Yohanɛsɛ 10:4 - ONUGBÙ NYƐNYÃ VUVƆ

⁴ Kibelɛlɛ gɛ agbanɔ yɛ nahwɛ yɛ petee koeyi, eputɔ kɔɛ lɛ klɛ yɛ ibhoshi nɛ lɛ yɛede alasɛ lɛ nyi yɛ olimɛ.

Yohanɛsɛ 10:4 Referans Kwoze

Yohanɛsɛ 10:16

Ibhoshi bhlatɔ lɛ mɛ ahwɛ gɛ lɛ ma ibhoshi buka nɛ mɛ. Ɛba tɛ gbanɛ lɛ tsyɛ mɛna. Ɛlɛ tsyɛ ba nu mɛ olimɛ, klɛ ibhoshiha tirikpo nɛ agbɛgbanɔ Terikpo.

Yohanɛsɛ 12:26

Anɔ nɛ gɛ aba dɛ xɔɛ kɔ mɛ alasɛ tɛ aza mɛede, ɔkɛlɛ gɛ ɛlɛ, mɛ axwɛdɛ nɛ tsyɛ ɔkɛlɛ aba za. Mɛ Aka aba kpɛ agɛ adɛ xwɔɛ kɔ mɛ nɛ nyi nɛabha.

Yohanɛsɛ 18:37

Pilato ebisi asɛ, “Kɛlɛso ekusi wɔ nu?” Yesu ebushunu asɛ, “Kibui gbɛagba wɔɖɔ Ɛnu ekusi. Kɛgbɛagba kɛlɛso gɛ bamɔ mɛ, nɛ kɛlɛso gɛ ɛba kanɔ nɛ mɛ, sɛ tɛ ibu kɛgbɛagba nɛ kasɛ. Anɔnyanɔ gɛ alɛ kibui gbɛagba nɛede ata mɛatɔ.”

1 Petro 2:21

Kɛnɛ nɛ so gɛ be klu nɔ, alasɛ Kristo amɔ butɔ nɛ wũnɔɛ tɔkpu, klɛ abhɛtɛ dɔ akasɛ elu kɔ nɔ sɛ tɛ nɔ za yɛ ɛtsrɛ bubuede.

1 Petro 5:3

tɔ ŋa bukusi nɛ bagɛ lɛ wɔesi, pɔ odzi kɛdɔ gɛ bamɔabhɛtɛ kɔ Ibhoshiha.

1 Kɔrintioanɛ 11:1

Nɔ za mɛ dɔ bhɛbhɛtɛkasɛ nɛede, anasɛ gɛ ɛlɛ Kristo kɛdɔ bhɛbhɛtɛkasɛ nɛede.

Yohanɛsɛ 10:8

Banɔ petee gɛ beputɔ kɔ mɛ benu bezi nɛ bevuyɛ, pɔ ibhoshi nɛ dɛ nu balɛ ilimɛ.

Mateo 16:24

Ɔkɛlɛ Yesu etsre yɛ badɔkpasɛ nɛ asɛ, “Onu gɛ anɔ teli asɛ aba za mɛe de, alasɛ tɛ ashɛ̃nahwɛ yɛshu nɛ shu tɛ ayɛkɔ yɛ butsiosi (atitsoga) tɛ aza mɛe de.

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

Hebriuanɛ 6:20

ɔkɛlɛ Yesu, gɛ eputɔ kɔlɔ avɛ, etsoku ɔkɛlɛ nɛ bulɔɛ nyimɛ. Edé dzi kpayazakɔanɔ ɖɛɖama ɔvɛnɔ mabeke mabeke nɛ anasɛ Maltsyizɛdɛk.

Efesoanɛ 5:1

Nɔ za anasɛ Kpaya, kɛlɛso gɛ adɛmɛ nɔɛ bui anasɛ yɛ yialɛ

Yohanɛsɛ 3:29

Anyɛedzini enu adzɛnyine nɛ́ ayɛ. Ɔbhɛya nɛ gɛ alɛ adzɛnyine nɛ shu epo klɛ atatɔ nɛ yɛ klɛ eyuku nɛ same kɛbelɛlɛ gɛ enu adzɛnyinɛ nɛ kaɖɔɖuɖɔ. Same alɛlɛ enu mayɛ, klɛ ɔtsɔ̃nɛ kɛna.

Yohanɛsɛ 13:15

Ɛbhɛtɛ dɔkasɛ nɛ sɛ tɛ wunɔ tsyɛ nɔ bhɛtɛ anasɛ gɛ ɛbhɛtɛ kɔ nɔ.

1 Petro 4:1

Kɛlɛso, kibelɛlɛ gɛ Kristo amɔ butɔ nɛ yɛ shuidzya mɛ, nɔ bala wũnɔ shu tsyɛ nɛ kidzo lɛlɛ nɛabha, alasɛ anɔ gɛ amɔ butɔ nɛ yɛ shuidzya mɛ aŋa buzizi abha.

Yohanɛsɛ 10:3

Epupo nɛ adanɛ buka nɛ akɔ lɛ, klɛ ibhoshi nɛ nu yɛ olimɛ. Eklu yɛ nahwɛ ibhoshi nɛ kinyi gɛ akɔɛ lɛ klɛ agbanɛ lɛ koeyi.

Yohanɛsɛ 10:5

Pɔ ibhoshi lɛ tɛ ba tɔnɔ efu, kɛgbɛagba, lɛ ba butsrɛ mɛ alɔ yɛ, alasɛ lɛ tɛ nyi efu nɛ olimɛ.”

Yohanɛsɛ 10:27

Mɛ ibhoshi nɛ nu mɛ olimɛ, ɛnyi lɛ klɛ lɛ za mɛede.