Yohanɛsɛ 1:42 - ONUGBÙ NYƐNYÃ VUVƆ

⁴² Klɛ agbanɛ Simɔn avɛnɔ Yesu. Yesu edi yɛ klɛ aɖɔ sɛ, “Wɔ nu Simɔn Yohanɛsɛ ye yi. Be be klu wɔ asɛ Kefasɛ” (gɛ, be builɛesi sɛ, Petro).

Yohanɛsɛ 1:42 Referans Kwoze

1 Kɔrintioanɛ 15:5

klɛ sɛ ebu shu akasɛ Petro, kɛlɛede kɔ kɛfɔnɛ tɛabha.

1 Kɔrintioanɛ 3:22

kɛ nu Paolo pɛnɔ Apolo pɛnɔ Kefas pɛnɔ kanɔ nɛ pɛnɔ ɛkpã pɛnɔ butsi pɛnɔ ɔtsɔtsyɔ̃ pɛnɔ kibe gɛ tɛ ba— alɛ petee le nu wunɔ ayɛ,

1 Kɔrintioanɛ 1:12

Kibui nɛ gɛ ɛɖɔ klɛ nu sɛ: wunɔ mayɛ teli aɖɔ sɛ, “Ɛlɛ Paolo ede”, anɔbhlatɔ, “Ɛlɛ Apolo ede”, abhlatɔ, “Ɛlɛ Kefas ede”; abhlatɔ tsyɛ asɛ “Ɛlɛ Kristo ede.”

Galatianɛ 2:9

Yakobo, Petro anɛ Yohanɛsɛ, ba gɛ benu anasɛ bushã, ba kɔ mɛ anɛ̀ Barnabasɛ ahwɛ nɛna kukɔ ɔhaglɔ kibelɛlɛ gɛ ba mɔ ɛyamyuyɔ gɛ bakɔ mɛ. Ba dɛmɛ sɛ bu vɛ ba gɛ be dinu Yuɖanɛ nɔ kɔ klɛ tɛ ba lɛ avɛ Yuɖanɛ nɔ kɔ.

1 Kɔrintioanɛ 9:5

Kidzo ma kɔlɔ sɛ tɛ bu gbanɔ bulɔe dzini nɛ gɛ asɔlɛ nɛ ɔplɛnɔ bulɔ shu, anasɛ gɛ bakpɛkpɛ bhlatɔ anɛ̀ Apalete nɛ yɛadzalɛ anɛ Kefasɛ baa bhɛtɛ?

Mateo 10:2

Banɔkpɛkpɛ lɔfɔntɛabha nɛ enyi naa: putɔnɔ, Simɔnɛ (gɛ bee kulu asɛ Petro) anɛ yadzya Andrɛasɛ, Yakobo Zebeɖi yɛ eyi, anɛ yɛadzya Yohanɛsɛ,

Luka 5:8

Gɛ Simɔn Petro amɔ ebuia nɛ, ezhi akpla ekuisiesi kɔ Yesu, klɛ aɖɔ asɛ, “Shɛ̃ nɛ mɛ ɔbha, Apalete, enu kanɔ gɛ abhɛtɛ buzizi!”

Yohanɛsɛ 21:2

Simɔn Petro, Toma (be klu asɛ Didamusɛ), Natanɛlɛ gɛ ede Kana nɛ́ Galelia, Zɛbɛdi yɛeyialɛ, anɛ badɔkpasɛ tɛabha bhlatɔ be xogoe li.

Marko 3:16

Banɔ lɔfɔntɛabha nɛ gɛ ekulu nɛ naa: Simɔnɛ (gɛ akɔ kinyi asɛ Petro);

Yohanɛsɛ 13:18

“Anɛ nɔ petee mɛ ɖɔ, enyi ba gɛ eklu. Pɔ sɛ tɛ Kpaya bui nɛ bɛlɛmɛ, ‘Anɔ nɛ gɛ bulɔ nɛ yɛ bu kpahwɛ kɛsugbɛ tirikpo mɛ, yɛ alɔ kititi nɛ mɛ shu.’

Luka 6:14

Simɔn (agɛ akɔ nyi asɛ Petro) yɛ adzya Andreasɛ, Yakobo, Yohanɛsɛ, Filipo, Bartelomeo,

Galatianɛ 1:18

Kɛlɛ nɛ agɔ tata ede, ɛwu vɛ Yerusalɛm sɛ tɛ bulɔ nɛ Petro da ti aglɔ klɛ ɛza yɛ ɔbha ewui lɔfɔnɛteti.

Galatianɛ 2:11

Gɛ Petro aba Antiokɛ, ɛlɔ kititi nɛ yɛ shu nɛ yɛamɛ, alasɛ kɛlɛmɛ bhui wee sɛ abhɛtɛ kibui kpã.

Yohanɛsɛ 4:16

Yesu etsre yɛ asɛ, “Vɛ, odo klu wɔenyine tɛ otsodzi ɔba.”