Tɛbubukasɛ 5:9 - ONUGBÙ NYƐNYÃ VUVƆ

⁹ Klɛ ba zha ɔdzɛ vuvɔ: “Wɔ ɔna sɛ tɛ ɔyɛkɔ kazaplukpa tɛ ɔdanɛ kalɛ badɛda, alasɛ be yi wɔ, klɛ ɔyɛkɔ wɔ dzyosu odzi banɔ kɔ Kpaya denɔ kɛmadi nɛ bunuhu kanyaka mɛ anɛ banɔ nɛ amadi nɛ mɛ.

Tɛbubukasɛ 5:9 Referans Kwoze

1 Yohanɛsɛ 1:7

Pɔ onugɛ bu ga nɛ obhubhuikɔ, anasɛ gɛ alɛ nɛ obhubhuikɔ, bu yɛkɛ terikpo bhɛbhɛtɛ nɛ ɔhaglɔ, klɛ ye Yianyɛ Yesu dzyosu, eplu buzizi petee bu nɛ bulɔ shu.

Mateo 26:28

Mɛ dzyosu nɛ naa nɛ onugbunyɛnya mɛ nɛ wɔnɔ, gɛ ba yɛkɔ balɛ esi kɔ banɔ gelee kɔ balɛ buzizi tɛyɛyɛkɔ tsye.

Tɛbubukasɛ 14:6

Ɔkɛlɛ mɛ ɛmɔ kpayaxwɛdɛ bhlatɔ gɛ epruru gɛ adɛ vɛ kɛlɛ mɛ fanɔ, klɛ evunɔ ɛkpã mabeke mabeke anɛ kibuidzyɔgo sɛ tɛ aɖɔɛ lɛ etsre bagɛ be tsri kesukpa nɛa bha— kɔ kɛmadigbla kanyaka, amadibhli, bunuhu anɛ banɔ nɛ petee.

1 Kɔrintioanɛ 6:20

kedzi gbɛgbla ba yɛ kɔ dzi nɔ. Kɛlɛso nɔ kpɛ Kpaya yɛ nyi nɛabha nɛ wunɔ shuidzya.

Tɛbubukasɛ 5:12

Nɛ ili mɛ gɛganɛɛ klɛ la zha ɛdzɛ asɛ: “Obhoshieyi nɛ gɛ beyi, kedziŋɛŋa lɛ ɔlɛ, sɛ tɛ lɔ yɛkɛ kemi anɛ kɛnɔmdɔ anɛ kibuinyinyi anɛ bugɛganɛ anɛ anɔdidi anɛ ishubhubhui anɛ kabhakpɛkpɛ!”

Tɛbubukasɛ 4:11

“Wɔ kedziŋɛŋa kalɛ wɔ, bulɔ Apalete anɛ Kpaya, tɛ ɔyɛkɛ ishubhubhui anɛ kabhakpɛkpɛ anɛ kemi, alasɛ wɔ bhɛtɛ kɛdɔnyɛdɔ petee, klɛ ganɔ wɔ tɛdɛdɛmɛ mɛ la bhɛtɛ lɛ klɛ ba mɔ balɛ tɛzɛzam.”

Axwɛwɛwa 20:28

No di wɔnɔ shua bha nɛ ibhoshiha nɛ petee gɛ Ɔfufɔɛ Dzyɔgo nɛ ɔbhɛtɛ nɔ sɛ no di ɛlɛa bha. No dzi bagbɛgbanɔ kɔ Kpaya busɔlɛha, gɛ edzi nɛ yɛnahwɛ dzyosu.

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Tɛbubukasɛ 5:6

Ɔkɛlɛ mɛ mɔ Obhoshieyi, gɛ lɔ wɛ̃ ansɛ be ti bhui ɔlɛ, gɛ lo li kititi nɛ bukusiegbu nɛ kishitɛbha, kɛdɔbhɛbhɛtɛ lulu tɛlɛ̃ anɛ bakashishe nɛ ba kana kalɛ atsya. Ashã tegene nɛ anhũ tegene ala lɛ yɛ, gɛ alɛ enu Kpaya ɛfufɔɛ tigene gɛ ba kpɛ asɛsɛ kesukpa nɛa bha petee.

