Yohanɛsɛ 10:14 - ONUGBÙ NYƐNYÃ VUVƆ

¹⁴ “Mɛ nu ibhoshi agbɛgbanɔ dzyɔgo, inyi mɛ ibhoshi klɛ mɛ ibhoshi nɛ nyi mɛ—

Yohanɛsɛ 10:14 Referans Kwoze

Yohanɛsɛ 10:27

Mɛ ibhoshi nɛ nu mɛ olimɛ, ɛnyi lɛ klɛ lɛ za mɛede.

2 Timotio 2:19

Pɔ, Kpaya kesikpɛkpɛ nɛna nɛ keli gɛganɛɛ, gɛ ba da kɛlɛ adɛda nɛ gɛ ba ŋlɔmɛ atrɔ yɛabha sɛ: “Apalete nɛ enyi bagɛ be nu yayɛalɛ,” klɛ, “Anɔnyanɔ gɛ ebu Apalete nɛ nyi aɖɔ, alasɛ tɛ etsodzi nɛ kɛtɔkpu mɛ gɛganɛe de.”

Yohanɛsɛ 10:11

Mɛ nu ibhoshi agbɛgbanɔ dzyɔgo. Agbɛgbanɔ dzyɔgo ayɛkɔ yɛ kpã akɔ ibhoshi.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

Efesoanɛ 1:17

Itsri lɛabha bisi sɛ bulɔ Apalete Yesu Kristo Kpaya, ishubhubhui Aka akɔ nɔ Ɔfufɔɛ kibuinyinyi anɛ tibubukasɛ, sɛ tɛ nɔ tii yɛ ɔdɛ ana.

Yohanɛsɛ 17:3

Ɔtsɔ̃ kɛɛ nɛ kɛlɛ nu ɛkpã mabeke: sɛ tɛ be ti wɔ, kɛgba Kpaya terikpo, anɛ Yesu Kristo, gɛ yɛ wɔ kpɛ.

Tɛbubukasɛ 2:2

Inyi wɔ ebuibhɛbhɛtɛ, wɔ kɛxwɛwɛwa gɛganɛɛ anɛ wɔ kanyɛtsitsi. Inyi sɛ ɔtɛ bɔ kɔ atɔkpum gɛganɛelete nɛ amɛ, klɛ ɔtɛ feke bagɛ asɛ be nu banɔkpɛkpɛ pɔ pɛ be di nu nɛ odi, klɛ ɔtɛ mɔ sɛ be nu betroni.

2 Timotio 1:12

Kɛlɛ so pɛ ɛɛtɔ ansɛ gɛ ɛlɛ. Tsyɛ kɛwɛ̃ tɛɛ ku mɛ, alasɛ inyi aanɔ nɛa bha gɛ ɛyɛkɛŋa, klɛ kixui mɛ sɛ aba na kɛgɛ ɛyɛkɔ kpɛ yɛahwɛ nɛ bunyɛna kɔ kiwi lɛlɛ.

Filipianɛ 3:8

Kɛ gɛ kɛ kalɛ dɛana, ɛyɛkɔɛ lɛ sɛ kɛdɔnyɛdɔ lɛla ɔyɛkɔsɔnɔ bugbɛgbla nɛ gɛ flɛdzo nɛ makagbla Kristo Yesu gɛ yɛ so pɛ ɛlɛla kɛdɔnyɛdɔ. Idi lɛ sɛ kinu kibo, sɛ tɛ ɛmɔ Kristo

Efesoanɛ 3:19

klɛ tɛ nɔ tii yɛ anɔɛbui tɛdɛdɛmɛ gɛ kɛdɔ fla tititi—tɛ be yuku nɔ kɔ tɛsɛsɔnɔ Kpaya tɛyuyuku petee.

