Tɛbubukasɛ 9:20 - ONUGBÙ NYƐNYÃ VUVƆ

²⁰ Banɔdzyrame gɔgɔɛ nɛ gɛ be di yi ganɔ banyakpã nɛ mɛ be ke tsyina kitem nɛ balɛ ahwɛ kɛxwɛwɛwa nɛ mɛ; ba dɛ zukɔlɔ kɛtɔkpu kpɛkpɛesi kɔ ɛfufɔɛkpã, anɛ sɛkadzɛdzã kɛdɔbhubhɔ, sɛkafufu, ehẽhẽ, kɛklãgbu anɛ osi— kɛdɔbhubhɔ nɛ gɛ tɛɛ mɔ, be tee nu ɔdɔgɔsɛ baa ga.

Tɛbubukasɛ 9:20 Referans Kwoze

Tɛbubukasɛ 9:21

Be di tsyina kitem nɛ balɛ anɔ yiyi nɛ tsyɛ shu, balɛ kunyã bhɛbhɛtɛ, balɛ azhuzhɔlɛbui ɔdɔgɔsɛ balɛ ezibui nɛ shu.

1 Timotio 4:1

Ɔfufɔɛ nɛ ɔdanɛ kɛlɛ mɛ ɔɖɔ sɛ nɛ kibe gɔgɔɛ nɛ mɛ banɔ teli aba shɛnahwɛ tɛyɛyɛkɛŋa nɛ shu klɛ ba tɛ za ɛfufɔɛ nɛ gɛ wɛɛ anɔ anɛ ɛfufɔɛkpã kɛdɔkɛkasɛ nɛe de.

Axwɛwɛwa 19:26

Klɛ nɔ mɔ no nu kana gɛ anɔa nɛ gɛ enu Paolo atɛ wɛɛ klɛ etsyina banɔ gelee kɛtɔkpum nɛ ɔkɛ̃ nɛ Efesos ɔma nɛm ɔyɛkɔ kana Asia kɛdɔ nɛm petee. Aɖɔa sɛ nɛ bakpaya nɛ gɛ banɔ abhɔ nɛ ahwɛ be di nu bakpaya dzyɔgo nɛ kapɛnyapɛ mɛ.

Axwɛwɛwa 7:41

Ɔɖɔ lɛ lɛ nɛm la bhɛtɛ kɛdɔ fɛfatɛ nɛ nɛtsyɔɛeyi tɛzɛzam. Baa kɔ yɛ kɛdɔ yɛŋa klɛ baa ŋa kiwi akɔ kɛdɔ nɛ gɛ balɛ nahwɛ abhɛtɛ nɛ balɛ ahwɛ.

2 Kɔrintioanɛ 12:21

Kifu ku mɛ sɛ kibenɔ nɛ gɛ ɛzɛ ba mɛ Kpaya aba kɔ mɛ shuimɛyɔ nɛ wunɔ amɛ, klɛ ɛba mɔ obulo nɛ banɔ gelee gɛ babhɛtɛ ebuikpã bafla klɛ ba dɛ tsyinɛtɛmɛ nɛ balɛ buzizi nɛ mɛ, badzɛ ebuikpã bhɛbhɛtɛ anɛ ɛkpãzizi zɛza gɛ ba yɛkɔ ishu akpɛ lɛ mɛ.

Axwɛwɛwa 17:29

“Klɛso nɛɛ gɛ bunu kɛdɔ gɛ takoeyi denɔ Kpaya mɛ nɛɛ, kɛ ma sɛ tɛ bu bhɛtɛ kɛtɔkpum sɛ ɔfufɔɛ gɛ obhui mɛ anɔ nɛ edzi ansɛ sɛkadzɛdzã ɔdɔgɔsɛ sɛkafufu nɛ kɛklãgbu—kɛdɔ gɛ anɔdzyrame abhɛtɛ nɛ yɛ ahwɛ anɛ kibui titi.

Mateo 21:32

Alasɛ Yohanɛsɛ aba kasɛ nɔ tɛnɛnamɛzɛza, klɛ nɔ dɛ yɛkɛ yɛa bha ŋa, pɔ badɔdzyɔ anɛ badzɛ zhuzhɔlɛ nɛ xũ ba yɛkɛ aŋa. Klɛ nɛ klɛe de gɛ nɔɔ mɔ kɛɛ nɛɛ tsyɛ, no di tsyina kitem pɛ ɔyɛkɛ yɛa bha ŋa.

Tɛbubukasɛ 16:8

Kpayaxwɛdɛ lɛlɛ̃mɛ nɛ abalɛ yɛ kesugba nɛ atrɔ kiwi nɛa bha, klɛ kɛ kɔ kiwi nɛ kemi sɛ tɛ kɛ tã banɔ ansɛ kifu.

Tɛbubukasɛ 9:19

Basɔ nɛ kemi nɛ kalɛ balɛ inugbu nɛ mɛ anɛ itse nɛ mɛ; alsɛ balɛ itse nɛ lɛ ansɛ beblidzya, gɛ atɔkpu alɛ balɛ ahwɛ gɛ ba yɛkɔ kpɛ anɔɛ pɔ nɔ.

Tɛbubukasɛ 15:1

Ɛzɛ mɔ nɛ owũsise kɛdɔmumɔ gbɛgbla gɛ bhɛtɛ bi tili: kpayaxwɛdɛ tiegene gɛ be vunɔ banya tiegene gɔgɔɛ— be nu bagɔgɔɛ alasɛ ba lɛ plɛnɔ pɛ Kpaya obulo gɛganɛ nɛ ɔna.