Yakobo 3:6 - ONUGBÙ NYƐNYÃ VUVƆ

⁶ Kɛnɛkɛ nɛ tsyɛ nu kifu, kanɔ mɛ butsutsɔmɔ anɛ ishuidzya nɛ bupɛ tuli. Kii zi anɔ osi nɛ petee, kɛɛ shɔ anɔ ɛkpã zɛza nɛ petee kifu, klɛ kɛlɛnahwɛ nɛ kɛɛ shɔ ishui fu ganɔ kifu mabeke mabekea bha.

Yakobo 3:6 Referans Kwoze

Marko 7:15

Kɛdɔnyɛdɔ gɛ kɛ lɛ ɔtɔ pɛ kɛ tsoku anɔ ishu mɛ nɛ kɛtɛ ‘tutru’ anɔ. Pɔ, kɛ gɛ koeyi nɛ anɔ mɛ kɛ lɛ ‘tutru’ anɔ.”

Luka 16:24

So eklu yɛ, ‘Aka Abraham, di mɛ eshutukubui tɛ ɔkpɛ Lazaro tɛ akpɛ kɛwɔɛ nɛ onugbu nɛ buni mɛ klɛ tɛ ayɔ mɛ kɛnɛkɛ abha, alasɛ ɛmɔ butɔ nɛ kifui nɛ mɛ.’

3 Yohanɛsɛ 1:10

Kɛlɛso onugɛ ɛba ba, ɛba kɔ nɔ ti kɛgɛ abhɛtɛ, itro ebui kpã ɖɛɖɔ nɛ bulɔ shu. Kɛlɛ lɛ nɛ dɛ xui yɛ, atɛ yɛkɛ yɛ adzyalɛ. Adzrɔ nɛ bagɛ ba pɛɛ asɛ tɛ ba yɛkɛ banɔ klɛ ebualɛ nɛ busɔlɛɔha nɛ mɛ.

Yakobo 2:7

Ganɛ balɛ ezi anɔ nɛ gɛ yayɛ no nu nɛ kinyigbla nɛ mɛ?

Axwɛwɛwa 6:13

Itro ebuimɔɖɔ teli la gbanɔ amɛna pɛ ba ba ɖɔa ɖɔ, “Anya nɛ aka zukɔlɔ kititi lulɔ kaɖɔ ɖɔ nɛ ɔnɛnakɔ dzyɔgo anɛ kititi lulɔ nɛ ɔshã nɛ shu edi.

Axwɛwɛwa 5:3

Ɔklɛ Petro asɛ, “Ananiasɛ, kɛlɛɛ lɛ za pɛ abosam ayɛkɛ wɔ idzyim ana pɛ kɛlɛ sɛ tɛ ohu otro tsre Ɔfufɔɛ Dzyɔgo pɛ ɔyɛkɔ ehoeyi nɛ gɛ ɔdɛ kesukpa nɛ teli ɔbala kɔ ishu?

Mateo 12:24

Pɔ gɛ Farisianɛ be nu ana, ba ɖɔ asɛ, “Ganɔ ɛfufɔɛkpã ekusieyi nɛa bha anɔa nɛ aakɛka ɛfufɔɛkpã nɛ ebu.”

Mateo 5:22

Pɔ itsre nɔ sɛ, anɔnyanɔ gɛ amɔ oblo nɛ yɛadzya be be kulu kebhui nɛ yɛ. Ɔyɛkɔplɛnɔ anɔnyanɔ gɛ ebe tsre yadzya sɛ, ‘Ɔmɛtã kɔ kɛdɔnyɛdɔ,’ ebe bu shu nu nɛ Bebhuiklu naa mɛ. Pɔ anɔ nɛ gɛ aaɖɔ sɛ, ‘Wɔ agã onu!’ ebe tsoku butɔm anɛ kifu mabeke mabekem.

Tɛbubukasɛ 19:20

Pɔ be vu agavuga, ɔplɛnɔ otro atɔnu nɛ gɛ abhɛtɛ ebuimumɔ nɛ gɛ abhɛtɛ bi nɛ yɛ nu. Ɔyɛkɔ plɛnɔ ebui mumɔa nɛɛ alɛ ayɛkɔ awɛ bagɛ ba yɛkɛ agavuga nɛ ebi pɛ ba kpɛ kɛtɔkpuesi kɔ yɛ abhubhɔ. Ba yɛkɔ batɛabha nɛ atɛ̃ elulu akpɛ kɛklãgbui fui vɔ nɛ mɛ.

Tɛbubukasɛ 18:23

Kanɛgbɛ kifu kɛɛ tɛa fla tã nɛ wɔ mɛ. Adzɛenyine anɛ adzɛ oli mɛ be tie fle nu nɛ wɔ mɛ. Wɔ bedziniga balɛ dzi kanɔ nɛ mɛ banɔgbɛgbla. Ganɔ wɔ bawa mɛ ɔgbanɔ amadi nɛ ɔlɛla.

Tɛbubukasɛ 13:14

Alasɛ kɛdɔmumɔ nɛ gɛ ba kɔ yɛ kemi sɛ tɛ abhɛtɛ nɛ agavuga tutɔpu nɛ nu so, awɛɛ banɔ nɛ ga lɛ kesukpa nɛa bha. Akɔ sɛ ba bhɛtɛ kɛdɔ bhubhɔ tɛ ba yɛkɔ akpɛ agavuga nɛ gɛ ba kpɛ kɛpɔ nɛ ɛhɛɛ tsyɛ pɛ aza nɛ ɛkpã.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

2 Petro 3:3

Oputɔ nɔ, kɛlɛsɛ tɛ nɔ nulɛesi sɛ nɛ ewui gugɔɛ nɛ mɛ bagɛ ba mɔɛ̃ anɔ ba ba za mɔɛ̃ banɔ klɛ ba ba za ga nɛ balɛ ebuikpã bhɛbhɛtɛ nɛabha.

Titusɛ 1:11

Alasɛ tɛ ba bhɛtɛ alɛ tɛ ba da onugbu, alasɛ baa yɛɛ bapa gelee ganɔ balɛ kɛdɔkɛkasɛ nɛ gɛ kɛma sɛ ba kasɛ nɛ mɛ, klɛ apɛa sɛ tɛ ba mɔ kɛdɔ ganɔ otro mɛ so.

Axwɛwɛwa 20:30

Nɛ wɔnɔ nahwɛ tɛkpikpem tsyɛ banɔ aba lɔ kititi klɛ le be futsu kɛgba nɛ akpɛ sɛ tɛ be yinɔ badɔkpasɛ nɛ gɛ ba lɛ kɛlɛede nɛ kide.

Yakobo 3:7

Baga kanyakaɛdi, buzhɔɛ, baga gee tsi nɛesukpa anɛ aƒu mɛ baga nɛ petee ba gbanɔa lɛ klɛ anɔdzyrame atɛ kɔ la mɔawɔ̃,