Titusɛ 1:4 - ONUGBÙ NYƐNYÃ VUVƆ

⁴ Kɔ Titusɛ, mɛ eyianyɛ nɛ kɛgbɛagba mɛ nɛ bulɔ tɛyɛyɛkɛŋa tite mɛ, Ɛyamyuyɔ anɛ ishuyuyɔ denɔ Aka Kpaya anɛ Kristo Yesu bulɔ Ayɛyɛkɛkɔ nɛ ɔkɔ.

Titusɛ 1:4 Referans Kwoze

2 Timotio 1:2

Kɔ Timotio, meyianyɛ mumɔa: Ɛyamyuyɔ, eshutukubuididi anɛ ishuyuyɔ gɛ de Aka Kpaya anɛ Kristo Yesu bulɔ Apalete ɔkɔ.

Yuɖa 1:3

Ɛbhɛyalɛ dzyɔgo mɔ, kɛnyalɛ kɛlɛ mɛ sɛ ɛtrɔ gɛganɛɛ sɛ tɛ ɛŋlɔmɛ kɔ nɔ denɔ tɛyɛyɛkɛkɔ nɛ gɛ bu mɔ nɛ shu, ɛmɔ nɛ mɛ ishum sɛ alasɛ tɛ ɛŋlɔmɛ tɛ ɛyɛkɔ tsre nɔ sɛ tɛ nɔ wɛlãnkɛ kɔ tɛyɛyɛkɛŋa nɛ gɛ ba yɛkɔ nɛ kibe tirikpo mɛ petee akpɛ kpayabanɔ nɛ ahwɛ.

2 Petro 1:11

klɛ nɔ bɔ yɛkɛ kedziŋɛŋa tɛyɛyɛkɛ ɔkpɛ bukusiɔŋakɔ mabekemabeke nɛ́ bulɔ Apalete anɛ Yesu Kristo gɛ ebhulɔayɛkɛ.

2 Petro 1:1

Mɛ Simɔn Petro, Yesu Kristo axwɛdɛ anɛ̀ anɔkpɛkpɛ, Ɛŋlɔmɛ keplukpa anɛ akɔ bagɛ ɔganɔ kɛdzyɔgo bhɛbhɛtɛ bulɔ Kpaya anɛ Yesu Kristo gɛ ebhulɔayɛkɛ atɛ mɔ tɛyɛyɛkɛŋa ŋɛŋaedzi anasɛ bulɔ yɛ.

2 Kɔrintioanɛ 2:13

Ɔbɔ nanɔ nɛ ɔtsɔ̃ ɛkamɔ ishu mɛ yuyɔ, alasɛ ɛdɛ mɔ madzya Tito nɛ ɔkɛlɛ. Kɛlɛso itsre alɛ sɛ ba za mɔmɔ klɛ ɛshɛ vɛ Makedonia.

2 Petro 3:18

Pɔ nɔ she nɛ kɛdɔkukɔ nɛ̀ kibuititi mɛ nɛ bulɔ Apalete anɛ̀ Ayɛyɛkɛkɔ Yesu Kristo. Kɔ yɛ kɛlɛ nu tɛbhubhui denɔ ɔtsɔnɛ nɛ̀ mabeke! Tɛlɛbɛlɛm.

2 Kɔrintioanɛ 8:23

Tito xũnɛ, enu mɛ abhla klɛ nɛ mɛ axwɛwa nɛ wunɔɛ shi, bulɔ adzyalɛ nɛ xũ, bala lɛ basɔlɛsɔlɛɔha nɛ nu klɛ be nu kabhakpɛkpɛ kɔ Kristo.

Romanɛ 1:12

kɛlɛ nu sɛ, tɛ wɔnɔ anɛ mɛ bhɛtɛ terikpo anɛ kemikpɛkpɛ ganɔ ɔhayɛ tɛyɛyɛkɛŋam.

Yohanɛsɛ 4:42

Be tsre adzɛ nɛ asɛ, “Bu dɛ yɛkɛŋa sɛ wɔa ɖɔɖɛɖɔ nɛ so, ɔtsɔnɛ bulɔnahwɛ bu nu kɔ shu, klɛ bu ti sɛ kɛgbɛagba anɔanɛ enu Ebhubhuiyɛkɛ nɛ́ kanɔ nɛ mɛ.”

1 Yohanɛsɛ 5:14

Kɛnɛ kɛlɛ nu idzyi gɛ lɛ bulɔ ahwɛ gɛ butsobunɔ Kpaya, sɛ onugɛ bu bisi yɛ kɛdɔ tili nɛ́ yɛ tɛpɛpɛɛ nu, énu bulɔɛ bui.

2 Petro 3:2

Ɛpɛɛ sɛ tɛ nɔ baka ebui nɛ gɛ batɔnu bhubhui naɖɔ bafla nɛ̀ ɛshã gɛ bulɔ Apalete anɛ̀ Ayɛyɛkɛkɔ aganɔ wunɔ banɔkpɛkpɛ nɛabha.

2 Petro 2:20

Onugɛ be sikoyi nɛ kanɔɛmɛ ebuikpã nɛ mɛ gɛ be ti bulɔ Apalete nɛ̀ Ebhubhuiayɛkɛ Yesu Kristo klɛ ba za vu alɛ anya nɛ lɛ mɛ klɛ baŋa balɛabha, be ziadɛ nɛ kibe gugɔɛ nɛ gɛ ba za nɛ kesikpɛkpɛ.

