ mɔɛ lɛ odzyesi odi.”

Mateo 15:14

Shɛnahwɛ balɛ shu; be nu awɔ̃hũpuelete gɛ agbanɔ anɔ. Onu gɛ awɔ̃hũpuelete agbanɔ awɔ̃hũpuelete, balɛ petee ba ba tɛ wɔlɛ eku ozi mɛ.”

Axwɛwɛwa 15:3

Busɔlɛɔha nɛ ɔkpɛ alɛ dzo, klɛ gɛ ba ga Foenisia anɛ Samaria aafla, ba ɖɔ kana gɛ bagɛ di nu Yuɖanɛ nɛ be tsyina ku ɔha nɛm. Kibui nɛ bhɛtɛ ɔha mɛanɛ petee la mɔ same mɔmɔ.

Marko 6:52

alasɛ gbɛgbɛvu nɛ kibui nɛ tsyɛ beke nu klɛ kesi, balɛ idzyi mɛ agɛganɛ.

Yohanɛsɛ 12:39

Alasɛ kibui nɛ so ba de yɛkɛŋa, alasɛ, anasɛ gɛ Yezaya aɖɔ nɛ ɔkɔ bhlatɔ sɛ