Yakobo 2:18 - ONUGBÙ NYƐNYÃ VUVƆ

¹⁸ Pɔ anɔ teli aba ɖɔa sɛ, “Tɛyɛyɛkɛŋa lɛ wɔ ahwɛ, tɛbhɛbhɛtɛ lɛ mahwɛ.” Kasɛ mɛ wɔ tɛyɛyɛkɛŋa kɛxwɛwɛwa maza kɛlɛ mɛ, klɛ tɛ ɛkasɛ wɔ mɛ tɛyɛyɛkɛŋa ganɔ kɛgɛ ɛbhɛtɛ nɛ shu.

Yakobo 2:18 Referans Kwoze

Yakobo 3:13

Ane gɛ enyibui pɛ enu kibuiesi nɛ wɔnɔɛ shi? Kɔ ebui lɛ akasɛ ganɔ yɛ ɛkpã dzyɔgo nɛm, ganɔ ebui bhɛbhɛtɛ anɛ ishu zhizhinɔesi nɛ gɛ de kibuinyinyi mɛ.

1 Timotio 1:5

Ɔshã nɛ tɛtutrɔ yɛ kɛlɛ nu tɛɖuɖɔ, gɛ kii de idzyi gɛ ebhui mɛ anɛ ishumdɛdanɛ dzyɔgo nɛ tɛyɛyɛkɛŋa gɛganɛ.

Yakobo 2:14

Kibui dzyɔgo ɖueɖu kinu, madzyalɛ mɔ, onu gɛ anɔ teli asɛ tɛyɛyɛkɛŋa lɛ yɛahwɛ pɔ adɛ yɛkɔ akpɛ kɛxwɛwɛwa mɛ? Tɛyɛyɛkɛŋa ɛlɛ nɛɛ di nɛ ba na yɛ bu xãa?

Galatianɛ 5:6

Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.

Titusɛ 2:7

Nɛ kibuinyɛbui mɛ, bhɛtɛ kibui dzyɔgo gɛ be be di abhɛtɛ. Nɛ wɔ kɛdɔkɛkasɛ mɛ, kasɛ ɔsɛ onu anɔ gɛ otoo hu otro, klɛ ɔtɔɔ wɔ buwɔfu

Romanɛ 14:23

Pɔ anɔ nɛ gɛ adɛ yɛkɛaŋa, be ti bu yɛ kɛpɔ onu gɛ aŋaɛdɔ, alasɛ yɛ kɛdɔŋɛŋa nɛ dɛ de tɛyɛyɛkɛŋam; klɛ kɛdɔnyɛdɔ gɛ kɛ dɛ de tɛyɛyɛkɛŋa mɛ kinu buzizi.

Hebriuanɛ 11:31

Tɛyɛyɛkɔŋa kɔ sɛ kedunuzɛza Rahab be di yi yɛ nɛ bagɛ ba dɛ tatɔ, alasɛ ayɛkɛ befu gɛ bayɛkɔ awɔ̃hu apɛɛ ebui.

Hebriuanɛ 11:33

bagɛ ba ganɔ tɛyɛyɛkɛŋa abha gɛ ba ŋa bekusi gɛ ba taa buyu nɛabha, babhɛtɛ atrɔ ɔshã dzyɔgo abha klɛ ba mɔ kɛdɔ gɛ ba ɖɔ elu kɔa lɛ, balɛ ada badzyata nɛ inugbu,

Hebriuanɛ 11:6

Klɛ tɛyɛyɛkɛŋa mazɛlɛ mɛ ɔtɛ bɔ na Kpaya awɔ̃ ku, alasɛ anɔnyanɔ gɛ aba ba yɛ ɔkɔ alasɛ tɛ ayɛkɛŋa sɛ alɛ klɛ abuya kɛbhɛ kɔ bagɛ ba pɛɛ yɛ gɛganɛ.

1 Kɔrintioanɛ 13:2

Onugɛ atɔnu kɛdɔkukɔ lɛ mahwɛ klɛ ɛba na ebuikpukpu petee anɛ ebuititi petee kesi nu, klɛ onugɛ tɛyɛyɛkɛŋa lɛ mahwɛ gɛ kɛba kpa betu, pɔ pɛ ɛdɛdɛmɛ nɛ anɔ, ɛdɛ nu kɛdɔnyɛdɔ.

Romanɛ 3:28

Alasɛ bu nyɛna kɛlɛm vunɔ sɛ, anɔdzyrame aba danɛ yɛshu ganɔ tɛyɛyɛkɛŋam nɛ ɔshã bha bhɛbhɛtɛ ede.

2 Kɔrintioanɛ 7:1

Mɛ ɛbhɛalɛ, Nɛ kibelɛlɛ gɛ atɔnu alɛ bulɔ ahwɛ, mɛ ɔbhɛya lɛ mumɔa, nɔ kɔ lɔ plu bulɔnahwɛshu denɔ kɛdɔnyɛdɔ gɛ kɛba tutru lɔ shuidzya anɛ ɔfufɔɛ, sɛ tɛ bu za amɛ bhubhui mɛ kɔ Kpaya.

2 Kɔrintioanɛ 5:17

Kɛlɛso, onugɛ anɔ teli alɛ Kristo mɛ, enu kɛdɔ bhɛbhɛtɛ vuvɔ, kɛkuku ba fla, kɛ vuvɔ nɛ ba!

Romanɛ 8:1

Kɛlɛso, ɔtsɔ̃ kɛpɔbubu va ma kɔ bagɛ ba kpasɛ Yesu Kristo mɛ,

Romanɛ 4:6

Kibui nɛ ko Daviti tsyɛ aaɖɔ nɛ kibelɛ gɛ aaɖɔaɖɔ nɛ anɔ yuyula nɔɔ nɛ gɛ Kpaya akɔ tɛnɛna nɛ kɛxwɛwɛwae de,

Romanɛ 9:19

Wɔnɔmɛayɛ teli ebe tsrem asɛ, “Kɛlɛ kide so pɛ Kpaya eke bu bulɔɛ pɔ? Alasɛ anee gɛ yɛ awlãnkɛ nɛ yɛ tɛpɛpɛ?”