Titusɛ 1:3

klɛ nɛ yɛ kibe nɛ gɛ atrɔ nɛ mɛ amɛna yɛ kibui nɛ ɔtɔ ganɔ kibui nɛ tɛɖuɖɔ nɛ gɛ ayɛkɔ akpɛ mɛ ahwɛ mɛ ganɔ Kpaya agɛ ebe bulɔ nɛ tɛtutrɔ mɛ,

Koloseanɛ 1:2

Kɔ banɔnɛna nɛ badzya nɛ gɛ bayɛkɛŋa nɛ Kristo mɛ nɛ Kolose: Ɛyɛmɛyɛyɔ anɛ ishuyɛyɔ kɔ nɔ denɔ bulɔ Aka Kpaya ɔkɔ.

Efesoanɛ 1:2

Kɛdɔkukɔ anɛ ishuyuyɔ kɔ nɔ denɔ Kpaya bulɔ Aka anɛ Apalete Yesu Kristo kɔ.

Galatianɛ 2:3

Pɔ ganɛ Titu kuratsyɛ, gɛ aza mɛ ɔbha ba dɛ trɔ yɛabha sɛ ebhui bunyɛnyɛ nɛ kɛbelɛlɛ nɛ tsyɛ gɛ enu Grikieyi.

2 Kɔrintioanɛ 12:18

Ɛkpɛ kɛtɔkpuesi kɔ Tito sɛ tɛ avɛ wunɔ kɔ klɛ ɛkpɛ bulɔ adzya plɛnɔ yɛ. Tito edi zru nɔ, ezru nɔ? Ganɛ ɔfufɔɛ torikpo lɛlɛ buyɛkɔ bhɛtɛ kɛdɔ nɔ klɛ bu ga kidzo trikpoe lɛlɛ nɛabha?

2 Kɔrintioanɛ 8:16

Ɛhu Kpaya ahwɛ, agɛ akpɛ nɛ Tito idzyi mɛ kɛdɔ nɛ tututu gɛ kɛ lɛ mɛ ahwɛ kɔ nɔ.

2 Kɔrintioanɛ 8:6

Kɛlɛso bu pɛɛ denɔ Tito ɔkɔ sɛ, gɛ ya eti putɔ abhɛtɛ nɛ kesikpɛkpɛ, tɛ avla mɛna ɛyamyuyɔ ebui bhɛbhɛ tanɛ beke nɛ wɔa pɛ mɛ.

2 Kɔrintioanɛ 7:6

Pɔ Kpaya, gɛ ayɔ bagɛ ba lɛ idzyi awɔlɛ, ayɔ lɔ dzyi nɛ Tito yɛ tɛbɛba nɛ mɛ,

2 Kɔrintioanɛ 4:13

Ba ŋlɔmɛ elu asɛ: “Ɛyɛkɛŋa, kɛlɛso ɛɖɔaɖɔ.” Nɛ tɛyɛyɛkɛŋa ɔfufɔɛ lɛlɛ nɛabha bulɔ tsyɛ bu yɛkɛŋa anɛ kɛlɛso bu ɖɔaɖɔ,

Romanɛ 1:7

Kɔ banɔ nɛ petee anɛ Roma gɛ Kpaya aɖɔ klɛ eklu sɛ be be dzi banɔnɛna: Eshutukubui didi nɛ ishyuyɔ kɔnɔ denɔ Kpaya bulɔ Aka anɛ Apalete Yesu Kristo ɔkɔ.

Luka 2:11

Obo nɛ Daviti ɔma nɛ mɛ bamɔ Ayɛyɛkɛkɔ kɔ nɔ, yɛ nu Kristo Apalete.

Galatianɛ 3:26

Ɛnɔ petee Kpaya ye yialɛ nɔ nu ɔganɔ tɛyɛyɛkɛŋa nɛ Kristo Yesu abha,

Galatianɛ 3:28

Yuɖanɛ ɔdɔgɔsɛ Grikianɛ avama, anɔdzidzi ɔdɔgɔsɛ agɛ alɛ ɛshuahwɛ avama, anyɛ ɔdɔgɔsɛ adzyɛ avama, alasɛ wɔnɔ petee nɔ nu anɔ terikpo nɛ Kristo Yesu mɛ.

1 Timotio 1:12

Ihu bulɔ Apalete Kristo Yesu ahwɛ, gɛ akɔ mɛ bugɛganɛ, gɛ edi mɛ asɛ anɔ gɛ tɛyɛyɛkɛŋa lɛ mɛahwɛ, klɛ eebu mɛ akɔ yɛ kɛxwɛ.

2 Timotio 1:1

Paolo, gɛ enu Kristo Yesu anɔkpɛkpɛ ganɔ Kpaya tɛpɛpɛ mɛ, anɛ ɛkpã nɛ bui gɛ Kristo Yesu aɖɔ elu nɛ nu,

2 Timotio 4:10

alasɛ Dimasɛ, gɛ aɖɔ kanɔa nɛ mɛ so, eti tu alɔ mɛ klɛ ashɛ avɛ Tesalonika. Krɛsinsɛ atɛ shɛ avɛ Galatia, klɛ Titusɛ avɛ Dalmatia.

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,