Yohanɛsɛ 1:17 - ONUGBÙ NYƐNYÃ VUVƆ

¹⁷ Alasɛ ba kɔ ɔshã ganɔ Mose abha, ɛyɛmɛyuyɔ anɛ̀ kɛgba nɛ ba ganɔ Yesu Kristoa bha.

Yohanɛsɛ 1:17 Referans Kwoze

Romanɛ 6:14

Alasɛ buzizi tɛ ba dzi wɔnɔ apalete, alasɛ wɔnɔ nɔ ma ɔshãesi, pɔ eshutukubui didi esi nɔ kpasɛ.

Yohanɛsɛ 14:6

Yesu ebuilɛnu sɛ, “Mɛ nu kidzo, kɛgbɛagba anɛ̀ ɛkpã. Anɔnyanɔ atɛ ba ba Aka ne ɔkɔ onugɛ adɛ ga mɛabha.

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Hebriuanɛ 9:22

Kɛgbɛagba nɛ, ɔshã ɔlɛ nu sɛ kɛdɔnyɛdɔ kule bayɛkɔ dzyosu epluɛ lɛ nɔ, klɛ onugɛ ba dɛ balɛ dzyosu nɛesi tɛtsyitsye tɛ ba za.

Yohanɛsɛ 8:32

Ɔkɛlɛ nɔ bɔ ti gbɛagba, gɛ kibui gbɛagba ba bhui nɔ yɛkɛ.”

Yohanɛsɛ 7:19

Ganɛ Mose yɛ akɔ nɔ ɛshã? Pɔ anɔ Terikpo tsyɛ atabhɛtɛ atrɔ ɔshã nɛabha. Kideso gɛ nɔ pɛɛ sɛ tɛ no yi mɛ?”

Axwɛwɛwa 28:23

Banɔ na ba trɔ kiwi tili sɛ tɛ ba ba tsyanɔ Paolo, klɛ la ba ba nɛ tɛkpikpe gblam nɛ ɔkɛlɛ gɛ aza. Denɔ kɛvulɔ ɔdɔnanɔ owluago nɛɛ, ebu ebuim kɔ banɔ, klɛ ebu aɖɔa etsrea lɛ denɔ Kpaya bukusiɔŋakɔ nɛ shu, klɛ etsyina ahwɛ sɛ tɛ be nu Yesu kibui nɛ denɔ Mose Ɔshã nɛ denɔ Batɔnu nɛ ɔkɔ.

Galatianɛ 3:17

Kɛgɛ ɛɖɔ kɛlɛ nu sɛ: Ɔshã, bakpɛɔ lɛ agɔ kɛfɔɛfɔ tɛalɛ̃ nɛ afata (430) oputɔnɔ, adɛ yɛkɔ tɛnyɛnya elu kɛwã kibelɛlɛ gɛ Kpaya anya ɔlɛ klɛ gɛ ashɛnahwɛ ebui tɛtrɔlu nɛ shu.

Axwɛwɛwa 7:38

Aza tɛxuxogom nɛ ayakpa nɛ mɛ, ɔyɛkɔ plɛnɔ axwɛdɛ nɛ gɛ aɖɔaɖɔ nɛ yɛ nɛ Sinai Butu nɛa bha, nɛ bulɔakalɛ, klɛ ayɛkɛ ekpã ebui amɛna lɔ.

Yohanɛsɛ 5:45

“Pɔ nɔ tɛ yɛkɔ kpɛ kɛtɔkpu mɛ sɛ ɛba bhui nɔ nu kɔ Aka. Wunɔ shu bhubhui anɔ yɛ nu Mose, yɛ abha nɔ yɛ kɔ ishu ɔtrɔ.

2 Kɔrintioanɛ 1:20

Alasɛ kɛbuinyɛbui dɛ ba dzi ebui tɛtrɔ gelee gɛ Kpaya abhɛtɛ, lɛ nu “Ee” nɛ Kristo mɛ. Kɛlɛ so ganɔ yɛa bha “Tɛkɛbɛlɛm” bu ɖɔ yɛ kɔ Kpaya nɛ tɛkpɛkpɛ nɛa bha.

Yohanɛsɛ 9:29

Bulɔ bu nyi sɛ Kpaya aɖɔaɖɔ kɔ Mose, pɔ anyɛanɛ, bu tɛ nyi ɔkɔnɔ kuratsyɛ gɛ ede.”

Yohanɛsɛ 18:37

Pilato ebisi asɛ, “Kɛlɛso ekusi wɔ nu?” Yesu ebushunu asɛ, “Kibui gbɛagba wɔɖɔ Ɛnu ekusi. Kɛgbɛagba kɛlɛso gɛ bamɔ mɛ, nɛ kɛlɛso gɛ ɛba kanɔ nɛ mɛ, sɛ tɛ ibu kɛgbɛagba nɛ kasɛ. Anɔnyanɔ gɛ alɛ kibui gbɛagba nɛede ata mɛatɔ.”