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

2 Petro 2:1

Pɔ itro batɔnu tsyɛ baza banɔ nɛ shi, anasɛ gɛ itro badɔkasɛ ba baza wũnɔɛ mɛ. Ba ba ga tɛkpukpuimɛ amɛna butsi kɛdɔkɛkasɛ, kuratsyɛ ba ba dɛada nɛ́ Apalete nɛgɛ edzi alɛ—bamɛna butsi zia nɛ balɛ nahwɛ shu.

Koloseanɛ 1:14

yɛ mɛ bu mɔ tɛbhubhuiyɛkɛ, ebuikpã tsyitsye.

Efesoanɛ 1:7

Nɛ yɛ mɛ bu mɔ tɛbhubhuiyɛkɛ ganɔ yɛ dzyosu nɛ mɛ, ebuikpã tsyitsye, anɛ Kpaya kedziŋɛŋa kɛdɔkukɔ mɛ

1 Yohanɛsɛ 2:2

Yɛ ayɛkɔ ishu etsye kɔ bulɔ ebuizizi, klɛ ganɛ bulɔ tite pɔ kɔ kanɔ nɛ petee buzizi.

1 Kɔrintioanɛ 7:23

Bɛ dzi nɔ nɛ̀ kɛdzi ŋɛŋa, nɔ tɔ dzi banɔ anɔdzidzi.

Tɛbubukasɛ 13:8

Banɔ nɛ petee ga lɛ kesukpa nɛabha na ba kpɛ kɛtɔkpuesi kɔ agavuga— banɔ nɛ petee enyi nɛ gɛ ba dɛ ŋlɔmɛ akpɛ ɛkpã keplukpa nɛ gɛ enu Obhoshieyi nɛa yɛ gɛ be yi denɔ kanɔ nɛ tɛbhɛbhɛtɛ be nɛ mɛ.

Tɛbubukasɛ 11:9

Nɛ ewi tata nɛ kapɛ mɛ banɔ denɔ banɔɛtsu, kɛmadi, bunuhu huhu anɛ amadigbla nɛ be di balɛ ishuidzya tsitsi nɛ asɛsɛ klɛ ba tɛ ba dɛmɛ asɛ tɛ la vubɔa lɛ.

Hebriuanɛ 11:14

Banɔ nɛ gɛ ba ɖɔ ebuianɛ akasasɛ ba pɛɛ balɛ nahwɛ oma.

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

Efesoanɛ 5:19

Ɖɔaɖɔ kɔ ɔhaglɔ nɛ ɛdzɛ, busɔlɛ ɛdzɛ anɛ ɔfufɔɛmɛ ɛdzɛ. Nɔ zha ɛdzɛ klɛ tɛ nɔ wɔ denɔ wɔnɔ idzyim kɔ Apalete,

Tɛbubukasɛ 10:11

Ɔkɛlɛ be tsre mɛ asɛ, “Alasɛ tɛ ɔflɔ ɖɔ ebui olu nɛ mɛ banɔ nɛ shu, amadigbla, benuhu anɛ bekusi nɛ shu.”

Tɛbubukasɛ 13:7

Ba kɔ yɛ kemi sɛ tɛ ata keyu nɛ banɔnɛna tɛ aŋa balɛa bha. Klɛ ba kɔ yɛ kabhaŋɛŋa nɛ kɛmadi, banɔ, bunuhu anɛ amadigbla nɛ peteea bha.

Tɛbubukasɛ 15:3

klɛ ba zha Mose kpayaxwɛwa nɛ ɔdzɛ anɛ Obhoshieyi nɛ ɔdzɛ na sɛ: “Wɔ ebui nɛ agbɛgbla klɛ la bhɛtɛ bi, Apalete Kpaya gɛ Agbɛgbladɛ. Wɔ edzo nɛ ana klɛ le nu kɛgba, Kibe nɛ Ekusi.

Tɛbubukasɛ 17:15

Ɔkɛlɛ kpayaxwɛdɛ nɛ aɖɔ etsrem asɛ, “Beni nɛ gɛ ɔmɔ, ɔklɛ gɛ adzɛzhuzhɔlɛ nɛ aaza, nɛ onu banɔ, banɔɛha, amadi anɛ benuhu.