Yohanɛsɛ 10:15 - ONUGBÙ NYƐNYÃ VUVƆ

¹⁵ anasɛ gɛ Aka nɛ nyi mɛ klɛ inyi Aka—klɛ ɛyɛkɔ mɛ kpã kɔ ibhoshi.

Yohanɛsɛ 10:15 Referans Kwoze

Yohanɛsɛ 10:11

Mɛ nu ibhoshi agbɛgbanɔ dzyɔgo. Agbɛgbanɔ dzyɔgo ayɛkɔ yɛ kpã akɔ ibhoshi.

Galatianɛ 1:4

agɛ ayɛkɔ yɛnahwɛshu akɔ kɔ bulɔ ebuizizi tɔkpu sɛ tɛ ebu lɔ denɔ ɔtsɔ̃nɛ kanɔ zizia nɛ mɛ, anɛ́ bulɔ Kpaya anɛ̀ Aka nɛ́ tɛpɛpɛɛ nu,

1 Yohanɛsɛ 2:2

Yɛ ayɛkɔ ishu etsye kɔ bulɔ ebuizizi, klɛ ganɛ bulɔ tite pɔ kɔ kanɔ nɛ petee buzizi.

Mateo 11:27

“Ebui nɛ petee mɛ Aka nɛ atɛ yɛkɔ akpɛ mɛ ahwɛ. Anɔnyanɔ etinyi Eyi gɛ odinu sɛ Aka, klɛ anɔ nyanɔ etinyi Aka gɛ odinu sɛ Eyi nɛ banɔ nɛ gɛ Eyi nɛ apɛa sɛ tɛ ebu yɛ akasɛ.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

1 Petro 2:24

Kristo nahwɛ ayɛkɔ bulɔ ebuizizi nɛ akpɛ ishuidzya mɛ nɛ osi nɛ shu, sɛ tɛ bu ba tsi kɔ kizizi klɛ bu za nɛ ɛkpã kɔ kɛdzyɔgo bhɛbhɛtɛ, yɛ apɔ la kɔ sɛ bunya koeyi nɛ bulɔ shuimɛ.

Efesoanɛ 5:2

klɛ nɔ za nɛ kpã nɛ anɔɛbui dɛdɛmɛ mɛ, anasɛ gɛ Kristo adɛmɛ bulɔɛ bui klɛ ayɛkɔ ishu akɔ nɛ bulɔɛ tɔkpu anasɛ kɛdɔ lɛlɔ̃ huhu gɛ ayɛkɔ etsye Kpaya.

Yohanɛsɛ 15:13

Tɛdɛdɛmɛnɔ gbɛgbladɛ nɛ anɔ vama dɛ kɛnɛ, sɛ ayɛkɔ yɛ kpã etsye yɛ ɛbhɛya.

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Yohanɛsɛ 17:25

“Aka Nɛna, kɛlɛlɛmɛ sɛ kanɔ nɛ ti nyi wɔ, mɛ nyi wɔ, klɛ benyi sɛ wɔ kpɛ mɛ.

Yohanɛsɛ 6:46

Anɔnyanɔ aka mɔ Aka, ɔdɛ sɛ anɔ nɛgɛ ede Kpaya ɔkɔ, yɛ ko yɛ atɛ mɔ Aka.

Yohanɛsɛ 1:18

Anɔnyanɔ aka mɔ Kpaya edi, pɔ Kpaya Eyi nɛ̀ Terikpo, gɛ alɛ Aka nɛ wã, ye abhɛtɛ sɛ bu ti yɛ.

Luka 10:21

Nɛ kɛbelɛlɛ mɛ Yesu eyuku nɛ same ganɔ Ɔfufɔɛ Dzyɔgo nɛabha, aɖɔ sɛ, “Ɛkpɛ nɔ nɛabha, owũsise anɛ kesukpa Aka, Apalete, alasɛ wɔ kpu ebuia petee nɛ̀ bagɛ be nu bebuiti anɛ buplukpa lete klɛ obukasɛ bunuvɔɛ bhli. Ee, Aka, alasɛ kɛnɛ kɛlɛ dzi wɔ tɛpɛpɛ dzyɔgo.

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

Galatianɛ 3:13

Kristo ebu lɔ denɔ kibuiɖɛɖɔ kpɛ anɔ nɛ ɔshã nɛ mɛ gɛ lɔ mɛna kibuiɖɛɖɔ kpɛ anɔ kɔ lɔ, alasɛ ba ŋlɔmɛ elu asɛ: “Kibuiɖɛɖɔ kpɛ anɔ kɛ nu anɔnyanɔ gɛ ba kpɛ kihuioli kɔ yɛ nɛ osi shu.”

Yohanɛsɛ 8:55

Kɛlɛlɛmɛ sɛ nɔ tinyi yɛ, mɛ inyi yɛ. Onugɛ ɛɖɔ sɛ ɛtɛ nyi yɛ, ɛba dzi otro lete anasɛ wunɔ. pɔ ɛnyi yɛ klɛ ɛbhɛtɛ trɔ yɛ ebui nɛabha.

Luka 10:22

“Maka ayɛkɔ kɛdɔ nɛ petee akpɛ mɛ ahwɛ. Anɔnyanɔ eti nyi anɔ nɛ gɛ Eyi nɛ enu ɔdɛ̀ sɛ Aka, klɛ anɔnyanɔ eti nyi anɔ nɛ gɛ Aka nɛ enu ɔdɛ̀sɛ Eyi nɛ̀ ba gɛ Eyi eklu sɛ tɛ be bu yɛ akasɛ.”