Yakobo 5:6 - ONUGBÙ NYƐNYÃ VUVƆ

⁶ No ti bu bagɛ ba dɛ bhɛtɛ kɛdɔnyɛdɔ nɛ kɛpɔ klɛ no yia lɛ, gɛ ba dɛ lɔ kititi nɛ wɔnɔ shu.

Yakobo 5:6 Referans Kwoze

Yakobo 4:2

Nɔ pɛɛ kɛdɔ tili pɔ nɔ tɔ mɔɛ lɛ. No yi anɔ klɛ nɔ bhɛ kɛdɔ, pɔ nɔ tɔɔ mɔ kɛgɛ nɔɔ pɛɛ. Nɔ pɛɛ ebla klɛ nɔ ta ekpli. Kɛdɔ ma wɔnɔ ahwɛ, alasɛ no too bisi Kpaya.

Axwɛwɛwa 8:32

Anyɛ nɛ edzi akla kɛdɔ denɔ Kpayaeplukpa nɛm asɛ: “Bagbanɛ yɛ ansɛ obhoshi avɛnɔ aga oyikɔ, klɛ eli ansɛ obhoshieyi gɛ lo li agɛ ashɛ tɛka nɛ amɛ, lɔ da onugbu, so nɛ adɛ danɛ yɛ onugbu.

Mateo 5:39

Pɔ itsre wɔnɔ sɛ, Nɔ tɛ wɔ̃lãkɛ kibui nɛ anɔ kpã. Onu gɛ anɔ teli abɔ wɔ kɛdɔ nɛ kɛŋa ɔgla, tsyina kɛbɛtɛkpɛ mɛ ɔyɛ tsyɛ ɔkɔ yɛ tɛ abɔ.

Hebriuanɛ 10:38

Pɔ mɛ anɔnɛna aba za nɛ ɛkpã ganɔ tɛyɛyɛkɛŋa abha. Klɛ onugɛ etsodzi ɔvɛ kede, same etibeku mɛ nɛ yɛ.”

Axwɛwɛwa 22:14

“Ɔkɛlɛa ɖɔ sɛ: ‘Blɔa kalɛ Kpaya nɛ ebu wɔ sɛ tɛ oti yɛ tɛpɛpɛ, tɛ ɔmɔ Anɔnɛna, tɛ onu kibui odenɔ yɛ onugbu mɛ.

Yakobo 2:6

Pɔ nɔ tɛ kula betsyutsyuini. Ganɛ behoeyielete balɛ wulu nɔ? Ganɛ balɛ agbanɔ nɔ avɛnɔ bubhui nɛ mɛ?

Axwɛwɛwa 7:52

Kpaya atɔnu teli atɛ za di sɛ wɔnɔa kalɛ na dɛ kpatɔnɔɛ ede yi edi xãa? Be yi bagɛ eputɔ aɖɔ Banɔ Nɛna nɛ tɛbɛba nɛ tsyɛ. Klɛ ɔtsɔ̃ nɛ tsyɛ nɔ zɔ ga yɛesi klɛ no yi yɛ.

Mateo 27:20

Pɔ, kpayaɔzakɔanɔ anɛ ɔma banɔ shishe nɛ bakɔ sɛ tɛ banɔɛza nɛ be bisi sɛ tɛ ba shɛnahwɛ Barabasɛ shu tɛ ba yɛkɔ Yesu avɛnɔ ede yi.

Mateo 21:38

Pɔ gɛ bamɔ yɛ eyianyɛ, klɛ la ɖɔ nɛ aglɔm asɛ, ‘Agɛ abaa za aka nɛ ɔzakɔ nɛ naa. Nɔ ba, kɔ lɔ yiyɛ tɛ buyɛkɛ yɛ ɔŋakɔ.’

1 Petro 4:18

Klɛ “Onugɛ kɛ gɛganɛ kɔ kɛdzyɔgo bhɛbhɛtɛ elete sɛ tɛ bebhuialɛ ayɛkɛ, kide kɛ ba dzi kɔ bagɛ ba kpɛ kɛtɔkpuesi kɔ bakpaya anɛ̀ bezizi?