Tɛbubukasɛ 7:14 - ONUGBÙ NYƐNYÃ VUVƆ

¹⁴ Ibui lɛ nu asɛ, “Apalete, onyi.” Klɛ aɖɔ asɛ, “Banɛ balɛ nu bagɛ de ekoeyi nɛ butɔ gbla nɛ mɛ; be ti plu balɛ bawidzidze klɛ ba bhɛtɛ alɛ le fuli nɛ Obhoshieyi nɛ dzyosu mɛ.

Tɛbubukasɛ 7:14 Referans Kwoze

1 Yohanɛsɛ 1:7

Pɔ onugɛ bu ga nɛ obhubhuikɔ, anasɛ gɛ alɛ nɛ obhubhuikɔ, bu yɛkɛ terikpo bhɛbhɛtɛ nɛ ɔhaglɔ, klɛ ye Yianyɛ Yesu dzyosu, eplu buzizi petee bu nɛ bulɔ shu.

Tɛbubukasɛ 22:14

“Bayula bagɛ be plu balɛ bawi, klɛ kidzoenu ba za kɔa lɛ nɛ ɛkpãosi nɛ shu klɛ ba ba ga budunu nɛ etsoku ɔmagbla nɛm.

Hebriuanɛ 13:12

Klɛ so Yesu tsyɛ amɔ butɔ nɛ ɔmagbla nɛ kedunu sɛ tɛ abhɛtɛ banɔ tɛ balɛ shu bbui ganɔ yɛ nahwɛ dzyosu nɛ mɛ.

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,

Tɛbubukasɛ 12:11

Ba ŋa yɛabha ganɔ Obhoshieyi nɛ dzyosu mɛ anɛ ganɔ balɛ kibui mumɔɖɔ nɛ nu; ba dɛ dɛmɛ balɛ ɛkpã nɛ bui ana gelee sɛ tɛ ba shɛ lɔ butsi.

Hebriuanɛ 9:14

Kɛlɛ kɛ zɛ ba za dɛana sɛ, Kristo dzyosu gɛ ganɔ Ɔfufɔɛ gɛ oti beke nɛa bha ayɛkɔ yɛnahwɛ shu gɛ kɛpɔ ma kɛlɛ shu kɔ Kpaya, pɛ kɛ plu bulɔ atɔkpu nɛ mɛ anɛ ebui nɛ gɛ akpɛ anɔ nɛ butsi mɛ, sɛ tɛ bu dɛ kɛxwɛ kɔ ɛkpã Kpaya!

1 Petro 1:19

Pɔ nɛ Kristo dzyosu ŋɛŋaɛdzi, obhoshieyi gɛ kɛpɔ ɔdɔgɔsɛ ozizikɔ ma ɔlɛ shu.

1 Kɔrintioanɛ 6:11

Kana wunɔ mayɛ teli nɔ za. Pɔ be plu nɔ shu, bakɔ wunɔ shubhui klɛ be bu nɔnu nɔ nɛ Apalete Yesu Kristo nɛ bulɔ Kpaya Ɔfufɔɛ nɛ mɛ.

Tɛbubukasɛ 5:9

Klɛ ba zha ɔdzɛ vuvɔ: “Wɔ ɔna sɛ tɛ ɔyɛkɔ kazaplukpa tɛ ɔdanɛ kalɛ badɛda, alasɛ be yi wɔ, klɛ ɔyɛkɔ wɔ dzyosu odzi banɔ kɔ Kpaya denɔ kɛmadi nɛ bunuhu kanyaka mɛ anɛ banɔ nɛ amadi nɛ mɛ.

Mateo 24:21

Alasɛ kibe lɛ nɛɛ butɔ piim ba za, gɛ bu dɛ sɔnɔ bukanyaka denɔ kanɔ nɛ mɛ kesikpɛkpɛ ɔbɔ nanɔ ɔtsɔ̃—klɛ butɛa fla sɔnɔ bukanyaka di.

Yohanɛsɛ 16:33

“Itsre nɔ ebuianɛ, sɛ tɛ nɔ yɛkɛ ishuyuyɔ. Nɛ kanɔa nɛ mɛ nɔ bɔ mɔ butɔ. Pɔ nɔ vu idzyi kpɛ te! Ɛŋa kanɔ nɛabha.”

Tɛbubukasɛ 17:6

Ɛmɔ sɛ adzɛ nɛɛ ebuku nɛ banɔnɛna dzyosu, banɔ nɛ gɛ amɔ ebuiaɖɔ nɛ Yesu shu. Gɛ ɛmɔ yɛ nɛɛ, kɛ bhɛtɛ mɛ bi piim.

Romanɛ 5:3

Ganɛ kana tite ko, pɔ bu mɔ same nɛ bulɔ baatɔ nɛ mɛ tsyɛ, alasɛ bu nyi sɛ butɔ bhɛtɛ kanyɛtsitsi;

Axwɛwɛwa 14:22

nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

Tɛbubukasɛ 15:2

Klɛ mɛ mɔ kɛdɔ nɛ gɛ dzi ansɛ azhuzhuɔɛ aƒu gɛ abhɛsa nɛ kifu klɛ, ba gɛ li kititi nɛ aƒu nɛ shu, balɛ aŋa agavuga anɛ yɛ abhubhɔ anɛ yɛ kinyi tikpikpe mɛ telia bha. Be vunɔ ba sãgu gɛ Kpaya akɔa lɛ

Tɛbubukasɛ 2:9

Inyi ebui nɛ gɛ atrɔ wɔabha anɛ wɔ kitsyui—pɔ ehoeyi alɛ wɔahwɛ! Inyi bagɛ asɛ enu Yuɖanɛ flogo pɛ bedi nu, pɔ be nu Satana oxogokɔvu.

2 Tɛsolonianɛ 1:4

Kɛlɛ so, nɛ Kpaya busɔlɛha nɛɛ shi bu feke shu nɛ wɔnɔɛ kɛxwɛ gɛganɛ wɛwa anɛ tɛyɛyɛkɛŋa nɛ gɛ lɛ nɔ ahwɛ nɛ tɛkpɛkpatɔnɔ anɛ tɛfifekedi nɛ mɛ gɛ nɔɔ ga.

Marko 13:19

alasɛ ewi alɛlɛ nɛ be dzi ewi tsutsɔmɔ gɛ alɛ kidi aka za edi, denɔ gɛ Kpaya ebu kanɔ pɛ kakpɛ kesi ɔbɔ nanɔ ɔtsɔ̃, klɛ butsutsɔmɔ kanyaka tɛa za ansɛ bulɛlɛ nɛ di.

Tɛbubukasɛ 7:9

Kɛɛ nɛ nɛede idi klɛ nɛ mɛ amɛ banɔɛha gbla tili za gɛ anɔnyanɔ atɛ ba na banɔ nu kla, denɔ amadiha, kɛmadi, banɔ anɛ benuhu, be li kititi nɛ bukusiegbu nɛ amɛ anɛ Obhoshieyi nɛ otugba. Ba kpɛ bawidzidze fufu klɛ be vunɔ trɛwã nɛ balɛ ahwɛ mɛ.