Tɛbubukasɛ 6:12 - ONUGBÙ NYƐNYÃ VUVƆ

¹² Idi gɛ adanɛ adɛda hlomi. Kesukpa kahwa gɛganɛ. Kiwi nɛ kitsyina tututu ansɛ kɛpɔtɛtutu gɛ be yu nɛ epidzya tɛka, wele nɛ petee etsyina dzã dzyosu tɛdzɛdzã,

Tɛbubukasɛ 6:12 Referans Kwoze

Mateo 24:29

“Nɛ ewi tsutsɔmɔa lɛ nɛe de ko, “ ‘kiwi nɛ ba dɔ otumu, klɛ wele nɛ atɛa tã; awɛ̃wɛ̃ nɛ aba wɔlɛ denɔ kɛlɛɛ mɛ, klɛ owũsise banɔ nɛ aba hwa.’

Tɛbubukasɛ 16:18

Ɔkɛlɛ kifuɛmɔɛ, igugu gɛganɛɛ, anɛ subhalɛlɛ gɛganɛɛ anɛ kesukpa huhwa tsutsɔmɔ tsutsɔmɔ ka ba. Kesukpɛa lɛlɛ nɛ di ka hwa edi denɔ gɛ anɔ alɛa nɔ mɛ, so kalɛ tɛhuhwa nɛ kuifu.

Tɛbubukasɛ 11:13

Nɛ ɔɖɔ lɛlɛ nɛ mɛ ɖɛɛ kesukpa gɛganɛ tieli ka ba hwa klɛ ɔmagbla nɛ kapɛ tierikpo nɛ bupɛ lɔfɔm na tsra. Banɔ akpã tegene balɛ etsi nɛ kesukpa huhwa nɛ mɛ, klɛ bagɛ ba gɔ nɛ si kifu zizi klɛ ba kɔ Kpaya nɛ owũsise nɛ kabhakpɛkpɛ.

Tɛbubukasɛ 8:5

Ɔkɛlɛ kpayaxwɛdɛ nɛ ayɛkɔ ɔnyɔ̃ɛplui, eyuku kɛlɛ nɛ kifu gɛ de busɔlɛvu mɛ kɛdɔpɔɛkɔ, klɛ ayɛkɔ tɛ̃ elu kesukpa; klɛ ɔkɛlɛ subhalɛlɛɛ ɛmɔɛ, igugu edidedi, subhɛfu anɛ kesukpahuhwa aba.

Mateo 24:7

Amadi aba lɔ kititi nɛ amadi shu, klɛ bukusiɔŋakɔ ba lɔ kititi nɛ bukusiɔŋakɔ shu. Bubhɛ ba dɔ klɛ busukpa ba hwa nɛ ɛzakɔ gelee.

Marko 15:33

Nɛ kemuze ɛɖa lɔfɔntɛbha mɛ otumu ɔdɔ nɛ kesukpa nɛa bha ɔdɔ nanɔ owulago ɛɖa tɛta mɛ.

Mateo 28:2

Kesukpa huhwa gɛganɛɛ abɛ lɛ mɛ, alasɛ Apalete nɛ axwɛdɛ nɛ ede owũsise nɛ aba, klɛ ede tii kɛklãgbugbla nɛ aplɛ nɛ odzre nɛa bha klɛ ezhiaza klɛa bha.

Mateo 27:54

Gɛ keyutugbani anɛ bepupo nɛ Yesu odzre nɛ shu ba mɔ kesukpahuhwa anɛ ebui nɛ petee gɛ aba kɛlɛ mɛ, kifu kua lɛ tsutsɔmɔ tsɔmɔ, klɛ be bu aɖɔ asɛ, “Kɛgbɛagba Kpaya yɛ Eyi edzi!”

Mateo 27:45

Denɔ ɛɖa lɔfɔntɛbha mɛ ɔdɔ nanɔ ɔtramɛ nɛ mɛ otumu ɔdɔ nɛ kesukpa nɛa bha petee.

Mateo 11:21

“Butɔ kɔ wɔ, Korazin! Butɔ kɔ wɔ, Bɛtsaɛda! Otɔsɛ Taɛre anɛ Sidɔn ɛma mɛ ba bhɛtɛ ebuiyiyinɔ anɔa nɛɛ, anlo ɛlɛ xũ nɛ tɛ tsyina etem kukuuku nɛ kpekpeawim zɛza anɛ butɔ sɛsra shu.

Tɛbubukasɛ 8:12

Kpayaxwɛdɛ lɛ̃lɛ̃mɛ nɛ abɔ yɛa xũlɛ̃, klɛ kiwi nɛ kapɛ zɛzɛ kadzya nɛ bupɛ tuta mɛ, wele nɛa pɛ nɛ tuta mɛ, awɛ̃wɛ̃ nɛ kapɛ nɛ bupɛ tuta mɛ, so tierikpo nɛ bupɛ tuta nɛ mɛ ketsyina dzi otumu. Keli zɛza nɛ kapɛ zɛzɛ nɛ bupɛ tuta mɛ na za otumu mɛ, klɛ kana elishi nɛ kapɛ zɛzɛ nɛ tuta mɛ nɛ tsyɛ aza.

Tɛbubukasɛ 16:8

Kpayaxwɛdɛ lɛlɛ̃mɛ nɛ abalɛ yɛ kesugba nɛ atrɔ kiwi nɛa bha, klɛ kɛ kɔ kiwi nɛ kemi sɛ tɛ kɛ tã banɔ ansɛ kifu.