Yohanɛsɛ 1:7 - ONUGBÙ NYƐNYÃ VUVƆ

⁷ Abá anasɛ ebuimɔɖɔ denɔ kifui lɛlɛ nɛ shu, sɛ tɛ ganɔ yɛ abha banɔ petee ba yɛkɛaŋa.

Yohanɛsɛ 1:7 Referans Kwoze

Axwɛwɛwa 19:4

Paolo aɖɔ sɛ, “Yohanɛsɛ bunikpɛkpɛ nɛ nu kitem tsyitsyina yɛ. Etsre banɔ na sɛ ba yɛkɛ agɛ yɛa ba nɛ yɛe de nɛa bha aŋa, yɛ enu Yesu.”

Yohanɛsɛ 1:36

Gɛ amɔ Yesu afla, aɖɔ asɛ, “Nodi, Kpaya Obhoshieyi!”

Yohanɛsɛ 1:12

Pɔ kɔ bagɛ balɛ petee gɛ bayɛkɛ yɛ, kɔ bagɛ ba yɛkɛ yɛ nyi nɛa bha ŋa, akɔ alɛ kidzo sɛ tɛ ba be dzi Kpaya yɛeyialɛ—

Yohanɛsɛ 1:9

Kifu gbɛagba gɛ kɛ kɔ kifu anɔnyanɔ gɛ aba kanɔ nɛ mɛ.

Yohanɛsɛ 1:15

Yohanɛsɛɛ aɖɔaɖɔ denɔ yɛ shu. Akpɛ ogugu, aɖɔ sɛ, “Anyɛ anɛ yɛ bui mɛ ɖɔ, ‘Yɛ agɛ aba nɛ mɛede etri adɛ mɛ alasɛ alɛ flogo gɛ ba mɔ mɛ.’ ”

2 Petro 3:9

Apalete ata gbɛede kɔ yɛ ebui bhɛbhɛtɛ gɛ aɖɔlu nɛ shu, anasɛ gɛ beteli nu kedegbɛgba nɛesi. Yɛ dzyi ayɔ nɛ wunɔ shu, ata pɛɛ sɛ anɔnyanɔ etsi, pɔ anɔnyanɔ aba tsyinaɛtemɛ.

Titusɛ 2:11

Alasɛ Kpaya ɛyamyuyɔ nɛ gɛ ɔmɛna tɛbhubhuiyɛkɛ nɔ tɛ wɛ̃ kɔ banɔ petee.

Efesoanɛ 3:9

klɛ tɛ akɔ anianɔ amɔ wee kibui kpukpuɛnɛ bhɛbhɛtɛ, kɔ kibe gɛ kɛ bafla gɛ bekpu nɛ Kpaya mɛ, agɛ abhɛtɛ kɛdɔ nɛ petee.

1 Timotio 2:4

gɛ apɛa sɛ tɛ be bu banɔ nɛ petee klɛ tɛ ba ba kɛgba nɛ tititim.

Yohanɛsɛ 1:19

Ɔtsyɔnɛ kɛnɛ kɛlɛ nu Yohanɛsɛ kibuimɔɖɔ kibe lɛlɛ gɛ Yuɖanɛ nɛ Yerusalɛm bakpɛ kpayazakɔ banɔ nɛ̀ Lewi banɔ sɛ be debisi yɛ anɔ nɛ gɛ enu.

Galatianɛ 3:26

Ɛnɔ petee Kpaya ye yialɛ nɔ nu ɔganɔ tɛyɛyɛkɛŋa nɛ Kristo Yesu abha,