Yakobo 1:25 - ONUGBÙ NYƐNYÃ VUVƆ

²⁵ Pɔ anɔ nɛ gɛ edi ɔshã nɛna nɛm mɔmɔ gɛ ɔmɛna ishuyuyɔ, klɛ avɛ kɛlɛ tɛbhɛbhɛtɛ nɛa bha, pɛ ataa dzɛkɛ kɛgɛ enu, pɔ abhɛtɛ kɛlɛa bha— ba ba yula yɛ nɛ kɛgɛ abhɛtɛ nɛm.

Yakobo 1:25 Referans Kwoze

Luka 11:28

Ebuilɛnu asɛ, “Bayula bagɛ be nu Kpaya bui klɛ ba bhɛtɛ atrɔ kɛlɛ abha.”

Yohanɛsɛ 13:17

Ɔtsyɔnɛ gɛ nɔ nyi ebuia nɛ, nɔ bɔ yɛkɛ tɛyuyula onugɛ nɔ bhɛtɛ alɛ.

1 Petro 2:16

Nɔ za anasɛ banɔ gɛ balɛ ɛshuahwɛ, pɔ nɔ tɛ yɛkɔ ishuahwɛzɛza kɔ kidzo kɔ kizizi, nɔ za anasɛ Kpaya baxwɛdɛ.

Yakobo 2:12

Nɔɖɔ kaɖɔ tɛ ɔbhɛtɛ ansɛ banɔ gɛ ɔshã nɛ gɛ ɔɔkɔ kɛdɔ fãa obo kulebhui nɔ,

Galatianɛ 5:1

Ishuahwɛzɛza so gɛ Kristo ebe bhulɔayɛkɛ. Nɔ za ishu mɛ gɛganɛ, nɛ kɛlɛede, klɛ nɔ tɔ kɔ sɛ ba fla ba trɔ nɔ anɔdzidzi ɔkpakasi kituku.

1 Kɔrintioanɛ 15:58

Kɛlɛso, mɛ badzya mumɔa, nɔ za nɛ awɔ̃ gɛganɛ. Nɔ tɛkɔ kɛdɛnyɛdɔ ge nɔ. Kibenyɛbe nɔ yɛkɔ wunɔ ishu kɔ bui bhɛbhɛtɛ kɔ Apalete nɛ kɛxwɛ, alasɛ nɔ nyi sɛ wɔnɔ kɛxwɛwɛwa anɛ́ Apalete nɛ mɛ kɛtɛ ba dzi kɛkpɛkpa.

1 Timotio 4:16

Vu anhũ nɛ wɔ ɛkpã anɛ kɛdɔkɛkasɛ nɛ mɔmɔ. Tsianyɛ nɛ alɛ mɛ, alasɛ onu gɛ nɔ bhɛtɛ ana, no bo bu wɔnɔ shu anɛ bagɛ be nu nɔɛ bui.

2 Kɔrintioanɛ 13:5

Nɔ vɛ wunɔnahwɛ shui mɛ odi sɛ kɛlɛlɛ mɛ sɛ nɔ lɛ tɛyɛyɛkɛŋa mɛ, wunɔnahwɛ nɔ di lɛ mɛ. Nɔ dɛ mɔ lɛ sɛ Kristo Yesu alɛ wunɔɛ mɛ—kɛlɛmaza, kɛlɛlɛmɛ, nɔ dɛna tɛbibisi nɛesi bu?

Romanɛ 11:22

Klɛso luawɔ̃ nɛ Kpaya ɛyamyuyɔ nɛ yɛ amɛgɛganɛ: amɛgɛganɛ anɛ bagɛ ba wɔlɛ, pɔ ɛyamyuyɔ kɔ wɔ, onu gɛ ɔbɔ vɛ kɛlɛa bha nɛ yɛ yamyuyɔ nɛ na. Odinuana, wɔ tsyɛ be be bhui wɔ atɛɛ̃.

Romanɛ 8:15

Alasɛ nɔ dɔɔ flɔ yɛkɛ ɔfufɔɛ nɛ gɛ ɔbhɛtɛ nɔ anɔdzidzi kɔ kifusisi, pɔ nɔ yɛkɛ eyidzidzi Ɔfufɔɛ. Klɛ ganɔ yɛa bha bu kpɛ ogugu sɛ, “Abba, Aka.”

Galatianɛ 2:4

Kibui nɛ kɛ koeyi alasɛ itro badzya teli ba shɔku bulɔɛ shi sɛ tɛ be zuru ebui kpukpu nɛ ishuahwɛ zɛza gɛ bu lɛ nɛ Yesu Kristo nɛ tɛ babhɛtɛ lɔ banɔdzidzi.