Yohanɛsɛ 17:8

Alasɛ ɛkɔ alɛ ebui gɛ ɔkɔ mɛ klɛ ba yɛkɛ alɛ. Be nyi nɛ kɛgbɛagba sɛ ɛde wɔ kɔ klɛ ba yɛkɛŋa sɛ wɔ kpɛ mɛ

Tɛbubukasɛ 2:19

Inyi wɔ ebui bhɛbhɛtɛ, wɔ anɔ ɖuɖɔ anɛ tɛyɛyɛkɛŋa, wɔ kɛxwɛdɛdɛ anɛ kemikpɛkpɛ, klɛ ɔtsɔ̃ ɔɔbhɛtɛ gelee ɔdɛ kɛtutɔpu nɛ gɛ ɔbhɛtɛ.

Tɛbubukasɛ 2:13

Inyi ɔkɛlɛ gɛ ɔlɛ— ɔkɛlɛ gɛ Satana bukusiegbu nɛ alɛ. Tsyɛ pɛ ɔlɛ nɛ kɛgba mɛ nɛ mɛ nyi mɛ. Ɔdɛ shɛ̃nahwɛ wɔ tɛyɛyɛkɛŋa nɛ mɛmɛ, nɛ Antipasɛ kibe nɛ mɛ tsyɛ, mɛ ebuimɔɖɔ gɛ tɛyɛyɛkɛŋa lɛ yɛahwɛ, gɛ be yi nɛ wɔnɔ ɔmagbla nɛmɛ—nɛ ɔkɛlɛ gɛ Satana alɛ.

2 Kɔrintioanɛ 4:6

Alasɛ Kpaya gɛ aɖɔ sɛ, “Kɔ kifu nɛ tã denɔ otumu mɛ,” bhɛtɛ yɛ fu tɛ kɛtã nɛ bulɔ idzyi mɛ tɛ kɛkɔ lɔ kifu buititi nɛ́ Kpaya kabhaŋɛŋa nɛ Kristo amɛ.

Tɛbubukasɛ 3:15

Inyi wɔ axwɛwɛwa, sɛ ɔdɛ yɔ ɔdɔgɔsɛ ovu kifu. Ɛta pɛɛ sɛ tɛ odzi kɛlɛɔmayɛ ɔdɔgɔsɛ kɛbhlatɔ tili!

Tɛbubukasɛ 3:8

Inyi wɔnɔ ebuibhɛbhɛtɛ. Di, ɛtɛ yɛkɔ kedunu dɛdanɛ lu wɔ amɛ gɛ anɔnyanɔ atɛ ba na da. Inyi sɛ bugɛganɛ bhli lɛ wɔ ahwɛ, pɔ ɔnyɛna mɛ kibuiɖuɖɔ nɛ ovunɔ klɛ ɔkɔ shɛ̃nahwɛ mɛ kinyi nɛ shu olu.

Tɛbubukasɛ 2:9

Inyi ebui nɛ gɛ atrɔ wɔabha anɛ wɔ kitsyui—pɔ ehoeyi alɛ wɔahwɛ! Inyi bagɛ asɛ enu Yuɖanɛ flogo pɛ bedi nu, pɔ be nu Satana oxogokɔvu.

Tɛbubukasɛ 3:1

Kɔ kpayaxwɛdɛ nɛ Saɖis busɔlɛɔha nɛ mɛ sɛ: Ebuia alɛ nu agɛ evunɔ Kpaya ɛfufɔɛ tigene anɛ awɛ̃wɛ̃ tegene nɛ ayɛ. Inyi wɔ ebui bhɛbhɛtɛ, kinyi dzyɔgo lɛ wɔ ahwɛ sɛ ɔlɛ nɛ ɛkpã, pɔ otsi.

Yohanɛsɛ 10:13

Anɔ ebe bu tɛtsrɛmɛ ashɛ̃ alasɛ ba yɛ kɔ yɛ asɛ tɛ edi lɛabha klɛ adɛ yɛkɔ kibuinyɛbui nɛ ibhoshi nɛ mɛ.