Yohanɛsɛ 8:36

Kɛlɛso onugɛ Eyi ashɛ̃nahwɛ wɔ shu, ba shɛnahwɛ wɔ shu gbɛagba.

Tɛbubukasɛ 14:13

Ɔkɛlɛ mɛ nu ogugu denɔ owũsise gɛ ɔɖɔ sɛ, “Ŋlɔmɛ: Ba yula betsitsi anɛ bagɛ be tsi nɛ Apalete nɛ mɛ denɔ ɔtsɔ̃ nɛ ɔvɛnɔ.” Ɔfufɔɛ nɛ ɔɔɖɔ sɛ, “Ee,” “be be muene denɔ balɛ axwɛ nɛ mɛ, alasɛ balɛ ebui bhɛbhɛtɛ nɛ aba za balɛe de.”

1 Timotio 2:15

Pɔ ba ba yɛkɛkɔ badzɛ ganɔ eyimumɔ mɛ— onu gɛ ba vɛ kɛlɛa bha nɛ tɛyɛyɛkɛŋa mɛ, tɛɖuɖɔ anɛ ishubhubhui anɛ ɛkpã nɛna zɛza.

Romanɛ 7:12

Klɛso, ɛshã nɛ shu ibhui, klɛ tɛtutrɔkɔ nɛ shu obhui, kɛna klɛ kɛbɔ.

Axwɛwɛwa 26:22

Pɔ nɛ ɛtɛ mɔ Kpaya tɛpɛplɛnɔ ɔbɔ nanɔ obo kiwi, klɛ so nɛ ili ɔkɛ̃ klɛ mɛ danɛ be bhliyi anɛ ba gbɛgbla petee shu. Ɛtɛ ɖɔ kibui ɔkɔ dɛ kɛgɛ batɔnu anɛ Mose ba ɖɔ sɛ la ba ba klɛ mɛ—

Axwɛwɛwa 13:43

Gɛ be hle busɔlɛha nɛ beke, Yuɖanɛ gelee anɛ bagɛ tsyina etsoku Yuɖaɔha nɛm na za Paolo anɛ Banabasɛ ede, gɛ ba za ɖɔ kaɖɔ nɛ balɛ klɛ be tsrea lɛ asɛ ba vɛ kɛlɛa bha nɛ Kpaya ɛyamyuyɔ nɛm.

Hebriuanɛ 12:15

Nɔ di lɛ sɛ anɔnyanɔ adɛ shɛ̃ lɔ Kpaya ɛyɛmɛyuyɔ klɛ sɛ osiogu kɛtɛkɛtɛ lɔ tɛ dɔ she tɛ lɔ kpɛ butɔ anɛ tɛ lɔ zi be gelee.

Axwɛwɛwa 2:42

Ba yɛkɔ balɛ ishu akɔ Banɔkpɛkpɛ anɛ kɛdɔ kɛkasɛ nɛ ketsukpɛkpɛ, kɔ kɛdɔŋɛŋa nɛ kɔ kpayakuklu.

Tɛbubukasɛ 22:14

“Bayula bagɛ be plu balɛ bawi, klɛ kidzoenu ba za kɔa lɛ nɛ ɛkpãosi nɛ shu klɛ ba ba ga budunu nɛ etsoku ɔmagbla nɛm.

1 Yohanɛsɛ 2:24

Nɔ di lɔ kɔ sɛ kɛgɛ nɔ nu denɔ kesikpɛkpɛ kɛ wɔ nɔɛ mɛ. Onugɛ kɛ bhɛtɛ ana, wũnɔ tsyɛ nɔ bɔ wɔ Eyi anɛ̀ Aka nɛ mɛ.

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

Romanɛ 2:13

Alasɛ ganɛ banɔ nɛ gɛ be nu ɔshã nɛ balɛ enu banɔnɛna nɛ Kpaya amɛ, pɔ ba gɛ balɛ abhɛtɛ atrɔ ɔshã nɛa bha balɛ la ba ɖɔ sɛ be nu banɔnɛna.

Romanɛ 8:2

alasɛ ganɔ Yesu Kristo mɛ ɛkpã Ɔfufɔɛ ɔshã nɛ obu mɛ nɛ buzizi anɛ butsi ɔshã nɛm.

Galatianɛ 6:2

Tuku ɔhaglɔ kituku, klɛ nɛ kidzoɛ nɛabha ɔbɔ bhɛtɛ ɔtrɔ Kristo ɔshã nɛabha.